Frjáls verslun - 01.01.2011, Side 54

54 FRJÁLS VERSLUN 1.tbl.2011
RÁÐSTEFNULANDIÐ ÍSLAND
HANN SEGIR eftirminnilegast hversu auð­
veld framkvæmdin hafi í raun verið þar sem
nálægðin er mikil og allt innan seil ingar.
„Það var ekkert mál að redda hlutunum.
Eitt ágætt dæmi um það er þegar átti að
taka myndir af hópnum í kirkjutröpp un­
um. Á 15 mínútum var búið að stilla öllum
mannskapnum upp og ná í ljósmyndara.“
Björn segir það standa alþjóðlegum
ráðstefnum svolítið fyrir þrifum að ekki sé
flogið beint til Akureyrar. „Okkur Akureyr­
ingunum fannst það geta unnið á móti
okkur. Hins vegar komu flestir ráðstefnu­
gestir okkar tveimur til þremur dögum
áður en ráðstefnan hófst og ferðuðust um.
Ráðstefnan var sett í Listasafninu, þar
sem Hótel KEA sá um viðurgjörninginn.
Síðan var ráðstefnan haldin á hótelinu þar
sem ráðstefnugestir gistu.
Hótel KEA býður upp á alla möguleika
og tengslanet sem þarf í svona lagað. Það
er auðvelt að redda hlutum; ef kemur
fyrirspurn þá þekkja allir alla og vegna
nálægðarinnar nær maður að halda miklu
betur utan um hlutina.“
Þegar fundum sleppti fóru ráðstefnu­
gestir meðal annars um borð í bát þar sem
boðið var upp á veiði á sjóstöng. „Það var
eftirminnilegt fyrir fólkið að fá að veiða
og um borð var boðið upp á veitingar sem
matreiðslumenn hótelsins sáu um.“
Eitt síðdegið var síðan farið að Mývatni
og segir Björn ráðstefnugesti hafa fengið
mikið út úr því að upplifa íslenska náttúru.
„Við ætluðum að halda ráðstefnuna að
hluta í Hofi, menningarhúsi Akureyringa,
en það var ekki tilbúið þegar hún var haldin.
Það er ljóst að menningarhúsið býður upp á
aukna möguleika í tengslum við ráðstefnu­
hald og ferðaþjónustu norðan heiða.“
Allt innan seilingar
Björn Magnússon, forstöðumaður þjónustudeildar Fasteignaskrár Íslands,
var í forsvari fyrir alþjóðlega ráðstefnu sem Fasteignaskrá Íslands hélt á
Akureyri í fyrravor, en ráðstefnugestir voru frá Norðurlöndunum.
Björn Magnússon, forstöðumaður
þjónustudeildar Fasteignaskrár Íslands:
„ÞETTA VAR FRÁBRUGÐIÐ hefð­
bundn um ráðstefnum að því leyti að fyrir­
lestrar voru opnir almenningi og haldnir
í litlum leik húsum og sölum inn af krám.
Það var selt inn, það var fullt á öllum við­
burðum og færri komust að en vildu.“
Fyrirlesarar voru 30 og var um 26 við­
burði að ræða. Vilhjálmur tók þátt í sex.
„Ég kom á miðvikudegi og hélt fyrirlestur
og klukkan 11 um kvöldið var ég kominn í
beina útsendingu í írska sjónvarpinu.
Á þessum fundum lýsti ég til dæmis
ástandinu á Íslandi og hvernig Íslendingar
hefðu tekist á við bankahrunið. Það sem ég
varði kannski helst var að Íslendingar létu
bankana falla og tóku ekki ábyrgð á skuld­
um þeirra og ég lýsti því að þjóðin hefði
fremur einbeitt sér að því að verja ríkissjóð,
Landsvirkjun og Orkuveituna.
Meðal gesta var William Black sem hefur
komið tvisvar sinnum til landsins og fjallað
um hvernig íslenskir bankar voru rændir
innan frá.“
Opið almenningi
Vilhjálmur Bjarnason fór í vetur á ráðstefnuna Kilkenomics sem haldin
var í írska bænum Kilkenny. Fjallað var um efnahagsörðugleika Íra,
Íslendinga og fleiri þjóða.
Vilhjálmur Bjarnason, lektor
við viðskiptafræðideild Háskóla Íslands:
EFTIRMINNILEG RÁÐSTEFNA Á AKUREYRI
EFTIRMINNILEG RÁÐSTEFNA ERLENDIS
„Okkur Akureyr ingunum fannst það geta unnið á móti okkur.
Hins vegar komu flestir ráðstefnu gestir okkar tveimur til þremur
dögum áður en ráðstefnan hófst og ferðuðust um.“
„Það var fullt á öllum viðburðum og færri komust að en vildu.“