Frjáls verslun - 01.01.2011, Qupperneq 81

FRJÁLS VERSLUN 1.tbl.2011 81
FÓLK
Starf mitt er fyrst og fremst að tryggja að hvergi leki og ekki kvikni í um leið og allir
fái nóg að borða. Þá muna leik­
ararnir textann sinn og labba
ekki á mublur, tæknifólk mun
draga frá og fyrir á réttum tíma
og allir vera íklæddir búningum
í réttri leikmynd. Til að þetta
takist þarf ég að skilja að
Þjóð leikhúsið er samfélag og
í samfélögum er mikilvægt að
skýrar reglur gildi og sanngirni
og réttsýni ráði för. Gagnvart
fólkinu í landinu, sem á og
elskar sitt Þjóðleikhús, er mitt
hlutverk að starfað sé eftir lög­
um og reglum samfélagsins og
innan fjárheimilda. Þetta er því
létt og einfalt starf og ég þarf
að passa mig að þvælast ekki
fyrir vinnandi fólki.“
Ari segir að það að hafa verið
verið giftur í 25 ár sömu konunni
og eiga með henni þrjú börn
lýsi fyrst og fremst þrautseigju
og blíðlyndi eiginkonunnar.
„Mér sjálfum er það óskiljanlegt
hversu hænd hún er að mér,
eins óspennandi og ég er. Ég
hitti sjaldan jafn óinteressant
mann og mætir mér í speglinum
á morgnana. Ég nenni ekki
einu sinni að horfa í augun í
spegl inum og eiga við mann inn
díalóg.­En­Gígja­nennir­að­hafa­
mig og fyrir það er ég óbotnandi
þakklátur og reyni að sýna það
í verki.“
Ari er menntaður leikari frá
Leiklistarskólanum og hefur
leik ið í tæplega 40 uppfærslum
í leikhúsi, 10 bíómyndum og
að sögn leikstýrt og framleitt
eitthvað. „Svo tók ég MBA og
seinna meistaragráðu í heilsu­
hagfræði. Það er ágætt í bili.
Áhugamál mín snúa að ferða­
lögum, menningu og listum,
lestri­góðra­bóka­og­hreyfingu.­
Með falskri krónu ferðaðist ég
gjarnan og skoðaði listasöfn
heimsins, en nú fer ég hring
eftir hring um Ísland. Fallegast
finnst­mér­í­Arnarfirði. Enn­er­
ýmislegt þó eftir óskoðað, t.d.
Strandirnar. Þannig mun ég
halda upp á silfurbrúðkaup mitt
á­Hótel­Djúpuvík­í­haust­í­þess-
um besta heimi allra heima.
Blóm og kransar afþakkaðir.“
Nafn: Ari Matthíasson
Fæðingarstaður: Reykjavík 15.
apríl 1964
Foreldrar: Ingvi Matthías Árnason
og Ingibjörg Jónsdóttir
Maki: Gígja Tryggvadóttir
Börn: Júlía, 23 ára, Birta, 21 árs,
og Jón Tryggvi, 12 ára
Menntun: MS í hagfræði, MBA og
próf frá Leiklistarskóla Íslands
Ari Matthíasson: „Með falskri krónu ferðaðist ég gjarnan og skoðaði listasöfn heimsins, en nú fer
ég hring eftir hring um Ísland. Fallegast finnst mér í Arnarfirði.“
Ari Matthíasson
framkvæmdastjóri Þjóðleikhússins