Frjáls verslun - 01.03.2010, Blaðsíða 9
F R J Á L S V E R S L U N • 3 . T B L . 2 0 1 0 9
R
agnhildur staðfestir eitthvert verst
geymda leyndarmál viðskipta-
lífsins; að 3 milljarðar króna hafi
verið millifærðir frá FL Group
til Kaupþings í Lúxemborg sem
greiddi þá til eignarhaldsfélagsins Fons.
Það félag var í eigu Pálma Haraldssonar.
Ragnhildur upplýsti þáverandi stjórnarmenn
um þetta mál og hvernig það væri vaxið.
Skömmu síðar sögðu allir stjórnarmenn sig
úr stjórninni og einn þeirra gerði grein fyrir
afsögn sinni á hluthafafundi FL Group eins
og kom fram í fjölmiðlum.
„Um það leyti sem ég tók formlega við
starfi forstjóra félagsins fékk ég vitneskju
um að Hannes Smárason stjórnarformaður
hefði í apríl sama ár látið millifæra tæplega
3 milljarða króna af reikningum félagsins
til Kaupþings í Lúxemborg,“ segir m.a. í
yfirlýsingunni.
„Engar skýringar, lánaskjöl eða önnur
gögn voru til um málið og millifærslan
var án vitn eskju annarra stjórnarmanna
félagsins. Hannes gaf þá skýringu að
fjármunirnir væru í vörslu Kaupþings í
Lúxemborg og ættu að vera þar til reiðu ef
taka þyrfti skyndi ákvarðanir um fjárfestingar.
Hins vegar neitaði Kaupþing í Lúxemborg
ítrekað að gefa mér og öðrum stjórnendum
FL Group upplýsingar um peningana og bar
við banka leynd.
Í júní gerði ég stjórnarformanni félagsins
grein fyrir því að ekki væri unnt að una við
óbreytta stöðu málsins. Annaðhvort yrði að
upplýsa hvar fjármunirnir væru niðurkomnir
eða að þeir skiluðu sér aftur til FL Group
með vöxtum. Stjórnarformanninum var jafn-
framt tjáð að hvorki væri hægt að ganga
frá sex mánaða uppgjöri félagsins né láta
endurskoðendur fá reikninga þess ef upp-
lýsingarnar lægju ekki fyrir.
Það var þó ekki fyrr en ég talaði beint við
forstjóra Kaupþings banka og greindi hon-
um frá málavöxtum að peningarnir skil uðu
sér loksins inn á reikning FL Group ásamt
vöxtum, fyrir lok júní.“
Ragnhildur segir í yfirlýsingunni að
ástæða þess að hún ákvað að láta af
störfum sem forstjóri FL Group á sínum
tíma hafi fyrst og fremst byggst á því að hún
taldi sig ekki eiga sam leið með Hannesi
Smárasyni, þáverandi stjórnarformanni, og
stjórn félagsins, sem voru fulltrúar stærstu
eigenda þess.
Ragnhildur minnist m.a. á fræg kaup
FL Group á sameinuðu félagi Sterling og
Maersk fyrir 15 milljarða króna og segir að
þau hafi verið óskiljanleg því bæði fyrirtæki
hafi átt í rekstrarerfiðleikum og Fons hafi
keypt þau á 4 milljarða króna snemma
ársins 2005.
„Að mínu mati var þetta óskiljanleg
verðhækkun á þeim fáu mánuðum
sem Sterling var í eigu Fons,“ segir í
yfirlýsingunni.Hún segir að Hannes og aðrir
stjórnarmenn hafi viljað kaupa. „Kaupferlið
horfði við mér sem formleg afgreiðsla á
ákvörðun sem þegar var búið að taka. Áður
en gengið var frá samn ingnum um kaupin á
Sterling ákvað ég að láta af störfum.“
Fyrst þetta ...