Frjáls verslun - 01.03.2010, Blaðsíða 79

mállaus þræll. Hann er frelsaður og gerist liðsmaður
hjá kristn um víkingum sem eru á leið í krossferð
til landsins helga. Hópurinn villist af leið og lendir
við strendur Ameríku. Leikstjóri myndarinnar er
Nicolas Winding Refn, sem í dag er einn þekktasti
og athyglisverðasti leik stjóri á Norðurlöndum.
Nicolas Winding Refn er danskur en ólst upp
í Bandaríkjunum frá átta ára aldri. Hann sótti
kvikmyndaskóla í New York þar sem hann var
rekinn áður en námi lauk. Sneri hann þá aftur
til Dan merkur, sótti um inngöngu í danska
kvik myndaskólann og var einn fárra sem voru
valdir í það skiptið, en hætti við skólagönguna
áður en hún byrjaði. Refn var aðeins 24 ára
þegar hann leikstýrði hinni of beldisfullu Pusher
(1996), sem vakti athygli á honum og fylgdu
tvær framhaldsmyndir í kjölfarið. Hin síðari ár
hefur Nicolas Wind ing Refn starfað að mestu í
Englandi, en fyrsta kvikmynd hans á ensku var
Fear X (2003) með John Turturro í aðalhlutverki.
Meðan á undirbúningi Valhalla Rising stóð var
honum boðið að leik stýra kvikmynd um einn
frægasta glæpamann Breta í dag, Charles Bronson.
Kvikmyndin
heitir Bronson og fékk fína dóma hjá gagn rýn­
end um og hefur verið sýnd á kvikmyndahátíðum
um allan heim og hlotið verðlaun. Nicolas Winding
Refn er eftirsóttur í dag og orðaður við margar
kvik myndir, en næsta kvikmynd hans er Drive með
Ryan Gosling í aðalhlutverki. Myndin er gerð eftir
skáldsögu James Sallis og verður hún fyrsta kvik­
myndin sem Refn leikstýrir í Bandaríkjunum.
Sá leikari sem Nicolas Winding Refn hefur oftast
leitað til er Mads Mikkelsen en hann hefur leikið í
fjórum kvikmyndum af sjö sem Refn hefur leik­
stýrt (áttunda myndin er sjónvarpskvikmyndin
Marple: Nemesis, sem er gerð eftir skáldsögu
Agöthu Christie.) Mikkelsen er í hlutverki hins
eineygða í Valhalla Rising og segir ekki orð alla
mynd ina þannig að mikið reynir á líkamstjáningu í
leik hans. Aðrir leikarar eru breskir og þar má nefna
Jamie Sives, Gary Lewis og Ewan Stewart.
Mads Mikkelsen leikur hinn eineygða í Valhalla
Rising en að sögn leikstjórans Nicolas Winding
Refn var það hugmynd Mikkelsens að hafa
söguhetjuna eineygða.
F R J Á L S V E R S L U N • 3 . T B L . 2 0 1 0 79
Lokaáfanginn
Lítið hefur borið á eðalleikstjóranum
James Ivory á síðustu árum enda
orðinn 83 ára. Hann er samt ekki
aðgerðarlaus og tók sig til fyrir tveimur
árum og leikstýrði The City of Your Final
Destination sem sá loks dagsins ljós í
fyrra og var frumsýnd í Bandaríkjunum
í apríl sl. Hefur myndin fengið ágætar
viðtökur þótt hún fari ekki í flokk bestu
kvikmynda Ivorys, mynda á borð við A
Room With a View, Howard’s End og The
Remains of the Day. The City of Your
Final Destination er byggð á skáldsögu
eftir Peter Cameron og fjallar um
læknanema sem fær það verkefni að
skrifa ævisögu frægs suður­amerísks
rithöfundar. Í hlutverki læknanemans
er óþekktur leikari, Omar Metwally.
Mótleikarar hans eru öllu þekktari en
þar má nefna úrvalsleikarana Anthony
Hopkins, Lauru Linney og Charlotte
Gainsbourg.
Það er í
lagi með börnin
Hvað gera foreldrar sem eru lesbíur
þegar eitt barna þeirra reynir að
komast að því hver var sæðis gjafinn
og fær systur sína í lið með sér? Þetta
er viðfangsefni The Kids Are Alright
þar sem Annette Bening og Julianne
Moore eru í hlutverkum lesbíanna sem
sjá fram á sund rungu í fjölskyldunni
þegar þær komast að ætlun barna
sinna sem eru að komast á full­
orðinsár. Eins og gefur að skilja reynir
mjög á fjölskylduböndin í framhaldinu.
Í hlutverkum unglinganna eru Josh
Hutcherson og Mia Wasikowska, sem
lék Lísu í Undralandi í kvikmynd Tim
Burtons. Auk þess leikur Mark Ruffalo
stórt hlutverk í myndinni.
Brighton Rock
Ein þekktasta skáldsaga Grahams
Greene er Brighton Rock. Hún var
fyrst kvikmynduð 1947 og hefur verið
talin vinsælasta breska film noir
myndin. Í aðalhlutverkum voru Richard
Attenborough og Hermione Baddeley.
63 árum síðar er verið að endugera
myndina og enn eru það Bretar sem
standa á bak við kvikmyndagerðina.
Ekki er sagan færð til nútímans en
látin gerast á sjöunda áratug síðustu
aldar. Brighton Rock sem frumsýnd
verður í lok ársins skartar úrvali breskra
leikara þar sem fremst eru í flokki
Helen Mirren, John Hurt og eitt heitasta
ungstirnið í dag, Carey Mulligan.
Leikstjóri er Rowan Joffe og skrifar
hann einnig handritið, upp úr eldra
handriti Grahams Greene. Joffe er sonur
leikstjórans Rolands Joffe sem átti
sínar bestu stundir á níunda áratugnum
þegar hann leikstýrði The Killing Fields
og The Mission.
KVIKMYNDAFRÉTTIR
Anthony Hopkins í hlutverki sínu í The City of Final Destination.
Flókin fjölskyldutengsl eru viðfangsefnið
í The Kids Are Alright.