Frjáls verslun - 01.03.2010, Blaðsíða 57

F R J Á L S V E R S L U N • 3 . T B L . 2 0 1 0 57
R A N G Á
K J Ö T B O R G
óðan daginn“ er það fyrsta sem
Gunnar H. Jónasson kaupmaður
í Kjötborg, á horni Ásvallagötu
og Blómvallagötu, segir þegar
gengið er inn í búðina. Gunnar
rekur versl unina ásamt bróður sínum
Kristjáni. Faðir Gunnars og Kristján hófu
rekstur við Ásvallagötu árið 1981 en Kristján
kom inn í reksturinn seinna. Kjötborg var
upphaflega stofnuð árið 1956.
„Reksturinn hjá okkur byggir á því að við
afgreiðum sjálfir og erum duglegir að sækja
vörurnar sjálfir þannig að við þurfum ekki
að kaupa mikið inn í einu. Við verslum þar
sem við fáum vörurnar ódýrastar hvort sem
það er í lágvöruverslunum eða hjá birgjum.
Svo erum við að sjálfsögðu í viðskiptum
við ákveðna birgja sem eru liprir en látum
hina eiga sig. Eins og gefur að skilja eru
það mikið til sömu viðskiptavinirnir sem
versla við okkur og margir þeirra eru með
reikning sem þeir gera upp einu sinni í
viku eða mánuði. Svo kemur líka alltaf nýtt
fólk inn annað slagið, sérstaklega eftir að
myndin um búðina var sýnd, en það kemur
meira til að skoða. Margir þeirra rifja upp
að einu sinni hafi verið sambærileg verslun í
hverfinu þeirra og hefur á orði að það sjái eftir
henni. Starfs­ og vistmenn á Grund versla
líka mikið við okkur og það hefur skapað
ákveðna festu í kringum búðina.“
Gunnar telur að verslanir eins og Kjötborg
og þær litlu búðir sem enn standi eigi
eftir að gera það áfram. „Ég spái því að
klukkubúðirnar verði seldar fljótlega þar
sem þær eru flestar reknar með tapi og að
sjálfstæðir kaupmenn taki við rekstri þeirra.
Sjálfstæður verslunarrekstur byggir á því að
kaupmennirnir rukki ekki inn fyrir hverja
einustu mínútu sem þeir eru á staðnum og
slíkt er undirstaða þess að svona verslun
gangi. Við erum líka duglegir að hlusta eftir
því sem fólk vill og útvega það sem vantar og
þannig höldum við í kúnnana okkar.“
Bræðurnir í Kjötborg leggja mikið upp
úr persónulegri þjónustu og ávarpa fasta
kúnna með nafni. „Við sendum líka ókeypis
heim til fólks í hverfinu og margir hringja
til okkar og panta í gegnum síma og treystir
okkur til að afgreiða þá um réttar vörur og
slíkt er mikils virði.“
G
S M Á S A L A
Bræð urn ir Gunnar og Kristjáni Jónassynir í Kjötborg.