Frjáls verslun - 01.03.2010, Blaðsíða 22

22 F R J Á L S V E R S L U N • 3 . T B L . 2 0 1 0
Forsíðu grein
2001
Nokkrar umræður
urðu um það að stórir
leikendur í viðskiptalífinu
væru óhentugir sem stórir
hluthafar í bönkum.
2001
Netbólan sprakk og
hlutabréfamarkaðir
um allan heim féllu.
Fjárfestar lærðu sína
lexíu tímabundið; það
sem fer upp kemur jafnan
niður aftur.
2001
Gengi krónunnar féll
niður úr öllu valdi og
dollarinn fór í 117 krónur
um tíma. Gífurlegt
gengistap varð hjá fyrir­
tækjum sem skulduðu í
erlendri mynt.
2001
Enron fellur eins og
spilaborg. „Maður sér
ekki fyrirtæki, sem eru
í þetta miklu áliti, hrapa
svona hratt,“ segir
Robert Christmas, gjald­
þrotslögmaður. „Ég man
ekki eftir neinu tilviki þar
sem þetta hefur gerst
svona hratt.“
2003
Flestir lýsa yfir ánægju
með einkavæðingu ríkis­
bankanna þótt fallið hafi
verið frá upphaflegu
markmiði um að hafa
dreift eignarhald á
þeim. Sagt að stórir
eigendur myndu hvort
sem er kaupa upp litla
hluthafa – líkt og gerðist
í FBA þar sem varð
kennitölusöfnun.
2003
Alþjóðlegt lánsfé orðið
mjög ódýrt. Það á
upptök sín í ódýrum
fasteignalánum í Banda­
ríkjunum. Alþjóðlegt
lánsfé streymir á milli
ríkja heimsins – m.a. til
Íslands. Allir stórbankar
vilja koma fé í lóg.
2003
Stóru erlendu bankarnir
eru reknir með miklum
hagnaði. Umræða um ofur­
laun, bónusa, kaupauka
og hlutabréfavilnun verður
heitt umræðuefni. Bankar
heimsins drifnir áfram af
græðgi og kaupaukum; þar
sem bankamenn koma ódýru
lánsfé í lóg og taka snúning
á fyrirtækjum með kaupum
þeirra og sölu.
2003
Erlendir bankar
ræða mikið um nýja
fjármálaþjónustu
og „nýjar vörur á
markaðnum“.
2003
Umræður um frelsi, völd,
klíkur og samþjöppun í
brennidepli. Davíð Oddsson
segir á opinberum fundi
að „örfáir menn í þessu
þjóðfélagi séu að leika sér
með það frelsi sem hefði
verið skapað hér og komi
skömm á það og við það sé
ekki hægt að búa.“
2003
Umræður um að
Davíð Oddsson
forsætisráðherra sé
kominn í andspyrnu
við afleiðingar eigin
gerða; þ.e. hann hafi
innleitt stóraukið frelsi í
viðskiptum en það hafi
leitt til samþjöppunar
valds og að peningarnir
hafi tekið völdin.
2003
Sögulegur dagur í
september þetta ár
þegar Íslandsbanki
og Landsbanki
skiptu upp Eimskip
og dótturfélögum,
viðskiptablokk, sem
gekk undir nafninu
kolkrabbinn. Túlkun
flestra: Bankarnir sölsa
undir sig atvinnulífið.
2003
Uppskipting Eimskips,
mest fyrir tilstuðlan
Björgólfs Guðmundssonar
í Landsbanka, féll í
góðan jarðveg hjá stórum
hluta þjóðarinnar. Síðar
hefur komið á daginn
að þetta var upphafið
að græðgi, yfirgangi og
algeru virðingarleysi
bankanna gagnvart fólki
og fyrirtækjum.
2001-2002
2003
2003-2004