Frjáls verslun - 01.03.2010, Blaðsíða 65

F R J Á L S V E R S L U N • 3 . T B L . 2 0 1 0 65
KREPPAN OG TÆKIFÆRIN
Hendrikka segir að eðlilega hafi kreppan haft áhrif á fyrirtæki sitt og þá sem eru
í skartgripabransanum eins og flest önnur fyrirtæki.
„Samruni heimsmarkaðssvæða getur haft jákvæðar og neikvæðar afleiðingar.
Sumir dreifingaraðilar okkar og viðskiptavinir hafa þurft að ganga í gegnum
erfiða tíma síðastliðið ár og það hefur haft áhrif á ráðstöfunartekjur þeirra. Aðrir
hafa þurft að loka. Þeir hafa þurft að sinna aðsteðjandi vandamálum eins og
afborgunum af húsnæði og öðrum skuldum og hafa þar af leiðandi ekki jafn­
mikið fé og áður á milli handanna.
Ég tel einnig tækifæri felast á krepputímum. Í niðursveiflunni gefst nefni­
lega tækifæri til að velta fyrir sér hvað það er sem gerir fyrirtæki sterkt og
árangurs ríkt. Ýmsir ytri þættir hafa áhrif á rekstur fyrirtækja en ef varan er góð
þá verður alltaf markaður til staðar þótt hann sé minni.
Í yfirstandandi kreppu hef ég farið mjög rólega og notað tímann og endur­
metið stefnuna og skapað hluti sem hvetja aðra til góðra verka. Ég hef hægt á
mér sem ég hef verið mjög sátt við en þegar kreppan er afstaðin þarf ég að vera
viðbúin fyrir uppsveifluna. Ef það gerist snögglega og ég er ekki reiðubúin þá
gæti ég tapað enn stærri markaðshlutdeild. Ég lít á kreppuna sem tækifæri til að
undirbúa mig fyrir næstu uppsveiflu.“
GEFANDI VERKEFNI
Aðspurð um hæfileika sem hafa hjálpað henni við að komast áfram segir
Hend rikka: „Vinnusemi, framsýni, seigla og að vera andlega þenkjandi.“
Draumurinn segir hún vera að gera vörumerkið að alþjóðlegu vörumerki
með tímanum. „Það á eftir að taka mörg ár og ég myndi segja að langtíma­
mark miðið væri að opna litlar sérhæfðar búðir með skartinu mínu. Síðan er það
auðvitað netið sem er núið og framtíðin en ég er núna að undirbúa netverslun.
Ég vona að ég geti byggt upp Kids Parliament þannig að það eigi eftir að
gagn ast mörgum á lífsleiðinni. Mig langar til að leggja mitt af mörkum til að
heimurinn verði betri. Mér finnst ég verða að gera það. Og við byrjum á börn­
unum. Varðandi bækurnar þá væri gaman að sjá barnabækurnar verða nokkrar
en annars er ég frekar róleg yfir þessu öllu. Það sem skiptir máli hjá mér er að
hafa gaman að þessu og gera það sem er skemmtilegt og ég vil einbeita mér að
gef andi verkefnum. Það verður það sem verður.“ Myndir úr bók Hendrikku, Rikka og töfrahringurinn á Íslandi. Inga María Brynjarsdóttir teiknaði myndirnar í bókinni.
Hringur úr Baron­línunni, Le­Baron. ,,Um er að ræða einstakt safn skartgripa
en hugmyndina má rekja til fíngerðrar karöflu sem er í eigu minni en var eitt
sinn í eigu hins dularfulla Charles Francois Xavier Gauldree Boilleau baróns
þegar hann bjó í Reykjavík í nokkur ár undir lok 19. aldar.
Skartgripalínan hefur yfir sér dulúð, líkt og baróninn sjálfur.
Margslungið 18 karata gullvirkið skartar fíngerðu demantavirki – og
fínlegir litir gimsteinanna gefa línunni sérstaka fágun. Skartgripirnirnir
samanstanda af hágæða hringum, eyrnalokkum, armböndum og
hálsmenum.
H Ö N N U N