Frjáls verslun - 01.03.2010, Qupperneq 73

F R J Á L S V E R S L U N • 3 . T B L . 2 0 1 0 73
Anna Kristín Magnúsdóttir stofnaði fyrirtækið My beauti ful Raven í byrjun árs 2010. Hún hannar yfir­hafnir fyrir konur úr íslensku hráefni og vörurnar
eru framleiddar á Íslandi. Til að byrja með verður varan seld
í verslunum á vinsælum ferðamannastöðum víðs vegar um
landið en hugmyndin er að koma vörunni á fram færi erlendis í
framtíðinni, þá einungis í fáum útvöldum versl unum.
AF HVERJU AÐ STOFNA FYRIRTÆKI
Í FATAHÖNNUN?
„Ég byrjaði snemma að hanna og sauma föt og langaði alltaf til
þess að gera það að atvinnu minni. Ég fór síðan til Danmerkur
og lærði fatahönnun þar. Í dag er ég að starfa við fag sem mér
finnst skemmtilegt. Það eru ákveðin forréttindi að starfa við það
sem maður hefur ástríðu fyrir.
Möguleikar fyrir íslenska hönnuði eru til staðar í dag. Góð,
falleg og vel hönnuð vara á möguleika allstaðar í heiminum.
Ekki má heldur gleyma því að það er góður byr fyrir íslenska
hönnuði á íslenskum markaði í dag. Þá finnst mér mjög mikil­
vægt að taka þátt í því að byggja upp atvinnulíf á Íslandi, þótt
mitt framlag sé einungis lítill þáttur í stóru samhengi.“
Um hvað snýst viðskiptahugmynd ykkar?
„Fyrirtækið er hönnunarfyrirtæki í fataiðnaði og viðskipta­
hug myndin byggist á því að vera með íslenskt fyrirtæki sem
vinn ur úr íslensku hráefni og öll framleiðslan verður hérlendis.
Ég fékk hugmyndina þegar kreppan skall á og ég fór að velta
fyrir mér hvað mig virkilega langaði að gera næstu árin. Fyrir­
tækið er því mjög ungt og var ekki formlega stofnað fyrr en ég
hóf nám í Viðskiptasmiðjunni. Mér þykir afar vænt um nafnið
sem ég gaf fyrirtækinu. Það heitir My beautiful Raven sem á
íslensku útleggst fallegi hrafninn minn. Nafnið er þannig til
komið að eldri bróðir minn hét Hrafn og hann var kallaður
Raven þegar hann bjó erlendis. Hann var sá sem vakti áhuga
minn á tísku og hvatti mig til þess að verða fatahönnuður. Mig
langaði til þess að heiðra minningu hans með því að gefa
fyrirtækinu nafnið My beautiful Raven. Hrafninn kemur líka
við sögu í hönnuninni því ég notast við ýmis einkenni hrafn­
sins, s.s. svarta litinn og svo bláa litinn sem kemur á hrafninn
þegar sólin skín á hann. Þá voru stélið, vængirnir og fjaðrirnar
líka innblástur þegar ég útfærði sniðin.“
Hafið þið einhverjar fyrirmyndir í uppbyggingu fyrirtækisins?
„Ég get nefnt nöfn eins og Ralph Lauren, Coco Chanel og
Prada, en að sjálfsögðu hafa líka margir góðir, íslenskir hönn uðir
sýnt okkur unghönnuðum að við getum þetta líka. Þeir hafa
rutt brautina fyrir okkur.
Mér finnst fyrst og fremst áhugavert að koma vörunni á fram færi
hér heima, ekki síst vegna þess að ég er að nota íslenskt hráefni en
það hefur hingað til lítið verið notað í hágæða framleiðslu. Síðar
meir hef ég svo áhuga á að kanna mögu leikana í Bandaríkjunum
og Evrópu, ekki síst vegna stærðar markaðanna.“
HVERNIG HEFUR VIÐSKIPTASMIÐJAN
HJÁLPAÐ YKKUR?
Mjög mikið, mjög líklega væri ég ekki komin svona langt með
fyrirtækið ef ég hefði ekki farið í Viðskiptasmiðjuna. Þar hef ég
öðlast sjálfstraust og fullvissu um það að allt er hægt ef viljinn er
fyrir hendi. Viðskiptasmiðjan er líka lykill að ómetan legu tengsla­
neti sem á eftir að koma mér að góðum notum í fram tíðinni.
Ég er líka sannfærð um að framtíðin er björt. Við stefnum að
því að fatalínan verði breiðari en þó alltaf með aðalháhersluna á
yfirhafnir úr íslensku hráefni. Markmiðið er að viðhalda vöru þró­
uninni og auka þekkingu á vörumerkinu með það að leiðar ljósi að
varan sé gæðavara, hún sé handunnin og íslensk.“
Anna Kristín Magnúsdóttir stofnaði fyrirtækið My beautiful
Raven í byrjun árs 2010.
HÁTÍSKUREGNFATNAÐ
FYRIR KONUR ANNA KRISTÍN MAGNÚSDÓTTIR HJÁ MY BEAUTIFUL RAVEN:
Fyrirtækið er hönnunarfyrirtæki í fataiðnaði og viðskiptahugmyndin byggist á því að vera
með íslenskt fyrirtæki sem vinnur úr íslensku hráefni og öll framleiðslan verður hérlendis.
HANNAR YFIRHAFNIR
FYRIR KONUR
H Ö N N U N