Frjáls verslun - 01.03.2010, Blaðsíða 23

F R J Á L S V E R S L U N • 3 . T B L . 2 0 1 0 23
2001
Enron­hneykslið skekur
hlutabréfamarkaði.
Stjórnendur eru hand­
teknir – sem og endur­
skoðendur. Þeir höfðu ýkt
hagnaðartölur og logið til
um stöðu fyrirtækisins til
að halda hlutabréfaverði
uppi. Víti til varnaðar, var
sagt um allan heim.
2001
Miklar umræður urðu
um siðferði í viðskiptum
eftir Enron­hneykslið
og hlutverk stjórna.
Endur skoðendur áttu að
vinna fyrir þær og þær
áttu að hafa eftirlit með
forstjórum.
2002
Undir lok ársins selur
ríkið um 45% hlut í
Landsbankanum til Sam­
sonar, eignarhaldsfélags
í eigu Björgólfsfeðga og
Magnúsar Þorsteinssonar.
Kaupverðið var um 12
milljarðar króna. Feðgunum
hælt fyrir að koma inn til
landsins með erlent fé.
2002
Ríkið selur 45% hlut í
Búnaðarbankanum til
S­hópsins, þ.e. Eglu
ehf., Eignarhaldsfélagi
Samvinnutrygginga, Sam ­
vinnulífeyrissjóðnum og
VÍS á um 12 milljarða
króna.
2003
Valur Valsson lætur af
störfum sem annar tveggja
bankastjóra Íslandsbanka
eftir yfir 30 ára starf hjá
bankanum og forvera hans,
Ið naðar bankanum. Bjarni
Ár manns son verður einn
banka stjóri.
2003
Valdablokkirnar eru mikið
í umræðunni. Átök milli
þeirra byrjuð að magnast.
Rætt um Björgólfsfeðga,
Baugsfeðga, S­hópinn,
Kolkrabbann og
bræðurna í Bakkavör.
2003
Búnaðarbankinn og
Kaupþing sameinast
undir heitinu KB banki.
Hreiðar Már Sigurðsson,
forstjóri bankans, segir
að kominn sé stór banki
til að styðja við útrás
íslenskra stórfyrirtækja,
eins og Baug.
2003
Davíð Oddsson
forsætisráðherra
tekur út úr KB banka
eftir að forráðamenn
bankans fengu hundruð
milljóna í bónusa og
kaupaauka. Hann segir
þetta græðgi og tæmir
sparireikninginn; 400
þúsund krónur.
2003
Harðar umræður í
samfélaginu um að
bankarnir eigi orðið „öll
fyrirtæki“ og að nokkrar
nýríkar fjölskyldur drottni
yfir stjórnmálamönnum.
Rætt um að viðskiptalífið
hafi tekið völdin og eng­
inn þori lengur að stugga
við auðmönnum, að það
ríki ótti við þá.
2004
Útrás íslenskra fyrirtækja
og kaup Íslendinga á
fyrirtækjum erlendis vekur
mikla athygli erlendra
fjölmiðla. Hvaðan koma
peningarnir? Þannig
spyrja erlendir fjölmiðlar.
Svarið er: Þeir koma
frá þekktum erlendum
bönkum sem moka fé
í íslensku bankana og
helstu auðjöfra landsins.
2004
Bankarnir byrja að bjóða
húsnæðislán og keppa
við Íbúðalánasjóð. Helst
vilja bankarnir eignast
Íbúðalánasjóð. Lánin eru á
lágum vöxtum fyrir bankana
og þeir viðurkenna að í sjálfu
sér hafi þeir ekki svo mikið
upp úr þeim. Lánsféð kom
að utan.
2004
Baugur Group kaupir
ásamt fleirum Magasin du
Nord í Kaupmannahöfn.
Danir urðu forviða. Þessi
fornfræga verslun á
Kóngsins Nýjatorgi komin
í eigu Íslendinga. Danir
spyrja: Hvaðan koma
peningarnir? Þeir fá
sama svarið: Úr erlendum
bönkum. Þetta svar skilst
samt ekki.