Frjáls verslun - 01.03.2010, Blaðsíða 70
70 F R J Á L S V E R S L U N • 3 . T B L . 2 0 1 0
TEXTI: SVAVA JÓNSDÓTTIR MYNDIR: GEIR ÓLAFSSON OG FLEIRI
Erla Sólveig Óskarsdóttir. ,,Þegar ég vinn við stól þá fæðist strax hugmynd
að næsta stól og þegar maður er einu sinni kominn inn í stólabransann er
kominn farvegur fyrir nýjar framleiðsluvörur.“
ERLA SÓLVEIG ÓSKARSDÓTTIR, HÚSGAGNA- OG IÐNHÖNNUÐUR:
Hönnun Erlu Sólveigar Óskarsdóttur, húsgagna- og iðnhönnuðar, er seld víða um heim. Hún er fyrst og fremst
hönnuður en hún þarf líka að sinna rekstri fyrirtækis síns. Hún segir að í starfi sínu sé nauðsynlegt að gefast
ekki upp og þora að fara ótroðnar slóðir.
Húsgögn Erlu Sólveigar eru framleidd hér á landi, meðal annars hjá Á. Guðmundssyni. Þar er fram leidd skóla húsgagnalína, sem kall ast Sproti, ból s traðir stólar, Spuni, og
borð. Stóll inn Bessi er fram leiddur og seldur hjá Sólóhús gögnum
en hann er fram leiddur fyrir erlendan markað í Danmörku og í
Banda ríkj unum. Þess má geta að um 2000 Bessastólar voru not
aðir á umhverfisráðstefnunni í Kaup manna höfn í vetur. Stól arnir
Dímon, Formel B og Ames einn eru til sölu í versluninni Epal.
Stóllinn Dreki er framleiddur hjá þýska fyrirtækinu Brune
og franska fyrirtækinu Sokoa. Stólarnir Ames einn og Ames
tveir eru framleiddir hjá Ames GmbH. Fyrirtækið er staðsett
í Þýskalandi en er einnig með framleiðslu í Kólumbíu. Þá er
stóllinn og sófinn Dímon framleiddur hjá ítalska fyrirtækinu
Rossin og stóllinn Bessi og Formel B eru framleiddir hjá
danska fyrirtækinu One Collection.
Erla Sólveig segir að í starfi sínu sé nauðsynlegt að gefast ekki
upp og þora að fara ótroðnar slóðir. „Maður þarf líka að vera
ákveðinn í að leita að viðskiptasamböndum og það þarf að koma
sér á framfæri og kunna að taka neitun. Verst eru fyrirtækin sem
geta ekki tekið ákvarðanir og draga mann á svari.“
FYRST OG FREMST HÖNNUÐUR
Erla Sólveig segir erfitt að sameina hönnunina og fyrir tækja
reksturinn. „Ég er fyrst og fremst hönnuður en fyrirtækja
rekst rinum fylgir ótrúlega mikil skrifstofuvinna. Það er mikið
kvabb og hefur aukist eftir því sem ég er í sambandi við fleiri
framleiðendur. Það þarf að gefa ótrúlegustu upplýsingar, taka
afstöðu til kynningarmála og taka þátt í sýningum með allri
þeirri vinnu sem því fylgir.“
Aðspurð um áherslu í viðskiptunum segir Erla Sólveig að
hún leigi ekki dýrt húsnæði undir vinnustofu og stúdíó. ,,Ég
nota innkomuna til að búa til fleiri frumgerðir. Ég vil frekar
vinna við að skapa heldur en að eyða í yfirbyggingu.“
Hönnuðurinn leggur áherslu á stóla. ,,Þegar ég vinn við
stól þá fæðist strax hugmynd að næsta stól og þegar maður
er einu sinni kominn inn í stólabransann er kominn farvegur
fyrir nýjar framleiðsluvörur. Ef ég færi að hanna til dæmis
borðbúnað, sem ég gæti vel hugsað mér, þyrfti ég að byrja upp
á nýtt að leita að framleiðendum á því sviði.“
Aðspurð um sína mikilvægustu eiginleika hvað varðar fyrirtækið
segir Erla Sólveig: ,,Ég held að það sé þrautseigja. Ég verð stund um
leið á einstökum verkum en ég held alltaf áfram.“ Hún nefnir líka
þrjósku. ,,Ég hef stundum verið alveg við það að gefast upp en ég
get ekki hugsað mér að vinna við neitt annað.“
ÞOLINMÆÐI OG ÞRAUTSEIGJA
H Ö N N U N