Frjáls verslun - 01.03.2010, Blaðsíða 71
F R J Á L S V E R S L U N • 3 . T B L . 2 0 1 0 71
ÞOLINMÆÐI OG ÞRAUTSEIGJA
H Ö N N U N
Hönnun snýst um viðskipti. Prófmarkaðurinn er Ísland. En flestir horfa til stærri markaða. Það sem einu sinni var rómantísk fagur og listfræði hefur orðið að lykilhæfni og
samkeppnisyfirburðum. Þetta er góður bissness.
Þegar HönnunarMars var haldinn í Reykjavík á þessu ári kom í
ljós hve mikil flóra er af hönnuðum sem eru að búa til ein stakar
vörur og jafnvel þjónustu. Hápunkturinn var Reykja vik Fashion
Festival þar sem nokkur af þekkustu vöru merkin í hönnun á fatn
aði hér á landi sýndu nýjustu fatalín urnar sínar. ELabel, Emami,
Farmers Market og Nikita voru meðal þeirra fyrirtækja sem tóku
þátt. Fjölbreytileikinn og eld móðurinn leyndu sér ekki. Það sama
mátti segja um allan hönnunar geirann sem sýndu vinnu sína víðs
vegar um borgina.
Það sem er mikilvægt út frá viðskiptalegu sjónarmiði er að það hefur
tekist að búa til fyrirtæki á Íslandi sem byggjast á hönn un. Fyrirtæki
á fatamarkaðinum hafa verið áberandi að undan förnu og það
vekur athygli að ein best heppnaða fjár fest ing Nýsköpunarsjóðs
atvinnulífsins er fyrirtækið Nikita. Jafn framt hefur Auður Capital
fjárfest í Elm og Frumtak í Andersen&Lauth sem sýnir að áhættu
fjárfestar trúa því að hægt sé að fá góða ávöxtun með því að fjárfesta
í tískufyrirtækjum. Tískufyrirtæki geta þess vegna líka verið góðir
sprotar.
LÆRT AF REYNSLUNNI
Það er langt í frá að það hafi verið beinn og greiður vegur fyrir
flest þau fyrirtæki sem náð hafa góðum árangri í dag. Í loka
verkefni Rain Dear í Viðskiptasmiðjunni eru tekin viðtöl við
lykil fólk í hönnunargeiranum og þar kemur í ljós að margir hafa
brennt sig á því að hlaupa af of miklum eldmóði. Það ein kennir
kannski Íslendinga að halda að hægt sé að taka lan ghlaup í
sprett hlaupi.
Einnig kemur fram í fyrrnefndri rannsókn að tengslanet og al
manna tengsl leika lykilhlutverk í uppbyggingu hönnunar fyrir tækja.
Tengslanetið er ekki einungis nauðsynlegt til þess að kom ast inn í
fjölmiðla heldur ekki síður hvað varðar upplýs ingar og ráðgjöf.
Það einkennir reyndar flesta hönnuði hve margt fólk þeir þekkja
og þekkir þá. Gyðjan sem hannar skó og fylgihluti hefur t.d.
tekist að fá stílista til þess að klæða Paris Hilton, Kylie Minogue
og aðrar stjörnur í hönnun frá fyrirtækinu, þrátt fyrir ungan aldur
fyrirtækisins, sem er mikils virði þegar kemur að því að koma
vörum inn á réttar dreifileiðir.
En það er ekki nóg að treysta á að fólk læri af reynslunni. Þekk
ing og reynsla verða að fara hönd í hönd. Aurora sjóð urinn og
Viðskiptasmiðja Klaks og HR hafa þess vegna unnið saman að
því að styðja viðskiptaþekkingu hönnuða, sem er grunnforsenda
þess að hönnunarfyrirtæki geti náð aukn um árangri. Á sama
tíma hefur Viðskiptasmiðjan nýtt hönnunar hugsun til þess að
víkka sjóndeildarhring og auka möguleika annarra fyrirtækja
sem skoða viðskiptaframboð og módel í of takmörkuðu ljósi.
TÍSKUSPROTAR FRAMTÍÐARINNAR
Í sjálfu sér er ákveðin þversögn að tala um tísku og sprota
vegna þess að sprotafyrirtæki er oft notað um það sem er kall að
há tækni fyrirtæki og tíska er hugtak sem er notað yfir skamm
tímaeftirspurn. Tíska kallar eftir sífelldum frumleika og hönn
unarvinnu þar sem nauðsynlegt er að búa til nýjar vörulínur. Í
sjálfu sér er tækni fyrst og fremst hugvit og hönn un er frumleg
vinna hugvits og hugmyndaflugs. Þess vegna hlýtur að vera mikill
akkur að því að til sé að verða fjöldi sprota sem eru tískusprotar.
TEXTI: EYÞÓR JÓNSSON
Eyþór Jónsson, framkvæmdstjóri
Viðskiptasmiðju Klaks.
Reykjavík kraumar af áhugaverðum hönnuðum sem eru
að búa til vörur og þjónustu. Sumir þessara hönnuða hafa
byggt upp flott fyrirtæki sem eru að keppa á alþjóðlegum
grundvelli. Aðrir eru hönnunar- og tískusprotar í klaki og eru
smám saman að ná fótfestu á markaðinum.
TÍSKU-
SPROTAR
Í KLAKI