Frjáls verslun - 01.03.2010, Side 78

78 F R J Á L S V E R S L U N • 3 . T B L . 2 0 1 0
TEXTI: HILMAR KARLSSON
S
umarið er tími stóru ævintýramyndanna og sumarið 2010
þar engin undantekning. Má segja að stór mynda sumarið hafi
byrjað með Iron Man 2, sem eins og búast mátti við er mjög
vin sæl. Aðrar kvikmyndir í þess um flokki sem þykja nokkuð
öruggar um að fá mikla aðsókn í sumar eru Robin Hood,
Shrek Forever After, Prince of Persia: The Sands of Time og
Toy Story 3. Aðrar ævintýramyndir sem mörgum þykja líklegar til
vinsælda eru The Last Airbender, The Sorcerer’s Apprentice, Inception
og The Legend of the Guardians: The Owls of Ga’Hoole. Þær spár
gætu þó brugðist eins og stundum hefur gerst þegar rándýrar
ævintýrakvikmyndir líta dagsins ljós en svo kemur í ljós að enginn
hefur áhuga á að sjá þær. Ein kvikmynd er ónefnd í þessum flokki
ævin týramynda sumarsins en það er Valhalla Rising, sem sker sig
nokkuð frá fyrrnefndum kvikmyndum þar sem hún er norræn
kvik mynd, gerð fyrir minni pening en aðrar kvik myndir sem hér
eru nefndar, en er ein stærsta kvikmynd sem ráðist hefur verið í á
Norður löndum.
Tvær þessara kvikmynda tengjast Íslandi að því leytinu til að í Prince
of Persia: The Sands of Time leikur Gísli Örn Garðarsson veiga mikið
hlutverk og tveir af framleiðendum Valhalla Rising eru Sigurjón Sig­
hvats son og Þórir Snær Sigurjónsson. Þessar tvær kvikmyndir eiga
það sameiginlegt að fjalla um hetjur og skúrka fyrr á öldum.
Prinsinn af Persíu
Prince of Persia: The Sands of Time er gerð eftir tölvuleik og gerist
eins og nafnið bendir til í Persíu til forna. Miðað við ljósmyndir
og sýnishorn er myndin mikið sjónarspil og leikur grafíkin stórt
hlut verk, en vonandi ekki eins stórt hlutverk og í 300, annarri ævin­
týramynd þar sem Persía kom við sögu og var sú mynd nánast ein
stór tölvu grafík og átti lítið skylt við kvikmyndalist.
Aðalpersónan er Dastan, ungur óbreyttur hermaður í Persíu sem
sýnir hugrekki í orrustu og er ættleiddur af konunginum. Dastan
slæst í för með prinsessunni Taminu til að endurheimta tímaglas, úr
hönd um illmennisins Nizams, tímaglas sem var gjöf frá guðunum.
Dastan er blekktur til að nota tímaglasið og þar með leggur hann
konungdæmið í rúst og breytir íbúum í skrímsli. Þegar svo er komið
er það í höndum Dastans og Taminu að bjarga konungsríkinu og
leiðrétta mistökin með því að nota rýting sem veitir þeim tíma­
bundna stjórn yfir tímanum.
Stjörnur kvikmyndarinnar eru þrjár, Jake Gyllenhaal leikur Dastan,
Gemma Atherton leikur Taminu og Ben Kingsley er í hlutverki
Nizams. Í góðum hópi aukaleikara er Gísli Örn Garðarsson, en
hann leikur The Vizier, einn hættulegasta andstæðing Dastians og
þann vígfimasta sem hann etur kappi við. Stærsta ósk The Vizier er
að verða ódauðlegur og veigrar hann sér ekki við að leggja allt í rúst
svo hann öðlist ódauðleika.
Leikstjóri Prince of Persia. The Sands of Time er Mike Newell,
reyndur og virtur breskur leikstjóri. Það var hann sem bauð Gísla
Erni hlutverk í myndinni en Newell hafði séð Gísla Örn á sviði
í London og leist vel á piltinn. Mike Newell hefur reynslu í að
leikstýra stórum kvikmyndum en meðal nýrri afreka hans á þessu
sviði er Harry Potter and the Goblet of Fire. Mike Newell hafði
starfað um þrjátíu ára skeið að langmestu leyti í sjónvarpinu þegar
hann leikstýrði stórsmellinum Four Weddings and the Funeral (1994)
sem breytti ferli hans. Ekki yfirgaf hann þó sjónvarpið og hefur
m.a. leikstýrt myndum í seríunni um Young Indiana Jones. En
aðalvettvangur hans í dag er kvikmyndir og meðal mynda sem hann
hefur leikstýrt eru Donnie Brasco (1997), Mona Lisa Smile (2003)
og nú síðast Love in the Time of Cholera (2007). Prince of Persia:
The Sands of Time verður frumsýnd hér á landi 26. maí. Tveimur
dögum áður en hún verður frumsýnd í Bandaríkjunum.
Valhalla Rising
Valhalla Rising verður frumsýnd í Bandaríkjunum í byrjun júní
en ný verið var hún frumsýnd á Bretlandseyjum og hefur fengið
góða dóma. Myndin er ekki alveg ný af nálinni því frá október í
fyrra hefur hún verið sýnd á ýmsum kvikmyndahátíðum. Myndin
gerist á víkinga öld og er aðalpersónan One­Eyed, sem er eineygður og
Gísli Örn Garðarsson leikur illmenni í Prince of Persia: The
Sands of Time og feðg arnir Sigurjón Sighvatsson og Þórir
Sigurjónsson eru meðal framleiðanda Valhalla Rising
Jake Gyllenhaal.
Kvik myndir
PRINSINN AF PERSÍU
OG VÖXTUR VALHALLAR
Tvær ævintýramyndir þar
sem Íslendingar koma við sögu