Frjáls verslun - 01.07.2008, Blaðsíða 34

34 F R J Á L S V E R S L U N • 7 . T B L . 2 0 0 8
Forsíðu grein SPROTAFYRIRTÆKI
Stofnendur Calidris ákvaðu að kenna fyritækið við ætt smáfugla – sandlóur. Viðskiptavinirnir eru helstu risarnir í
flugheiminum. Félög eins og British Airways,
Emirates – og að sjálfsögðu Icelandair.
Kolbeinn Arinbjarnarson og Magnús
Óskarsson, meðstofnandi hans að Calidris,
unnu báðir áður hjá Icelandair. Kolbeinn
kallar það félag „minnsta flugrisa í heimi“.
Hjá Icelandair og í störfum innan ferðaþjón-
ustunnar rákust þeir Magnús á vanda sem
þurfti úrlausnar við. Kolbeinn segir að hug-
myndin að lausninni hafi kviknað árið 1997
en Calidris var stofnað árið 2002.
Vandamálið sem smáfuglinn Calidris fæst
við fyrir flugrisana lýtur að tölvubókunar-
kerfum eins og til dæmis Amadeus. Flug-
félögin voru meðal fyrstu fyrirtækja í heimi
til að nýta sér tölvutæknina, ekki síst við
bókanir, og þar liggur vandinn:
„Þessi tölvukerfi eru gömul. Þau urðu til
fyrir daga Internets og áður en farið var að
kaupa og selja vöru og þjónustu á Netinu
með kreditkortum,“ segir Kolbeinn. „Einn
af veikleikunum er að bókanir skila sér
ekki alltaf sem tekjur. Félögin fá ekki alltaf
borgað fyrir pantaða miða.“ Þetta er kallað
„noshow“ í flugheiminum.
Kolbeinn segir að þetta vandamál sé
óverulegt þar sem almenningur pantar mið-
ana á Netinu og borgar með kreditkorti.
En þetta á aðallega við um þróaðasta hluta
Vesturlanda. Það er mikið bókað af miðum
í heildsölu og svo koma hvorki greiðslur né
farþegar. Þetta vandamál getur rýrt tekjur
flugfélaga um allt að 4%.
Þá verður til úrlausnarefni sem kallast
„revenue integrity“ og fjallar um einskonar
tekjutryggingu fyrir seljendur þjónustunnar.
„Við hjá Calidris erum ekki að finna upp
hjólið að nýju. Þetta er þekkt vandamál og
lausn okkar felst í að taka ákveðinn veikleika
út úr gömlu kerfi, en í stað þess að reyna að
leysa vandann með takmörkunum í þessu
gamla umhverfi, þá leysum við vandann í
rauntíma í nýju umhverfi og skilum síðan
lausninni aftur inn í gamla kerfið,“ segir
Kolbeinn.
Fyrir flugfélögin er mikilvægt að bók-
unarkerfið virki frá degi til dags. „Það of
áhættusamt að skipta um kerfi og taka upp
alveg nýtt kerfi sem svo ekki virkar þegar til
á að taka. Allar bókanir gætu misfarist, flug-
vélarnar flogið tómar og félögin orðið fyrir
ómældu tjóni. Þess vegna vilja félögin heldur
að gömlu kerfin séu endurbætt og gallarnir
sniðnir af þeim,“ segir Kolbeinn.
Kolbeinn segir að Calidris hafi ekki einka-
leyfi á sinni lausn. Viðskiptaverndin felst í
samstarfssamningum við einstök flugfélög
og sá sýnilegi árangur sem Calidris hefur náð
með leiðandi flugfélögum. Kolbeinn segir
að þar skipti mestu að British Airways hafi
ákveðið að ganga til samstarfs við Calidris til
að leysa þennan vanda í bókunarkerfinu.
„Það er tiltölulega einfalt fyrir okkur að
mæla hversu miklum tekjum við skilum aftur
inn til flugfélagsins og því sendum við slíkar
upplýsingar til þess í hverjum mánuði með
reikningnum frá okkur,“ segir Kolbeinn.
„Hjá stóru félögunum skilum við milljónum
dollara í viðbótartekjur á hverjum mánuði
og verður reikningurinn fyrir þjónustu okkar
agnarsmár í samanburði.“
„British Airways hefur alltaf verið leið-
andi í tölvuvæðingu hjá flugélögunum,“ segir
Kolbeinn. Upphaflega var lausn þeirra hjá
Calidris notuð hjá Icelandair en síðan hafa
stór félög eins og Emirates, Finnair, Mala-
ysia Airlines, og nú síðast Cathay Pacific og
Austrian Airlines, bæst í hóp viðskiptavina
Calidris.
„Við erum bara örfyrirtæki í þessari grein,“
segir Kolbeinn. „Þetta 30 til 40 starfsmenn
er ekkert í samanburði við tölvufyrirtæki
með 300 til 400 þúsund starfsmenn. En við
höfum fundið einstaka en almenna lausn
á ákveðnum, afmörkuðum vanda og næsta
skref er að sjá hvort ekki megi fara eins að við
önnur svipuð vandamál.“
Kolbeinn segir að fjármagn Calidris hafi
einkum komið úr eigin rekstri. „Þetta hefur
kennt okkur aga þótt við höfum ef vill farið
hægar en ella,“ segir Kolbeinn. Mestu skipti
þó að setja sér skýr markmið og trúa á þau.
„Við vissum í upphafi hvert vandamálið
var og vorum svo fífldjarfir að halda að
við gætum leyst það þótt stóru fyrirtækin
í bransanum teldu það ómögulegt. Eig-
inlega var það klikkun en gekk samt,“ segir
Kolbeinn Arinbjarnarson.
Calidris
vA l dIR S PRO TA R
Viðskiptaverndin felst í
samstarfssamningum við
einstök flugfélög og sá sýni-
legi árangur sem Calidris
hefur náð með leiðandi
flugfélögum.
Kolbeinn Arinbjarnarson, frumkvöðull hjá hugbúnaðarfyrirtækinu Calidris:
SANDLóUR MeÐAL FLUgRISA
Kolbeinn Arinbjarnarson og Magnús
Óskarsson hjá tölvufyrirtækinu Calidris.