Frjáls verslun - 01.07.2008, Qupperneq 35

F R J Á L S V E R S L U N • 7 . T B L . 2 0 0 8 35
Tölvur eru fljótar að vinna, nákvæmar og afkastamiklar. �á, eig�inlega hamhleypur til vinnu. En þær eru heimskar og nenna ekki einu sinni að fara í bíó. Þó getur þar orðið breyting á því hjá Eff²
er búið að kenna tölvum að horfa á myndir.
Tölvufyrirtækið Eff² er sprottið út úr rannsóknarverkefni hjá
Háskólanum í Reykjavík. Upphaflega voru það Friðrik Heiðar
Ásmundsson og Herwig Lejsek sem unnu að hugmyndinni og gera
enn. Síðar bættist Kristleifur Daðason við og nú eru fimm menn á
Íslandi sem vinna hjá þessum sprota og einn í Kína.
„Upphaflega duttu þeir Friðrik og Herwig niður á lausn á töl�
vunarfræðilegu vandamáli,“ segir Kristleifur sem er hugmyndastjóri
fyrirtækisins. „Tölvur hafa átt erfitt með að bera saman ljósmyndir.
Þar hafa þær staðið okkur mönnunum að baki og ekki séð þegar tvær
nokkuð líkar myndir eru í raun sama myndin.“
Hugmyndin að baki Eff² (borið fram Eff squared á ensku) er
að gera tvær ljósmyndir samanburðarhæfar. Kristleifur segir að tak�
markið sé að ef maðurinn sér að um sömu mynd er að ræða eigi
tölvan líka að sjá það.
„Til að gera þetta kleift þarf sérstakt forrit, sem við höfum þróað,
og sérhæfðan vélbúnað eða tölvu sem er eitthvað öflugri en venjuleg
borðtölva,“ segir Kristleifur.
Og þar sem tölvur eru miklar hamhleypur til verka þá munar þær
ekkert um að bera sama milljónir af líkum myndböndum. Takist tölv�
unni að bera saman tvær líkar myndir og sjá að um sömu mynd er
að ræða, þá eru engin takmörk fyrir því hve margar myndir þær geta
borið saman. Þær geta sjálfar sest við að skoða ógrynni af kvikmynd�
um og bera þær saman.
En til hvers? Kristleifur útskýrir það.
„Þetta er tækni sem á til dæmis eftir að nýtast eigendum hugverka
en kemur að notum á mörgum örðum sviðum eins og við löggæslu,”
segir hann. „Fólk halar niður myndum af Netinu, ólöglegum
útgáfum þar sem höfundarréttur er ekki virtur. Búnaður okkar getur
auðveldað eigendum hugverka að verja sinn rétt eða bara að fylgjast
með hve víða verkið fer.“
Þessar myndir, sem sóttar eru á Netið, hafa ef til vill verið teknar
upp í kvikmyndahúsum í Kína á venjulegar myndbandsvélar. Gæðin
eru oft takmörkuð, myndirnar óskýrar og brenglaðar. Og hvernig er
hægt að finna þessar sjóræningjaútgáfur á Netinu þegar tölvur kunna
ekki að bera saman líkar myndir?
Það er þarna sem lausn þeirra hjá Eff² kemur til sögunnar. Bún�
aður þeirra getur skannað það sem boðið er af myndefni á vissum
netsvæðum og borið kennsl á myndirnar þótt þær séu ekki alveg eins
og frummyndin. Mannsaugað sér strax að um sömu mynd er að ræða
en tölvur hafa til þessa ekki getað það.
„Kerfið getur ekki hugsað sjálft, það þekkir bara það sem það
hefur séð áður, þannig að í höfundarréttarvernd þarf að senda „auga“
til framleiðenda myndanna,“ segir Kristleifur. „Þeir eru yfirleitt í
Bandaríkjunum. Þar horfir augað á myndina fyrir okkur, nemur
það sem kalla má fingraför hennar eða einkenni og eftir þetta þekkir
tölvan allar sjóræningjaútgáfur af myndinni sem bjóðast til niðurhals
á Netinu.”
Þetta er hugmynd sem hefur verið að þróast frá árinu 2003. Fyrir�
tækið var stofnað fyrir tæpu ári og nú er komið að þeim mörkum
að markaðssetja vöruna. Kristleifur segir að fleiri tölvufyrirtæki hafi
verið að leita að lausnum á þessum vanda en enginn fundið lausn
eins og þessa.
„Markmið okkar er að byggja upp hátækniþjónustufyrirtæki af
notalegri stærð og bjóða eigendum hugverka auk annarra þessa þjón�
ustu,“ segir Kristleifur.
Til þess að svo megi verða þarf að leggja umtalsvert fé í markaðs�
setningu í öðrum löndum. Fram að þessu hefur Eff² verið fjármagnað
fyrir fé í Tækniþróunarsjóði og fé sem komið hefur frá eigendunum,
vinum þeirra og vandamönnum.
Stærri fjárfestar hafa ekki komið að þessu verkefni. Núna er staðan
sú að þróunarvinna er vel á veg komin, tæknin virkar en það þarf
meiri peninga til að komast út á hinn stóra markað.
„Spurning hvaðan peningurinn kemur. Vonandi úr veltu,“ segir
Kristleifur.
Eff²
va l dir s pro ta r
Markmið okkar er að
byggja upp hátækni-
þjónustufyrirtæki af
notalegri stærð til að
bera kennsl á myndefni.
Kristleifur Daðason,
hugmyndastjóri hjá tölvufyrirtækinu Eff²:
Kenna Tölvum
að sKoða myndir
sandlóur meðal flugrisa
Baldur Jóhannesson, Friðrik Heiðar Ásmundsson og Kristleifur Daðason.