Frjáls verslun - 01.07.2008, Page 38

38 F R J Á L S V E R S L U N • 7 . T B L . 2 0 0 8
Forsíðu grein sprotaFYrirtÆKi
amivox er myndað af latnesku orð�unum „amicus“ og „vox“ eða vinur og rödd. Þessir vinir raddarinnar eru þrír
rafmagnsverkfræðingar sem bjóða upp á nýja
aðferð við að tala í síma.
,,Amivox er fyrst og fremst skilaboða�
þjónusta fyrir einstaklinga, einföld í notkun
og hentar fyrir alla sem nota farsíma,“ segir
Birkir Marteinsson, einn frumkvöðlanna.
En þeir hafa ekki fundið upp nýjan far�
síma. Hver er vandinn sem þeir hjá Amivox
leysa?
Birkir tekur dæmi: Flestir hafa heyrt
setningar eins og „Ég nennti ekki að skrifa
SMS svo ég hringdi bara,“ og „Ég ákvað bara
að senda SMS í stað þess að lenda í löngu
símtali.“
,,Amivox brúar þetta bil í samskiptum
milli einstaklinga,“ segir Birkir. ,,Amivox
byggist á því að nota röddina til að semja
skilaboð. Þau koma strax fram eins og SMS
og það er hægt að hafa samskipti við marga
eins og í MSN og notandinn sér hverjir eru
tengdir.“
Birkir segir að markmiðið sé að Amivox�
samskipti séu jafnafslöppuð og með SMS og
MSN en nái um leið fram þeim persónulega
keim sem símtölin hafa.
,,Amivox kemur því í stað margra símtala
og sparar þannig tíma en er um leið mjög
skemmtilegur og persónulegur samskipta�
máti,“ segir Birkir.
,,Þetta er þjónusta sem allir eiga að geta
notað óháð því hvort þeir eru hjá sama síma�
fyrirtæki, í sama landi eða í sitthvorri heims�
álfunni,“ bætir hann við.
,,Stór hluti af þjónustu Amivox er gjald�
frjáls og því enginn kostnaður við að prófa
þjónustuna,“ segir Birkir. ,,Notendur þurfa
eingöngu að greiða fyrir einstaka sérþjónustu
sem lausnin býður upp á. Öll gjaldtaka er
samkvæmt fyrirframgreiðslum og því ekki
um reikning eða skuldbindingu að ræða.“
Og þjónustuna er hægt að sækja frítt á
www.amivox.com.
Fyrirtækið var stofnað á Íslandi árið 2006.
Amivox hóf starfsemi sína í frumkvöðlasetri
HR (nú Klak) ásamt því að vera með skrif�
stofu í Kolding í Danmörku. Sumarið 2007
fékk Amivox inngöngu í frumkvöðlasetur
Hillington Wireless Innovation Centre í
Skotlandi. Verkefni Amivox hafa hlotið
styrki frá Impru og haustið 2007 fékk Ami�
vox styrk frá Tækniþróunarsjóði.
,,Amivox hefur í dag sett á markað nokkrar
lausnir í fyrstu útgáfum,“ segir Birkir. ,,Við
gerum ráð fyrir að á næstu misserum fari
fram frekari vinna við vöruþróun og frekari
markaðsaðlögun. Amivox hefur nú þegar
hafið samvinnu við nokkra innlenda fram�
haldsskóla með það að markmiði að tengja
Amivox við skólaumhverfi. Erlendum not�
endum hefur jafnframt fjölgað nokkuð á
árinu. Í byrjun ársins 2009 hefst svo sókn
Amivox á erlendan markað fyrir alvöru.“
Stofnendur Amivox og starfsmenn eru
þeir Arnar Gestsson, Birkir Marteinsson og
Eric Figueras Torras. Þeir eru allir með meist�
aragráður í rafmagnsverkfræði frá erlendum
háskólum. Auk frumkvöðlanna starfa hjá fyr�
irtækinu tæknifræðingar, tölvunarfræðingar
og námsmenn.
Birkir segir að starfsmenn og stofnendur
Amivox eigi það sameiginlegt að sækja reynslu
sína í fjarskipta�, tölvu� og viðskiptaheiminn
bæði á Íslandi og erlendis.
,,Það mikilvægasta við stofnun sprota�
fyrirtækis er líklega að starfsmenn nái að
vinna vel saman og að fyrirtækið vandi vel
valið á fyrstu starfsmönnum. Það skiptir
mestu þegar fyrirtæki eru að taka sín fyrstu
skref,“ segir Birkir um reynslu sína af rekstri
Amivox.
Amivox
va l dir s pro ta r
Amivox byggist á
að nota röddina til
að semja skilaboð.
Þau koma strax
fram eins og SMS og
það er hægt að hafa
samskipti við marga
eins og í MSN.Birkir Marteinsson hjá símafyrirtækinu amivox
sameinar KosTi
símTala, sms og msn
Birkir Marteinsson, Eric Sigueras Torras og Arnar Gestsson eru mennirnir að baki Amivox.