Frjáls verslun - 01.07.2008, Qupperneq 70

70 F R J Á L S V E R S L U N • 7 . T B L . 2 0 0 8
Valdimar Ármann, framleiðandi hjá Pegasus:
„Byr hefur verið að kynna þjónustu sína undir for-
merkjum „fjárhagslegrar heilsu“ frá síðustu áramótum,
sem er inntakið í þjónustu fyrirtækisins. Eins og títt er
um góðar og frjóar hugmyndir varð þessi til með góðri
og samstilltri liðsvinnu. Fyrst var farið í gegnum mark-
hópagreiningu og vandaða skilgreiningu á verkefninu
í samvinnu viðskiptaþróunar- og markaðsmáladeildar
Byrs, ráðgjafafyrirtækisins GCI og auglýsingastofunnar
Dynamo Reykjavík.
Í framhaldinu var ákveðið að athuga hvort Páll Óskar
fengist til liðs við verkefnið en lagið hans Betra líf fellur
afar vel að grunnskilaboðum auglýsingarinnar. Palli er
ekki aðeins frábær listamaður heldur gefur hann sig
100 prósent í þau verkefni sem hann tekur að sér.
Tónlist, dans og einlæg litagleði er í forgrunni auglýs-
ingarinnar þar sem við vildum leggja áherslu á að hæfi-
leikar Palla fengju notið sín sem best. Reynir Lyngdal
leikstjóri hjá Pegasus var síðan fenginn að verkinu því
betri maður en hann er vandfundnari til að kvikmynda
dans og söng og ósvikna gleði!“
Til hvaða markhóps er Byr að höfða?
„Auglýsingin höfðar fyrst og fremst til námsmanna
enda er Páll Óskar gríðarlega vinsæll hjá ungu fólki.
Skilaboðin taka því mið af þeim aldurshópum undir
formerkjunum: Fjárhagsleg heilsa er betra líf fyrir náms-
menn. Þá er Palli vinsæll hjá fólki á öllum aldri og þessi
glaðværa og jákvæða ímynd höfðar því vissulega einnig
til foreldra og fleira fólks. Herferðin er þannig í vissum
skilningi án aldurslandamæra og nýtist þannig ímynd
Byrs á breiðum og jákvæðum grunni.“
Á söngleikjastíll heima í íslenskum auglýsingum?
„Að sjálfsögðu. Söngleikjastíllinn er tákngervingur gleði,
bjartsýni og jákvæðrar uppbyggingar. Eðli söngleikja er
að hrífa fólk með sér og það er nákvæmlega það sem
við viljum gera. Hrífa námsmenn með okkur og hvetja
þá til þess að tileinka sér þann góða sið að leggja rækt
við fjárhagslega heilsu sína.“
Heitustu sumarauglýsingarnar
byR - Betra líf