Frjáls verslun - 01.07.2008, Side 104

Bílar
Það eru þrjátíu og tvö ár síðan fyrsti
Honda Accord bíllinn kom á markaðinn.
En núna birtist á markaðnum áttunda kyn-
slóðin af þessum metsölubíl. Hann hefur
meira og minna verið mest seldi bíllinn í
Bandaríkjunum nær óslitið allar götur síðan
1982. Nýi Accordinn fæst með tveimur
bensínvélum, 2,0 lítra og 2,4 lítra, og einum
2,2 lítra dísilhreyfli, með sex gíra beinskipt-
ingu eða fimm gíra sjálfskiptingu. Bíllinn
er lægri, lengri og breiðari en forverinn.
Virkilega laglegur bíll.
Honda hefur líka lagt mikið upp úr því
að auka öryggi ökumanns og farþega; gott
mál. Þegar sest er inn í bílinn blasir við hvað
öllu er haganlega komið fyrir. Það er auðvelt
að finna góða akstursstillingu; mælaborðið
er laglegt og allt plast og takkar fyrsta flokks.
Það tekur aðeins örfáa kílómetra að venjast
rafmagnsstýrinu. En þegar það er komið er
bílinn einstaklega þægilegur og góður í akstri,
rásfastur, hvort sem er á möl eða malbiki.
tæknimönnum Honda hefur tekist ein-
staklega vel upp með að hljóðeinangra bíl-
inn. Hann er hljóðlátur og það vekur athygli
hve vega- og vindhljóð er sérstaklega vel
dempað.
Accordinn er í millistærðarflokki, það fer
vel um fjóra á langferð og skottið er nokkuð
stórt. Helstu keppinautarnir eru VW Passat,
toyota Avensis og jafnvel BMW 3, en hann
var það viðmið sem Honda setti sér að
keppa við.
Eyðslan hjá mér á þetta stórum bíl var
rétt undir 10 lítrum á hundraðið í blönd-
uðum akstri. dágott. Það eina, sem ég
lenti í vandræðum með var að setja bensín
á bílinn. Fyrir óvana var þetta gestaþraut,
sem ekki leystist fyrr en ég hafði hringt í
Bernhard, umboðsaðilann, og spurt um
hvernig maður opnaði bensínlokið. Svarið
við þeirri þraut var ekki flókið.
réttur tónn
Páll Stefánsson reynsluekur nýja Honda Accord bílnum sem tilheyrir
áttundu kynslóðinni af þessum þekkta metsölubíl í Bandaríkjunum.
tExtI oG LJÓSMyNd:
páLL stefánsson
Nýi Honda Accordinn.104 F R J Á L S V E R S L U N • 7 . T B L . 2 0 0 8