Frjáls verslun - 01.07.2008, Side 105

F R J Á L S V E R S L U N • 7 . T B L . 2 0 0 8 105
Bílar
panda frá Kína
Nú í sumar var byrjað að selja Geely Panda í Kína og
hefur Geely, sem er einn stærsti bílaframleiðandinn í
Kína, mikil plön um að flytja hann út til Evrópu, enda
er verðið á þessum smábíl ekki nema tvöhundruð og
áttatíuþúsund í heimalandinu. Bílinn hefur staðist öll
árekstrar- og öryggispróf Evrópusambandsins. Eyðir
engu og ætlunin er að koma með fjögurra dyra útgáfu
snemma á næsta ári. Hingað kominn yrði verð bílsins
um 600.000. Sem er sama verð og á góðum felgum
undir sæmilegan lúxusjeppa. Það er mikill uppgangur í
kínverskum bílaiðnaði og á næstu árum og misserum
eigum við eftir að kynnast, meta og kaupa bíla sem
koma frá alþýðulýðveldinu. Enda mjög ódýrir.
Nýi Honda Accordinn.
loksins
Infinti, lúxusmerkið frá Nissan, verður loksins boðinn til
sölu í Evrópu frá og með október. Infiniti kom á markaðinn í
Bandaríkjunum fyrir tuttugu árum og hefur gengið feikilega vel þar
síðustu árin. Enda eru bílarnir sérlega vel hannaðir – og sportlegir.
Í samanburðarprófunum hjá öllum helstu amerísku bílablöð-
unum þykja þeir jafnvígir og langbestu bílarnir; G-línan frá Infiniti
og þristurinn frá BMW. Í Evrópu verður boðið upp á fjórar tegundir,
G37 og síðan G37 coupé, Ex37 sem er frekar lítill sportjepplingur,
og síðan sportjeppa í fullri stærð, Fx. Nokkuð hefur verið flutt inn
af honum hingað heim frá Ameríku.
Nú verður spennandi að sjá hvernig Evrópubúar taka þessu
sport-lúxusmerki.
Flottasti bíll í heimi?
Bristol Blenheim 3S er líklega flottasta bifreið sem
smíðuð er um þessar mundir. Sex lítra V8, knýr þennan
enska eðalvagn áfram. Bristol-menn eru svo fágaðir
að þeir gefa hvorki upp hestöfl eða tork, en miðað við
hröðunina á þessum tæplega 5 metra langa og tveggja
tonna lúxusbíl, sem er undir sex sekúndur í hundrað, er
líklegt að hestöflin séu á fjórða hundraðið.
Bristol er handsmíðaður og hefur svo verið í sextíu
og þrjú ár. Það tekur þrisvar sinnum lengri tíma að setja
einn Bristol saman en rolls royce. Bristol Blenheim
hefur verið nokkuð óbreyttur síðan 1976.
Það er bara einn sölustaður fyrir Bristol-bíla, á
Kensington High Street í London. Verðið er 47 milljónir
og sextíuogsexþúsund. Aðeins.