Frjáls verslun - 01.09.2009, Side 24

24 F R J Á L S V E R S L U N • 8 . - 9 . T B L . 2 0 0 9
S T j ó R N u N A R M o L I
TExTI: gísli kristjánsson
Tímaþjófarnir elta þig. Þeir liggja í leyni og
stela tíma þínum við hvert tækifæri. Þú
mátt ekki líta af verkum þínum.
Verkefni dagsins er óunnið að kveldi vegna
þess að tímaþjófurinn kom snemma að
morgni og stal öllum tíma þínum þann
daginn. Og svo gerist það sama næsta
dag. Tímaþjófurinn bíður á bak vð skrif-
stofudyrnar.
Sænska vinnumálastofnunin
hefur gefið út „Björgunarbók
stjóranna“ og þar er ein-
mitt kafli um átökin við
tímaþjófana. Höfundur
er Helene Thornblad og
mörgum hefur þótt hún
komast að kjarna máls-
ins. Það er því ekki sóun
á tíma að lesa það sem
hér fer á eftir.
Tímaþjófar eru lævísir, þess
vegna eru þeir svo skæðir. Þú veist
ekki fyrr en þeir hafa stolið tíma þínum.
Og það er erfitt að læsa þá úti. Þeim tekst
alltaf að komast í tíma þinn og því er helst
von í að setja sér reglur um baráttuna við
þessa þjófa. Hér eru hin sænsku ráð:
1. Reyndu að koma í veg fyrir
óþarfa hlé frá verkefnunum.
Til dæmis er rétt að takmarka hve oft er
farið yfir tölvupóst. Láttu nægja að „tékka“
póstinn þinn í byrjun vinnudags, í hádeg-
inum og áður en þú ferð heim.
2. Ekki vanmeta hve langan
tíma hvert verk tekur.
Það er mikilvægt að ætla hverju verki sinn
tíma og forðast að sinna mörgu í einu. Í það
fer meiri tími en margur heldur. Áætlaðu því
tímann fyrir hvert verk og bættu við auka-
tíma. Þú kemst sjaldan yfir eins mikið og þú
heldur.
3. Ekki búa til súrdeig.
Óleyst verkefni verða
stundum eins og súrdeig.
Það er búið til í áföngum
á mörgum dögum og er
aldrei fullgert. Reyndu
að forðast að verk-
efnin liggi hálfkláruð
og bíði næsta dags.
Það krefst mikils tíma
að grípa oft í sama verkið.
4. Eru tímaþjófar á vinnu-
staðnum?
Sumt starfsfólk krefst mikils tíma af þér.
Það þarf oft að ræða við þig um vandamál
sín. Þetta eru tímaþjófar – oft óviljandi.
Reyndu að afgreiða innanhúsvandamál
þannig að þau komi ekki inn á þitt borð á
hverjum degi.
5. Vertu nógu góður.
Sumir eru haldnir fullkomnunaráráttu og
geta aldrei lokið sínum verkum af ótta við
að hafa gert eitthvað rangt. Þetta er fólk
sem þarf að æfa sig í að vera „nógu gott“.
Það er oft bara sóun á tíma að sitja langt
fram á kvöld við að fullkomna verkið.
6. Takmarkaðu vinnutíma þinn að morgni.
Það getur verið árangursríkt að ákveða að
morgni hve lengi vinnudagurinn á að vara –
og fara svo heim á tilsettum tíma. Flestum
verður meira úr verki með þessu móti.
7. Búðu til verkefnalista.
Það eykur afköst að hafa skýrt fyrir sér að
morgni hvað á að vinna í dag.
8. Byrjaðu daginn á
mikilvægustu verkunum.
Starfsorka flestra er mest að morgni dags.
Þá er rétt að ráðast á erfiðustu verkin.
Byrjaðu á þeim jafnvel áður en þú opnar
tölvupóstinn.
9. Vertu bæði nær og fjær.
Það er mikilvægt að gefa samstarfsfólki
sínu tíma og vera með því. En taktu líka
tíma fyrir þig. Vertu upptekinn þegar þú ert
upptekinn.
10. Hálfur dagur í óvænt verkefni.
Miðaðu við að minnst hálfur dagur fari í
hverri viku í óvænt verkefni. Það er oft þetta
ófyrirséða sem stelur mesta tímanum.
Tímaþjófurinn
handtekinn