Frjáls verslun - 01.09.2009, Side 25

F R J Á L S V E R S L U N • 8 . - 9 . T B L . 2 0 0 9 25
Á öllum að líða vel í vinnunni? Nei. Svarið
er nei. Í engum ráðningarsamningi er sér-
stök klásúla um að launþeganum eigi að
líða sérlega vel í vinnunni og hafa það gott
daglangt. Staðreyndin er líka sú að mörgum
líður alls ekki vel á vinnustað og verða að
þola þar leiðinlegt fjas og nöldur.
Nú, og ef þetta er hinn blákaldi veru-
leiki, af hverju þá ekki að sætta sig við hið
óumflýjanlega og láta sér leiðast í vinnunni.
Bara að láta sig hafa það!
Hér á eftir fylgja tíu ráð, sem að mati
norska blaðsins Aftenposten eru óbrigðul,
ef markmiðið er vanlíðan í vinnunni og
margir misheppnaðir vinnudagar. Reyndu
þetta í eins og mánaðartíma og sjáðu hvort
allt fer ekki að ganga á afturfótunum – það
er ef þú heldur vinnunni svo lengi.
1. Aldrei að bjóðast til að vinna verk.
Þetta er gott ráð fyrir þá sem vilja losna við
áhyggjur af eigin starfsframa og bónusa og
svoleiðis prjál, sem stjórarnir nota til að
flækja þig endanlega í gildru vinnuseminnar.
2. Komdu seint – farðu snemma.
Þessi regla hefur marga góða kosti. Þú
sleppur við mörg fánýt verkefni og kemur
úthvíld(ur) heim úr vinnunni. Það myndast
smátt og smátt andúð á þér á vinnustað og
þú sleppur örugglega við að hafa það gott
þar.
3. Láttu starfsfélagana sigla sinn sjó.
Mjög gott ráð ef þú vilt njóta tilverunnar
einn og óáreittur í vinnunni.
4. Sparaðu eigin orku.
Enginn býr yfir ótakmarkaðri starfsorku og
sumir raunar mjög lítilli orku eða aðeins
fyrir sig sjálfa(n). Sumir eru samt svo barna-
legir að þeir sóa orkunni í vinnunni og koma
þreyttir heim. Ekki gera það.
5. Ákafi er uppgerð.
Sumt fólk hefur leiða þörf fyrir að sýna
áhuga og vinnugleði. Þetta ættir þú að forð-
ast. Þar með verður vinnudagurinn lengi að
líða, öll verkefni virðast tilgangslaus og þér
leiðist.
6. Ekki styðja yfirmennina.
Allir vita að allir yfirmenn hugsa bara um
sjálfa sig og allir verkstjórnendur eru eins
og Lilli Klifurmús – langar upp í betur launuð
störf með fleiri undirmenn að troða á. Ekki
styðja við bakið á þessu fólki þótt það reyni
í sífellu að snúa betri hliðinni að þér.
7. Þú kannt allt nógu vel nú þegar.
Eftirmenntun og persónulegur þroski er í
tísku núna. Þetta er lævíst bragð til að hafa
meiri vinnu af fólki. Vertu á varðbergi og
afþakkaðu öll tilboð um nám og kúrsa og
svoleiðis.
8. Vertu til vandræða.
Fyrri ráð hafa ekki krafist mikils frumkvæðis
af þinni hálfu. Það er hægt að gera betur og
valda virkum vandræðum á vinnustað. Þá
bregst ekki að þér og öðrum fer að líða illa.

9. Rægðu starfsfélaga.
Virk vanlíðan fæst með því til dæmis að
rægja starfsfélagana. Ef til vill má gera
þetta laumulega svo enginn viti.
10. Skemmdarverk.
Ef ekkert þessara ráða dugar eru skemmdar-
verkin ein eftir. Ef þú ert snjöll/snjall getur
orðið svo stórt vandamál á vinnustað að
vinnuveitandinn bjóði þér mörg árslaun fyrir
að þú látir aldrei sjá þig oftar.
Öfugur metnaður
S T j ó R N u N A R M o L I
TExTI: gísli kristjánsson