Frjáls verslun - 01.09.2009, Qupperneq 37

F R J Á L S V E R S L U N • 8 . - 9 . T B L . 2 0 0 9 37
Frank segir þetta vera gífurlega spennandi og skemmti-
legt verkefni og úrið verður á góðu verði þrátt fyrir að
ekkert sé slakað á í gæðum. „Upphaflega var hugmyndin
að vera með nokkrar gerðir af Michelsen-úrunum en þjóð-
félagsaðstæður hafa gert það að verkum að við verðum með
eitt módel til að byrja með en við stefnum í framtíðinni á
að vera með gott úrval af úrum í Michelsen-línunni.“
Mikil nákvæmnisvinna
Að smíða úr er mikil nákvæmnisvinna þar sem verið er að
vinna með mælieiningar sem geta verið einn þúsundasti úr
millimetra. Þess má geta að Róbert var í marga mánuði með loka-
verkefni sitt en hann fékk í hendurnar gamalt kennsluúr frá sjöunda
áratugnum sem hann endurhannaði og handsmíðaði upp á nýtt.
Mikilvægur hluti af rekstri fyrirtækisins er viðhalds- og viðgerð-
arþjónusta og hjá Michelsen er gert við öll úr hvort sem þau eru
keypt í versluninni, af öðrum aðilum eða erlendis. Frank segir að
nokkrir aðilar selji dýr og vönduð úr en ekki eru allar verslanirnar
með fagmenn á sínum snærum og því er mikið leitað til þeirra með
viðgerðir og viðhald. Hafa Michelsen-feðgar reglulega farið til Sviss
til endurmenntunar.
Eins og fyrr segir hefur Franch Michelsen ehf. verið
í eigu sömu fjölskyldu alla tíð og stendur fyrirtækið
traustum fótum. Spennandi tímar eru framundan, Mich-
elsen-úrin að koma á markaðinn og Róbert, fjórði ætt-
liðurinn, á leið til Parísar þar sem hann mun um skeið
vinna við hágæðaúrsmíði. Frank tekur fram að lokum að
ávallt hafi einkennt reksturinn að vera í takt við tímann,
bjóða eftirsóttar vörur og að sinna viðskiptavinum vel og
vandlega; þannig verði það áfram.
Feðgarnir Frank og Róbert F. Michelsen í versluninni að Laugavegi 15. Lokaverkefni Róberts var að endurhanna gamalt kennsluúr frá sjö-
unda áratugnum og handsmíða upp á nýtt og fékk hann hæstu einkunn. Á myndinni er einnig sveinsstykki afa hans, Franchs Michelsen, sem
hann smíðaði í Kaupmannahöfn. Fyrir það fékk hann einnig hæstu einkunn.