Frjáls verslun - 01.04.2005, Side 25

F R J Á L S V E R S L U N • 4 . T B L . 2 0 0 5 25
þá nær eingöngu við heimamarkaðinn, eins og fundi, ráðstefnur
og árshátíðir.
Við Greifamenn höfum alltaf unnið mark-
visst að markaðsmálum og þau skiptast í
tvennt, annars vegar markaðsmál hótelanna
og hins vegar veitingastaðarins Greifans
sem fyrst og fremst einbeitir sér að heima-
markaði. Markhópur hótelanna eru í fyrsta
lagi erlendir ferðamenn, sem hingað koma
oftast í gegnum ferðaskrifstofur, bæði ísl-
enskar og erlendar. Þeir eru í rauninni okkar
stærsti viðskiptavinahópur þótt íslenskum
ferðamönnum hafi fjölgað hjá okkur.
Við höfum einnig verið að vinna mjög
markvisst að sölu á gistingu og bókunum á
netinu, í gegnum erlenda og innlenda söluvefi. Styrkur Keahótela
og annarra fyrirtækja Eignarhaldsfélagsins felst ekki síst í öflugu
tölvuveri sem hýst er í fyrirtækinu sjálfu og tölvuþekkingu innan
fyrirtækisins. Við höfum þróað miðlægt bókunarkerfi fyrir öll
hótelin,“ segir Páll Lárus.
Hlynur bætir því við að það sé meðvituð stefna eigenda Veitinga-
hússins að taka þátt í upplýsingaöldinni og fylgjast ávallt vel með
tækninýjungum, jafnt í tækjum, tölvum sem hugbúnaði og taka jafn-
framt þátt í að þróun hans. „Þessi stefna hefur gert það að verkum
að upplýsingaflæði innan fyrirtækisins hefur ávallt verið gott og
það hefur verið auðvelt að sækja fyrirvaralaust upplýsingar um
einstaka rekstrarþætti í fyrirtækinu, hvort
sem það er nýting á hráefni, bókunarstaða,
eða staða fyrirtækisins í heild sinni. Þetta
tölvukerfi hefur verið okkur einstaklega
mikilvægt verkfæri í stækkun fyrirtækisins
og auðveldar alla vinnu og áætlanagerð.“
Sóknarfæri í Reykjavík
- Finnst ykkur öðruvísi að reka fyrirtæki á
Akureyri en í Reykjavík?
„Nei, það er nú varla hægt að segja það,“
segir Ívar Sigmundsson, yfirmaður fasteigna
og áhaldasviðs. „Það er einna helst að erindin
taki lengri tíma í Reykjavík. Mér finnst sem flest taki styttri tíma hér
á Akureyri, sem ef til vill má rekja til smæðar samfélagins og þess
að hér þekkja nær allir alla. Viðskiptaumhverfið er hins vegar alveg
sambærilegt.“
Akureyringar hafa líka trú á sínum mönnum. Árið 2002 sæmdi
atvinnumálanefnd bæjarins Greifann titlinum „Fyrirtæki ársins 2002
á Akureyri“. Sú viðurkenning er veitt fyrirtæki fyrir sérstakt framlag
til atvinnulífs í bænum og komu það árið 12 önnur til álita.
„Aðsókn og velta Greifans
hefur vaxið jafnt og þétt. Við
höfum tvisvar sinnum stækkað
veitingastaðinn, fyrst árið 1991
þegar við opnuðum 50 manna sal
í sama húsnæði og svo árið 1996
þegar við festum kaup á allri
jarðhæðinni að Glerárgötu 20.“
„Það er einn af styrkleikum fyrirtækisins að vera með starfandi eigendur, þetta er fyrirtæki með sál.“