Frjáls verslun - 01.05.2006, Blaðsíða 72

72 F R J Á L S V E R S L U N • 5 . T B L . 2 0 0 6
London er borg tækifæranna - og þá einnig fyrir konur.
Sigrún Davíðsdóttir fjallar um fimm íslenskar konur í London
sem hafa nýtt sér tækifærin og eru í eldlínu viðskiptanna.
L U N D Ú N A P I S T I L L S I G R Ú N A R
TEXTI: SIGRÚN DAVÍÐSDÓTTIR
MYNDIR: GEIR ÓLAFSSON o.fl.
KJARNAKONUR
Í LONDON
Að loknu prófi í lögfræði frá Háskóla
Íslands 1993 tók Áslaug Magnúsdóttir
til starfa hjá Deloitte & Touche á Íslandi
- var fyrsti lögfræðingurinn sem var ráð-
inn þar. Eftir rúm þrjú ár hjá Deloitte
fluttist Áslaug til Bandaríkjanna þar
sem hún tók LLM gráðu í lögfræði við
Duke háskóla og síðan MBA gráðu frá
Harvard Business School. Áslaug er á
því að þessi blanda viðskiptafræði og lög-
fræði gagnist mjög vel í starfinu núna og
reyndar alls staðar í viðskiptalífinu og þá
sérstaklega við samningagerð.
Eftir MBA námið fluttist Áslaug til
London og tók til starfa hjá ráðgjafaris-
anum bandaríska, McKinsey en flutti
sig til Baugs eftir rúm þrjú ár og hefur
nú starfað þar í tæp tvö ár. Hún er ein
þriggja forstöðumanna Baugs í London
og frá síðastliðnum áramótum veitir hún
forstöðu þeirri deild sem sér um fjárfest-
ingar í sprotafyrirtækjum.
Baugur í Bretlandi einbeitir sér fyrst
og fremst að fjárfestingum í smásölu-
verslunum sem selja tískuvöru og mat-
væli, í síðarnefnda geiranum er ekki
mikið um spennandi sprotafyrirtæki en
öðru máli gegnir um tískuna og á þeim
vettvangi beitir Áslaug sér. Varla verra
að vera kona í þeim geira.
Það kynni kannski einhver að halda
að framganga kvenna í starfi væri
auðveldari á jafnréttissinnuðum Norður-
löndum en í hefðaþrunginni höfuðborg
Bretlands - en Áslaug hefur aðra skoðun
á því. Hún bendir á að stórfyrirtæki hér
bjóði upp á mjög fastmótað framgangs-
kerfi fyrir starfsfólk þannig að ungt fólk
sem kemur þar til starfa getur gengið út
frá því sem vísu að standi það sig vel þá
skili því áfram í fyrirtækinu með ákveðn-
um hætti. Hluti af kerfinu er sterkt mats-
kerfi þar sem mikið er lagt upp úr að
mat á einstökum starfsmönnum mótist
ÁSLAUG MAGNÚSDÓTTIR