Tímarit Máls og menningar - 01.05.1944, Qupperneq 77

TÍMARIT MÁLS OG MENNINGAR
67
hefði í för með sér hækkað verðlag eða vöruskort. Þetta skýrði ég
svo með viðskiptajöfnunum, þótt ég sé með því engan veginn að
halda því fram, að þær sýni orsakasambandið eða hvernig breyt-
ingarnar verða út í æsar.
B. F. hefur getið þess mér til afsökunar, að það muni ekki upp
á marga fiska, sem kennt sé í hagfræði við „háskóla á Vesturlönö-
um“. Nú minnist ég þess að hafa séð kvantitetslögmálið skýrt á
sama hátt og ég hef gert hér í þýzkri hagfræðikennslubók, sem not-
uð var við háskólann í Moskvu. Skoðanir þær, sem ég er að verja,
virðast því taldar frambærilegar víðar en í „Vesturlöndum“.
Læt ég svo deilu þessari lokið af minni hálfu.
Gylfi Þ. Gíslason.
Ný athugasemd frá Birni Franzsyni
Ritstjóri Tímaritsins hefur gefið okkur G.Þ.G. kost á að útkljá
deiluna í þessu hefti, og þar sem málið þarfnast enn nokkurrar
skýringar eftir þetta andsvar G.Þ.G., sé ég fyrir mitt leyti ekki á-
stæðu til annars en nota rétt minn til stuttrar athugasemdar.
Það er þá fyrst að athuga, að reynsla, sem á sér hvergi stað, get-
ur auðvitað ekki orðið til að staðfesta mál G.Þ.G. Bókin „Undir
ráðstjórn“ var fyrst gefin út árið 1939, og þá var svo fjarri því,
að verðbólga væri í Ráðstjórnarríkjunum, að verðlag hafði einmitt
farið sílækkandi lengi vel. G.Þ.G. beitir hér því bragði, sem ýmsir
hafa beitt á undan honum, að vitna í ástand, sem átti sér stað á
byltingar- og borgarastyrjaldarárunum eða „nep“-tímabilinu, til að
gefa mönnum rangar hugmyndir um nútímaástand í Ráðstjórnar-
ríkjunum.
Verzlun á ólöglegum markaði er undantekningaratriði, en ekki
þáttur í hagstjórnarkerfi Ráðstjórnarríkjanna, og sannar því í
raun og veru ekkert í þessu máli, allra sízt ef hún skyldi ekki reyn-
ast annað en hugarburður G.Þ.G. Fyrstu árin eftir byltinguna bar
að vísu talsvert á slíkri verzlun, en ég hef ekki heyrt þess getið, að
enn hafi verið brögð að henni árið 1939, og G.Þ.G. væri að minnsta
kosti skylt að leggja fram áreiðanlegar heimildir um slíka verzlun