Frjáls verslun - 01.10.2007, Page 69

F R J Á L S V E R S L U N • 1 0 . T B L . 2 0 0 7 69
heildarveltu BTX Group tengist BLEND en auk þess á fyrirtækið
meðal annars merkin 4 you, Blu di blu, Be young, Lego, Psycho
Cowboy, Fransa og Franck Q. Vörurnar eru hannaðar í Danmörku.
BLEND-vörur eru seldar í 44 löndum og um 150 BLEND-
verslanir eru reknar í 12 löndum. Í verslununum eru seldar vörur frá
BLEND, BLENDshe, 4YOU og Psycho Cowboy.
Markmið forsvarsmanna BTX Group er að fyrirtækið verði árið
2010 orðið meðal tíu stærstu fyrirtækja í Evrópu og þeir áætla að fyrir
árið 2020 verði það eitt af 20 stærstu fyrirtækjum í heiminum.
Gæði á góðu verði
Hilmar og Laufey opnuðu fyrstu BLEND-verslunina í heiminum í
Smáralind fyrir fjórum árum. Ári síðar opnuðu þau BLEND-verslun
í Kringlunni og síðan hefur bæst við verslun í Keflavík. Hilmar og
Laufey leggja áherslu á að verslanirnar séu ólíkar og þær eru ekki með
sömu vörurnar. „Línan er svo breið að hún býður upp á það,“ segir
Laufey.
Í byrjun voru aðeins seldar herravörur í verslununum enda
framleiddi BLEND í fyrstu þær eingöngu. Undanfarin ár hafa einnig
verið framleidd föt á dömur auk þess sem framleiddir eru skór og
ýmsir fylgihlutir.
„BLEND-verslanirnar okkar hér á landi eru á meðal fimm
best reknu BLEND-verslana í heiminum,“ segir Hilmar. „Það var
aðalástæðan fyrir því að forsvarsmenn BTX Group buðu okkur
Laufeyju að taka þátt í enn frekari vexti fyrirtækisins.“ Hjónunum
bauðst að reka BLEND-verslanir í Danmörku í samvinnu við aðra
og í dag eiga þau helming í tveimur verslunum í Kaupmannahöfn
og þau réðu því hvar þær yrðu opnaðar, báðar eru í stórum
verslunarmiðstöðvum Field's og Fisketorvet.
Systir Laufeyjar bjó úti í tvö ár og sá um rekstur verslananna. Hún
er nú komin heim og annar Íslendingur tekinn við.
„Línurnar hjá BLEND eru stórar,“ segir Hilmar. „Viðskiptavinir
okkar eru á ýmsum aldri, margar línur eru í sama merki og þannig
geta allir fundið eitthvað við sitt hæfi. Til að mynda fást hettupeysur