Frjáls verslun - 01.10.2007, Síða 70

70 F R J Á L S V E R S L U N • 1 0 . T B L . 2 0 0 7
og gallabuxur fyrir yngra fólkið og allt upp í jakkaföt, skyrtur og bindi
auk ýmissa aukahluta.
Markmið BLEND hefur verið að framleiða vörur fyrir alla en fyrst
og fremst stílað á hversdagsfatnað. BLEND hefur frá byrjun verið í
samkeppni við þá sem framleiða ódýr föt en gæðin eru samt mikil
– það er mikill misskilningur að ódýr fatnaður þurfi að vera lélegri
enda er hann það sjaldnast. Við seljum rúmlega 120.000 stykki af
fatnaði á ári og fáum lítið inn af gölluðum vörum. Það segir mikið.“
Vex og dafnar
Ársveltan í BLEND-verslununum í Smáralind og Kringlunni hefur
vaxið jafnt og þétt frá byrjun.
„Við höfum náð þeim markmiðum sem við settum okkur,“
segir Laufey. „Við erum nýbúin að bæta við merkjunum 4YOU og
Psycho Cowboy og við breikkuðum vöruúrvalið talsvert með því,
höfum stækkað verslunina í Smáralind töluvert og ætlum að stækka
verslunarrýmið í Kringlunni á næsta ári um 80 fermetra. Við ætlum
að láta fyrirtækið vaxa og dafna.“
Hilmar bendir á að erfitt sé að bera saman verslanirnar á Íslandi og
í Danmörku þar sem verslanirnar í Danmörku þurfi ákveðinn tíma til
að ná fótfestu. ,,Það er enginn „að missa sig“ þegar verslun er opnuð
í Kaupmannahöfn. Þegar verslun er opnuð á Íslandi er stundum eins
og viðskiptavinir haldi að hún verði opin í viku og að þeir séu að missa
af einhverju. Úti þarf hins vegar þolinmæði, þar er margt í boði og
því erfiðara að fá viðskiptavini. Danir eru fastmótaðri í hvað þeir leita
eftir. Þeir eru kannski ákveðnir í að fara í verslunarmiðstöðvar og leita
að ákveðinni peysu eða gallabuxum, þeir fara á milli verslana og eru
búnir að ákveða hvað þeir ætla að eyða miklu. Íslendingar er tilbúnir
að eyða meiru í fatnað.“
Laufey tekur undir þessi orð. „Verslunarmynstrið hjá Dönum er
allt öðruvísi en hjá Íslendingum. Danir hugsa sig meira um áður en
þeir versla. Við hugsum minna og látum bara vaða.“
Laufey nefnir líka mun á starfsfólki í löndunum tveimur.
,,Íslendingar hugsa allt öðruvísi og erum alltaf tilbúnir að vinna.
Daninn rekur viðskiptavinina út þegar komið er að lokunartíma.“
Aðaláhugamálið
Hilmar og Laufey eiga þrjá syni; fjögurra, átta og sautján ára. Þá á
Hilmar rúmlega tvítuga dóttur sem vinnur hjá fyrirtækinu. Tvær
systur Laufeyjar og mágur hennar vinna á skrifstofunni.
„Mér finnst það vera forréttindi að vinna með eiginmanninum og
það hefur gengið ótrúlega vel,“ segir Laufey. „Við erum með ákveðna
verkaskiptingu – Hilmar sér um heildsöluna og ég kem meira að
verslununum, svo sem innkaupum og starfsmannamálum.“
Þegar hjónin koma heim seinni partinn og eru búin að gefa
börnunum að borða fara þau oftast að tala um fyrirtækið því þau segja
það jú vera sitt stærsta áhugamál. „Við tökum á daglegum málum frá
8-17,“ segir Laufey. „Við höfum hins vegar tekið flestar okkar stærstu
ákvarðanir um fyrirtækið í gönguferðum um Elliðaárdalinn eða í
bíltúrum.“
Þá fara þau mikið til útlanda vegna vinnunnar. „Við hefðum aldrei
getað gert þetta sem við gerum nema af því að við eigum góða að sem
hafa hjálpað okkur með börnin þegar við förum frá. Við höfum reynt
að láta starfið koma sem minnst niður á þeim. Stundum tökum við
strákana þó með okkur til Danmerkur og förum í smá frí.
Við værum ekki að þessu nema af því að okkur þykir þetta
skemmtilegt. Það er gaman að vakna á morgnana og hlakka til að
fara í vinnuna. Þá er gaman að geta verið saman í þessu, farið saman
í viðskiptaferðir og deila sama áhugamáli.“
v e r s l u n a r r e k s t u r
Hjónin Laufey
Stefánsdóttir
og Hilmar Binder
í Blend.