Frjáls verslun - 01.10.2007, Side 75

Lífsstíll
F R J Á L S V E R S L U N • 1 0 . T B L . 2 0 0 7 75
Einar Páll Tamimi og synir hans, Alexander Freyr og Bergur Tareq.
„Strákarnir og samvera með þeim er mér algert forgangsatriði.“
Einar Páll tamimi,
framkvæmdastjóri Lögfræði-
og regluvörslusviðs hjá Glitni,
á tvo syni, Alexander Frey,
17 ára, og Berg tareq, sjö
ára. „Strákarnir og samvera
með þeim er mér algert
forgangsatriði,“ segir Einar Páll
sem er einstæður. Alexander
Freyr er hjá honum aðra hverja
helgi en Bergur tareq er hjá
honum til helminga á móti
móður sinni.
„Áhugamál mín tengjast
því sem strákarnir eru að
gera og hafa áhuga á hverju
sinni. Við ferðumst saman,
spilum fótbolta, förum í
keilu, bíó og þess háttar.
Þó er hið hversdagslega
kannski skemmtilegast.
Eðli málsins samkvæmt eru
þarfir drengjanna nokkuð
mismunandi. Við Alexander
Freyr snúumst dálítið í kringum
þann yngri og látum hann plata
okkur í alls konar leiki sem
hann lætur sér detta í hug. Mín
fyrsta doktorsgráða verður nær
örugglega í Playmobil!“
Einar Páll segir að
áherslurnar gagnvart eldri
syninum, Alexander Frey, séu
aðrar og endurspegli aldur
hans. „Þátttaka mín í lífi hans
felst meðal annars í að styðja
hann í námi og vera honum
innan handar. Ég reyni að
hafa skoðanir á því sem hann
gerir og ráða honum heilt eftir
föngum. Við tölum saman um
markmið hans og langanir.
Það skemmtilegasta sem
ég geri er að vera pabbi,
eins væmið og það kann að
hljóma.“
Samverustundir með sonunum:
mIKIll pABBI
Margrét Sveinsdóttir,
forstöðumaður viðskiptatengsla
við erlenda banka hjá Glitni,
fór á skíði í fyrsta skipti þegar
hún var barn. Hún fór að stunda
skíðaíþróttina af krafti á
menntaskólaárunum á Akureyri.
,,Það var stutt að fara upp í
fjall og því frábært að skreppa
á skíði eftir skóla.“
Í dag fer Margrét mest
á skíði fyrir norðan, bæði í
Hlíðarfjalli fyrir ofan Akureyri og
á Dalvík. Einnig fer fjölskyldan
oft í skíða- og snjósleðaferðir
um páska og þá er gaman
að láta draga sig upp á fjöll
í ótroðnar brekkur og renna
sér niður, oft án þess að vita
alveg hvað framundan er. Þá
hefur hún farið í skíðaferðir
til Ítalíu og Bandaríkjanna.
„Skíðaíþróttin er sannkölluð
fjölskylduíþrótt og okkur fannst
frábært að fara með krakkana á
skíði til Bandaríkjanna þar sem
er mikil fjölskyldustemmning.
Hins vegar er frábært að njóta
þess að fá sér góðan mat eða
heitan drykk á hinum mörgu
fjallaveitingastöðum á Ítalíu og
gott að slappa af á „apri ski“
stöðunum eftir góðan skíðadag.
Það væri óskandi að hægt
væri að fara oftar á skíði í
nágrenni reykjavíkur, því að
það er gott að komast í burtu
frá daglegu amstri og ekki
verra að þetta er líkamsrækt
um leið. Þetta er skemmtileg
útivera og á skíðum slaka ég
vel á.“
Skíðamennska:
á sKÍðUm sKEmmTI ég méR
Hönnun:
sTEnsT
TÍmAns Tönn
Danski hönnuðurinn Poul M.
Volther, sem fæddist árið
1918 og lést árið 2001,
hannaði stólinn Corona sem
kom á markað árið 1964.
Stóllinn er framleiddur hjá
Erik Jörgensen og hefur
aldeilis staðist tímans tönn.
Hann er jafnnútímalegur í dag
og á sjöunda áratugnum.
Hér á landi fæst stóllinn í
versluninni Epal og er hann til
í ýmsum litum, bæði í leðri og
með áklæði.
Margrét Sveinsdóttir. „Það
væri óskandi að hægt væri að
fara oftar á skíði í nágrenni
Reykjavíkur, því að það er gott
að komast í burtu frá daglegu
amstri og ekki verra að þetta er
líkamsrækt um leið.“