Reykjalundur - 01.06.1950, Blaðsíða 8

„Orustan á Hálogalandi"
stærsti þátturinn í starfsemi Sjálfsvarnar,
sem er margvíslegt starf fyrir heildarsamtök
berklasjúklinga. S.Í.B.S., enda er félaginu
ljóst, að því aðeins er von um heillaríkan
árangur af því merka starfi, að allar deild-
ir sambandsins leggist á eitt og engin láti
sitt eftir liggja.
Á fyi'sta ári voru skráðir í félagið Sjálfs-
vörn um 250 félagar, en til ársins 1950 hafa
um 1280 gengið í það.
Bókasafn sjúklinga hefur starfað milli 30
og 40 ár. Á það orðið allmikinn kost bóka,
en nokkuð háir það starfsemi þess, hve
þröngt er orðið um það. Er safnið opið til
útlána tvisvar í viku hverri og geta sjúkling-
ar fengið þar bækur lánaðar að vild gegn
mjög vægu gjaldi.
Taflfélag Vífilsstaða hefur starfað um
fjöldamörg ár og hefur oft verið margt
góðra skákmanna á hælinu. Félag þetta
starfar einkum að vetrinum og fara þá oft
fram skákmót. Stundum heimsækja góðir
skákmenn úr bænum félagið og er það til
mikillar uppörfunar.
Styrktarsjóður sjúklinga var stofnaður 2.
ágúst 1911. Sjóður þessi rekur verzlun og
hefur nokkrar tekjur aðrar. Árlega er út-
G
hlutað 4/5 af nettótekjum sjóðsins til
styrktar sjúklingum á hælinu.
Skemmtinefnd er kosin af sjúklingunum
til sex mánaða í senn, Hefur hún til um-
ráða nýja og vandaða kvikmyndasýningar-
vél og eru kvikmyndasýningar vikulega
mestan hluta ársins. Þá sér skemmtinefnd-
in um útvegun skemmtikrafta úr bænum,
svp sem einsöngvara, kóra, hljómsveitir,
leikara, upplesara, o. s. frv. Hafa fjölmargir
listamenn sýnt mikla hjálpfýsi og lipurð
við þessi störf, enda kunna sjúklingar þeim
miklar þakkir fyrir. Þá sér nefndin um
sjnlakvöld (félagsvist), skemmtiferð að
sumrinu o. fl. Loks annast nefndin viðhald
tveggja seglbáta, sem sjúklingar eiga og
hafa til afnota á vatninu sumarmánuðina.
Allt, sem hér hefur verið talið miðar að
því á einn og annan hátt að létta sjúkling-
unum baráttuna við sjúkdóminn, auka
þrek þeirra og veita þeim gagn og gíeði,
enda er hér unnið mikið og merkilegt fé-
lagsstarf, oft af meiri vilja en mætti.
Á. G.
Leiksýning sjúklinga á Vífilsstöðum
„Orustan á Hálogalandi"
Reykjalundur