Reykjalundur - 01.06.1950, Blaðsíða 17

Frá Reykjalundi — Dagstofa
okkar meginstoð í nánustu framtíð. En eins
og kunnugt er samþykkti Alþingi á s.l. vetri
lög er heimila okkur að reka vöruhapp-
drætti í næstu 10 ár. Flutningsmönnum
þess og reyndar öllum alþingismönnunum
kunnum við miklar þakkir fyrir, en þó al-
veg sérstök ástæða að þakka vel, Gísla Jóns-
syni alþm., sem í raun og veru var aðal
flutningsmaður þess og barðist drengilegri
og skeleggri baráttu fyrir því að fá það
samþykkt, sem varð honum og okkur sig-
ursæl. Fyrir þetta ágætisverk, svo og áður
sýnda sérstaka vináttu við samtök okkar,
ákvað sambandsstjórnin á s.l. hausti að gera
hann að heiðursfélaga sambandsins, sem
lítinn viðurkenningarvott fyrir hans frá-
bæra dugnað og vináttu við samtök okkar
og raunar alla berklasjúklinga í heild, á
undanförnum árum. Fyrir því hefur hann
sannarlega unnið.
Ég sagði við værum hér samankomin til
að gleðjast yfir unnum sigrum, þeim sem ég
hef þegar nefnt, en einn er þó eftir, sem ekki
er hvað síztur, en það er: Hvað rekstur all-
ur hefur gengið vel og væri það eitt út af fvr-
ir sig, nægilegt til að gleðjast yfir, — einmitt
nú á 5 ára afmæli Vinnuhælisins. Það var
einmitt þessi hlið, starfræksla Vinnuheimil-
isins sem við vorum alltaf nokkuð uggandi
um, en sem betur fer varð sá ótti að engu og
er það okkur mikil gleði. Það frábæra verk
ber okkur að þakka vel, og tel ég víst að þar
eigi allir hlut að máli, sem hér hafa dvalið,
en þó fyrst og fremst þeir sem hér hafa
stjórnað, bæði yfirstjórnendur svo og þeir
sem stjórna hverju verkstæði, að ógleymdum
vistmönnunum. — Hér hafa sjáanlega allir
haldizt í hendur, ef svo mætti að orði kveða,
— allir hafa verið einhuga um að láta óska-
barn samtaka vorra dafna sem bezt, eins og
það væri hold af þeirra holdi, sem það raun-
verulega er. Vona ég að sama ágætis útkom-
an verði á rekstrinum í framtíðinni, sem
hingað til, enda er það nauðsynlegt að rekst-
urinn beri sig, ef stofnunin á að geta þróazt,
og ann^ð er okkur ekki sæmandi. Þetta veit
ég að allir skilja mæta vel og hafa ætíð lmg-
fast.
Að endingu lýsi ég því svo yfir að bvgging
þessi — aðalhús staðarins — er í dag 1. febrú-
ar 1950 tekinn til fullra afnota og afhendi
það hér með Vinnuheimilinu. Megi andi
fi iðar og réttlætis — velgegni og ánægju —
gleði og góðrar heilsu, hér ávallt ríkja.
Reykjalundur
15