Reykjalundur - 01.06.1950, Qupperneq 42

Þnðjfi laifdsþiog T. H. O.
Landsþing T.H.O. (Tuberkulöses
Hjelpeorganisasjon) í Noregi var að þessu
sinni haldið í Trondheim dagana 17.—20.
júní. Fulltrúum allra Norðurlandanna á
þingi D.N.T.C. var boðið að sitja þingið
sem áheyrnarfulltrúar og gestir. Við, sem
vorum þarna mættir fyrir S.Í.B.S., notuð-
um þetta sérstæða tækifæri til að kynnast
sem flestum af hinum glæsilegu fulltrúum
norsku samtakanna og störfum þeirra. Við
dáðumst að liinum mikla áhuga og liinni
almennu þátttöku í störfum þingsins, á-
gætri og öruggri fundarstjórn og röggsam-
legri afgreiðslu mála á þinginu, og síðast
en ekki sízt að hinum ágæta undirbúningi
undir þingstörfin og góðri skipulagningu.
Okkur varð þegar ljóst, að við gátum margt
lært af þessum frændum okkar og hefðum
gjarnan viljað dvelja lengur með þeim og
kynnast þeim nánar. Þeir menn og konur,
senr önnuðust undirbúning þessa þings og
stjórnuðu störfum þess, voru áreiðanlega
starfinu vaxnir.
Þingið hófst á sunnudagsmorgun. Það
var haldið í byggingu, sem kölluð er Singsa-
Ver Studentarhjem, og bjuggu fulltrúarnir
þar líka. Það er stúdentaheimili á veturna,
en hótel á surnrin, líkt og Garður hjá okk-
ur. Þetta er mjög vistlegt hús, byggt á
stríðsárunum. Fyrir framan aðalinngang-
inn var komið fyrir fánum Norðurlanda-
þjóðanna 5 og blöktu þeir þar meðan þing-
ið stóð, sem tákn um norræna samvinnu
og bræðralag. Auk þeirra var svo fagurt
flagg með merki norsku samtakanna. Síð-
asta verk þingsins var svo að draga niður
þessa fána.
í aðalstjórn T.H.O. voru kosnir: Knud
Willock, Oslo, formaður, Karl Halvorsen,
Drannnen, varaformaður, Anne Marie
Thingstad, Oslo, Björn Hanséen, Oslo og
Margit Bakke, Halden.
Við erum norskum félögum okkar þakk-
látir fyrir boðið og góðar móttökur og við-
kynningu, og árnum þeim alls góðs í kom-
andi framtíð.
Björn Guðmundsson.
Haukascn sykehus. Eitthvert glæsilegasta og fullkomn-
asta hæli fyrir berklaveika, sem til er í Noregi, enda
alveg nýbyggt, hefur starfað tæpt ár. Sviar gáfu til
þess efni, sem var að verðmæti um 300 þús. kr. og
veittu auk þess tæknilega aðstoð, en alls kostaði liúsið
4,2 millj. krónur. í því eru rúm fyrir 108 sjúklinga,
auk vinnustofa, bókasafns, lesstofu o. fl. Efsta hæð
hússins, hliðin sem fram snýr, er e. k. veranda eða sól-
byrgi, enda er hliðin eintómir gluggar. Allt er húsið
mjög vistlegt og rúmgott. Yfirlæknirinn, dr. Bratt, er
mjög alúðlegur niaðtir og nýtur rnikils trausts. — B. G.
40
Reykjalundur