Morgunblaðið - 20.05.2015, Blaðsíða 32

32 FRÉTTIRInnlent
MORGUNBLAÐIÐ MIÐVIKUDAGUR 20. MAÍ 2015
Álfheimum 74, 104 Rvk, sími 568 5170Verið velkomin
20% afsláttur
af Chanel vörum
Nýtt CC krem frá
er komið til okkar
3 litir
GRÉTA BOÐA verður í
Snyrtivöruversluninni
Glæsibæ
miðvikudag, fimmtudag
og föstudag og veitir
faglega ráðgjöf.
AFMÆLISTÓNAR
Skapti Hallgrímsson
skapti@mbl.is
Jón Hlöðver Áskelsson, tónskáld á
Akureyri, verður sjötugur 4. júní og
hann blæs til afmælistónleika í Hofi
laugardaginn 6. júní; um er að ræða
söngljóðahátíð sem tónskáldið nefnir
Í ævitúni, en nafnið er komið úr ljóði
eftir Sverri Kristinsson og Jón samdi
tónlist við það 2013. Flutt verða lög
Jóns við ljóð íslenskra skálda og Sví-
ans Tomasar Tranströmer.
Náinn vinur Jóns Hlöðvers og
jafnaldri, Páll Skúlason, heimspek-
ingur og fyrrverandi rektor Háskóla
Íslands, lést 22. apríl og tileinkar Jón
tónleikana minningu hans. Þeir voru
fæddir sama dag, 4. júní 1945, og Jón
segir Pál hafa komið sér á bragðið
varðandi ljóðin.
Jón fatlaðist eftir að hann fór í
heilaaðgerð liðlega fertugur, 1989.
„Eftir það átti ég mjög erfitt með að
lesa langt ritmál og þá spurði Páll
mig hvort ég hefði ekki prófað að
lesa ljóð. Þar væru færri orð sem
gripu yfir stærri hugsanir og ég
þyrfti ekki eins mikið úthald.“
Jón var í endurhæfingu á Grens-
ásdeild þegar þetta var og lét senda
sér bók sem hann átti; Vísur um
drauminn eftir Þorgeir Sveinbjarn-
arson. „Ég lærði ljóðin og um leið og
ég gat sinnt tónsmíðum á ný fór ég
að vinna í þessu.“
Jón Hlöðver segir aðra hugsun á
bak við það verkefni en venjulega.
„Ég kem innan úr ljóðinu, ef svo má
segja. Það hljómar e.t.v. skringilega
en hér ræður laglínan ekki ferðinni
eins og við margar aðrar tónsmíðar
og meira hugsað um hvernig lagið
getur þjónað ljóðinu. Lagið þarf ekki
endilega að vera fallegt sem slíkt.
Það fer eftir ljóðinu!“
Hann segir að þegar settur er
saman söngljóðaflokkur þurfi tón-
skáldið að vera ratvíst og finna ljóð
sem skila bæði nægilegri tilbreyt-
ingu og nægilega miklum skyldleika
á milli ljóðanna. „Þess vegna hef ég
einkennt þessa ljóðaflokka mína,
sem eru fjórir. Fyrst Vísur um
draum, svo gerði ég lítinn ljóðaflokk
sem er Mýrarminni, vegna þess að
ég á ættir að rekja að Mýri í Bárð-
ardal, og loks eru tveir nýir söng-
ljóðaflokkar sem ég hef samið á síð-
ustu tveimur árum.“ Þar er m.a. að
finna lög við ljóð Böðvars Guð-
mundssonar. „Auglýst var eftir um-
sókn um starfslaun fyrir tónsmíðar
og þá hafði ég samband við vin minn,
Böðvar, og spurði hvort til greina
kæmi að hann myndi yrkja eitt ljóð á
mánuði árið 2014 og ég semdi eitt
lag. Hann samþykkti, ég fékk styrk-
inn og sá flokkur varð til undir þess-
um formerkjum; ég fékk ljóðin,
hvert tengt einum mánuði og þau
draga dám af þeirri stemningu sem
Böðvar var í hverju sinni. Það var
mjög gaman að þessu vegna þess að
ég vissi ekkert út í hvað ég væri að
fara og Böðvar sennilega ekki held-
ur.“
Jón fatlaðist fyrir hálfum þriðja
áratug sem fyrr segir. „Ég hef feng-
ist við mjög margt og segi stundum
við fólk að fötlunin sé ákveðin gjöf;
margt hefði ég t.d. ekki gert ef ég
hefði ekki fatlast, m.a. í kringum
Sjálfsbjörg og List án landamæra.“
Jón tekur skýrt fram að tónleik-
arnir verði ekki eftirmáli við það sem
hann hafi gert í gegnum tíðina. „Ég
er á fullu að semja og held því áfram.
Það er nákvæmlega eins og með vin
minn Pál Skúlason að því leyti að
hann leit svo á að nýta yrði tímann til
að vinna. Það held ég að sé mjög
heilbrigt hugarfar. Sú hugsun að
fara á eftirlaun og eyða tímanum í að
vafra um passar mér ekki.“
Í ljóðrænu ævitúni tónskálds
 Söngljóðahátíð í tilefni sjötugsafmælis Jóns Hlöðvers Áskelssonar á Akureyri  Tónleikarnir í
minningu Páls Skúlasonar, ævivinar tónskáldsins og jafnaldra upp á dag  Fötlunin er ákveðin gjöf
Morgunblaðið/Skapti
Kanónur Daníel Þorsteinsson, Kristinn Sigmundsson og Jón Hlöðver við Hof á sólríkum æfingadegi.
Jafnaldrar Páll heitinn Skúlason og Jón
Hlöðver Áskelsson voru fæddir sama dag.
Fjallað verður um þær leiðir sem eru í boði við
úthlutun makrílveiðikvóta, á hádegisverðar-
fundi á vegum Félags viðskiptafræðinga og
hagfræðinga á morgun, fimmtudaginn 21. maí.
Í tilkynningu segir að skiptar skoðanir séu um
frumvarp sjávarútvegsráðherra um úthlutun
makrílkvóta til næstu sex ára, sem nú liggur
fyrir á Alþingi. Hafi yfir 31.500 manns tjáð and-
stöðu sína við frumvarpið með undirskrift. Á
fundinum, sem haldinn verður á Grand hóteli
og hefst klukkan 12, munu Þorkell Helgason
stærðfræðingur og Guðmundur Kristjánsson,
forstjóri Brims hf., flytja erindi. Þeir taka einn-
ig þátt í pallborðsumræðum ásamt Gunnari
Tryggvasyni, sérfræðingi hjá KPMG, og Erni
Pálssyni, framkvæmdastjóra Landssambands smábátaeigenda. Skráningu
á fundinn lýkur í dag en hægt er að skrá sig á vefnum fvh.is.
Hádegisverðarfundur um makrílkvóta
Landvernd og
Landgræðsla rík-
isins efna til há-
degisfyrirlestrar
í dag, 20. maí, í
fundarsal Þjóð-
minjasafns Ís-
lands. Fyrirlest-
urinn hefst kl.
12. Fyrirlesari er
Andrés Arnalds,
fagmálastjóri
Landgræðslu ríkisins. Fyrirlestur-
inn nefnir Andrés Stígum varlega
til jarðar – Álag ferðamennsku á
náttúru Íslands. Í fyrirlestrinum
varpar hann fram spurningum um
ferðaþjónustu og náttúruvernd.
Fjalla um ferða-
mennsku og náttúru
Andrés Arnalds
Ásthildur Erlingsdóttir flytur á
morgun erindi um verkefni sitt til
meistaraprófs í líffræði. Verkefnið
ber heitið Sníkjudýr karfa við Ís-
landsstrendur.
Krabbadýrið Sphyrion lumpi er
ytra sníkjudýr á karfategundum
við Ísland og veldur efnahagslegu
tjóni þar sem það festir sig í vöðva
fisksins og veldur þannig afurða-
skemmdum. Í rannsókn Ásthildar
voru áður ógreind langtímagögn
varðandi sýkingar á úthafskarfa
skoðuð. Rannsóknin benti til að
sníkjudýrin hefðu ekki áhrif á
ástand fisksins.
Erindið verður flutt kl. 12:30 á
fyrstu hæð á Skúlagötu 4.
Flytur erindi um
sníkjudýr á karfa
STUTT
Söngvarar í aðalhlutverkum á tónleikunum verða Margrét Bóasdóttir
sópran, Hulda Björk Garðarsdóttir sópran, Michael Jón Clarke barí-
tón og Kristinn Sigmundsson bassi. Gestasöngvarar þær Þórhildur
Örvarsdóttir sópran og Sigrún Arna Arngrímsdóttir alt. Píanóleikarar
eru Daníel Þorsteinsson og Jónas Ingimundarson.
„Ég á varla orð yfir það hve glaður ég er að hafa fengið þessa
flytjendur og hvernig ég get þakkað þessu fólki. Ég er mjög hepp-
inn,“ segir Jón Hlöðver. Kristinn er söngvari á heimsmælikvarða, eins
og fjöldinn veit án efa. Og einum Norðlendingnum hælir Jón sér-
staklega: „Margir gera sér ekki grein fyrir því hve ótrúlega góður pí-
anóleikari Daníel er; hlutverk hans á tónleikunum jafnast á við það
erfiðasta sem píanóleikari stendur frammi fyrir á einleikstónleikum,“
segir Jón Hlöðver.
Mjög heppinn með flytjendur
SÖNGLAGAHÁTÍÐ Á SJÖTUGSAFMÆLI