Morgunblaðið - 20.05.2015, Síða 58

58
MORGUNBLAÐIÐ MIÐVIKUDAGUR 20. MAÍ 2015
Ásgeir Ingvarsson
ai@mbl.is
Sagan hefur sýnt að Eurovision
getur verið stórt tækifæri fyrir
hæfileikaríkt tónlistarfólk. Fyrir
marga hefur keppnin reynst stökk-
pallur inn í heimsfrægðina og gert
lítt þekkta listamenn að vellauðug-
um stjörnum. Aðrir hafa nánast
gleymst strax og byrjað er að telja
stigin.
Valgeir Magnússon fylgir ís-
lenska hópnum út til Vínarborgar
og er þar í hlutverki markaðs-
stjóra, fjölmiðlastjóra, umsjón-
armanns og umboðsmanns. Þetta
hefur hann gert frá árinu 2010.
Valgeir er framkvæmdastjóri aug-
lýsingastofunanr Pipar/TBWA og
segir hann að þetta hlutverk hafi
fallið í hans skaut í gegnum mark-
aðsstarfið þar. „Fram að því hafði
ég látið mér nægja að fylgjast með
keppninni eins og allir aðrir.“
Risastór gluggi
Eurovision er mikið ævintýri og
sjónarspil, og ef listamennirnir
halda rétt á spilunum geta þeir
notað keppnina til að koma sér á
kortið til langframa.
„Eurovision-keppnin er umfram
allt stór gluggi, og sennilega
stærsti glugginn sem lítt þekktur
söngvari getur fengið aðgang að.
Það eru helst sjónvarpsþættir eins
og Amerian Idol sem komast ná-
lægt því að skapa viðlíka sýnileika
en Eurovision er mun stærri við-
burður og frábrugðið Idol að því
leyti að söngvarinn eignast sitt
eigið lag sem fylgir honum út allan
ferilinn. Idol-keppnirnar felast ein-
göngu í því að flytja ábreiður.“
Hlutverk Valgeirs er að stuðla
að því að keppendur nýti gluggann
sem best. Felst stór hluti vinnunn-
ar í því að skapa umgjörðina í
kringum keppandann eða keppend-
urna svo að fjölmiðlar og fólkið
heima í stofu skynji vel fyrir hvað
listamaðurinn stendur.
„Starfið felst meðal annars í því
að útbúa gott kynningarefni, halda
úti vandaðri vefsíðu fyrir íslenska
liðið og senda reglulega út frétta-
bréf til fjölmiðla og aðdáenda,“
segir Valgeir. „Við undirbúum
okkur líka vel fyrir blaðamanna-
fundina, pælum í því hvaða spurn-
inga má vænta og hvernig svör eru
við hæfi svo að listamaðurinn komi
persónu sinni og ímynd vel til
skila.“
Búa til heilsteypt vörumerki
Þarf að huga vandlega að heild-
arsamræminu á öllum vígstöðvum,
og hvert smáatriði getur skipt
máli, frá búningunum yfir í vel
heppnaða myndatöku. „Í reynd er-
um við að vinna að því að gera
listamanninn að vörumerki.“
Að þessu sögðu verður að muna
að halda jarðsambandi. Jafnvel ef
allt gengur að óskum í keppninni
eru frægð og frami ekki vís. Val-
geir segir líka hægt að skilgreina
árangurinn á marga mismunandi
vegu. Mjög fáir nái að nýta Euro-
vision til að verða næsta Celine
Dion eða Abba en mörgum takist
að skapa sér frægð víða um heim,
öðlast skara aðdáenda og halda vel
sótta tónleika hér og þar.
Markvisst hjá Heru
Af öllum íslensku keppendunum
segir Valgeir að Heru Björk hafi
tekist best að nýta tækifærið og
hún hafi byggt ferilinn markvisst
upp. „Útkoman er sú að hún hefur
verið á þeytingi um heiminn
undanfarin fimm ár og á fjögur al-
þjóðlega þekkt lög sem eru í spilun
í fjölda landa.“
Það gerir árangur Heru ekki
síst merkilegan að henni reiddi
ekkert sérstaklega vel af í Euro-
vision þar sem hún landaði 19.
sætinu. „Hún hefur unnið statt og
stöðugt að þessu marki. Fyrst
komst hún á kortið í forkeppninni í
Danmörku með laginu „Someday“.
Þá keppti hún fyrir hönd Íslands
með „Je Ne Sais Quoi“, sendi frá
sér lagið „Feel the Love Tonight“
sem varð einkennislag Gay Pride í
New York og Mr. Gay USA, og
loks ári síðar að hún tekur þátt í
söngvakeppni í Síle með lagið „Be-
cause You Can“.
Valgeir bendir líka á að Hera
hafi gætt þess að hafa svipaðan
stíl á þeim lögum sem hún lagði
áherslu á. „Sumir brenna sig á því
að verða frægir fyrir ákveðið lag,
en breyta svo strax um stefnu með
næsta lagi. Sá hópur sem fékk
áhuga á listamanninum vegna
fyrra lagsins reynist kannski ekki
hrifinn þegar breytt er um stíl og
snýr sér að einhverju öðru.“
Möguleikarnir heima
Markmiðið þarf síðan ekki endi-
lega að vera heimsfrægð. Það eitt
að taka þátt, og hvað þá að sigra í
forkeppninni heima fyrir, skapar
strax nýja möguleika á heima-
markaðinum. „Nú þegar hafa Mar-
íu Ólafsdóttur opnast tækifæri sem
henni hefðu aldrei staðið til boða
fyrir fjórum mánuðum. Er búið að
bóka hana á fjölda tónleika og
verður í miklu að snúast hjá henni
þegar jólatónleikatímabilið gengur
í garð.“
Keppnin er
stökkpallur
 Valgeir Magnússon segir að vanda verði til
verka ef tónlistarfólkið í Eurovision vill nýta
alla möguleikana sem keppnin býður þeim
 Skapa þarf listamanninum heildstæða
ímynd og huga að hverju minnsta smáatriði
Morgunblaðið/Rósa Braga
Frami „Eurovision-keppnin er umfram allt stór gluggi, og sennilega stærsti glugginn sem lítt þekktur söngvari get-
ur fengið aðgang að,“ segir Valgeir. Hann hefur verið íslenska liðinu innan handar undanfarin fimm ár.
Reuters
Bomba Celine Dion er dæmi um tónlistarmann sem breyttist í stórstjörnu
þökk sé Eurovision. Hún söng sigurlag Sviss á sínum tíma.