Morgunblaðið - 20.05.2015, Blaðsíða 70

70 MINNINGAR
MORGUNBLAÐIÐ MIÐVIKUDAGUR 20. MAÍ 2015
Ég bjó svo vel að
eiga afasystur í
Eyjum og naut
þess til hins ýtrasta
á ferðum mínum þangað. Mér
var alltaf tekið opnum örmum á
Vallargötunni og þar leið mér
alltaf vel. Það var yndislegt að
koma í heimsókn og fá að verja
tíma með Gauju og Ella milli
leikja á pæjumótum og við hvert
tækifæri þegar fjölskyldan, kór-
inn eða skátarnir lögðu leið sína
þangað. Það var notalegt að
sitja og spjalla við eldhúsborðið
og í hvert sinn, ef því varð kom-
ið við, fékk ég góða leiðsögn um
eyjuna. Ég fékk að sjá hvern
krók og kima, hvern helli og
fjall, og fræðast um eyjarnar í
kring. Að sjálfsögðu var Gaujul-
undur þar ekki undanskilinn og
mér fannst alltaf jafngaman að
koma þangað. Ég var svo stolt
af því að þekkja það góða fólk
sem hafði skapað svo fallegan
lund inni í miðju hrauninu.
Ég er þakklát fyrir að hafa
fengið að kynnast Gauju og Ella
og notið allra þessara dýrmætu
stunda með þeim sem verða mér
ávallt í minni. Ég votta fjöl-
skyldunni allri innilega samúð
mína. Hvíl í friði, elsku Gauja.
Auður.
Margs er að minnast frá
löngu liðnum árum við andlát
frænku minnar, Guðfinnu Ólafs-
dóttur.
Mörg atvik rifjast upp ýmist í
Fagradal í Mýrdal eða í Vest-
mannaeyjum, í sumarbústað afa
míns og alnafna, Sjónarhóli við
Selfjall í Lögbergslandi. Í sum-
arbústaðinn kom frænka stund-
um um sumur að heimsækja
frændfólkið, afa og tvíburasyst-
urnar dætur afa, Guðrúnu og
Sólveigu. Það voru ánægjulegar
stundir og ógleymanlegar þegar
frænka kom í heimsókn. Það
sem ég kunni mest að meta í
fari frænku var frásagnargleðin
og húmorinn. Í ljósmyndasafni
mínu frá löngu liðnum dögum
eru myndir sem ég tók þegar
„Gauja“, eins og hún var ávallt
nefnd, kom í heimsókn t.d. á
æskuheimili mitt í Keflavík eða
á Sjónarhól og af myndunum að
dæma var gamansemin ríkjandi
eins og jafnan á góðri stundu er
vinir og frændfólk hittust.
Ég dvaldi ásamt fósturmóður
minni, Guðrúnu Ólafsdóttur, um
sumarmánuði á árunum 1953-56
á sveitabænum Fagradal í Mýr-
dal. Ég var níu ára þegar ég
kom fyrst í Fagradal. Þvílíkt
nafn! Fagridalur! Þar voru grös-
ug tún milli fjalls og fjöru og
jafnvel skógivaxnar hlíðar. Ég
varð ekki fyrir vonbrigðum þeg-
ar ég kom fyrst í Fagradal sem
var ævintýraveröld í mínum
huga. Í vesturálmu íbúðarhúss-
ins, sem nú er löngu horfið, bjó
fjölskylda Ólafs Jakobssonar,
sem var auk hans Sigrún kona
hans, sonur þeirra Jakob, dótt-
irin Guðfinna, Gauja, og börn
hennar Sigrún og Ingi en í aust-
urálmunni fjölskylda Jónasar
Jakobssonar, hálfbróður Ólafs.
Frændfólkið var lífsglatt fólk
sem kunni vel að skemmta sér á
góðri stundu og var mjög gest-
kvæmt í sveitinni um sumur.
Eitt sumarið kom Vigfús Sig-
urgeirsson ljósmyndari og kvik-
myndatökumaður, að Fagradal
og tók heimildarmynd um bjarg-
sigið. Engin var fremri Ólafi
Jakobssyni í þeirri íþrótt að síga
Guðfinna Kjartanía
Ólafsdóttir
✝ GuðfinnaKjartanía
Ólafsdóttir (Gauja)
fæddist 16. sept-
ember 1923. Hún
lést 9. maí 2015. Út-
för hennar fór fram
16. maí 2015.
í björg. Í huganum
rekur hver endur-
minningin aðra um
frændfólkið mitt,
Gauju, Jakob og
Óskar, þvílíkir dag-
ar og ógleymanleg-
ir.
Ég kom nokkr-
um sinnum í heim-
sókn til Gauju og
eiginmanns hennar
Erlendar heitins
Stefánssonar þegar þau höfðu
stofnað til heimilis í Vestmanna-
eyjum. Þar var alltaf tekið á
móti mér með viðhöfn og kær-
leika og borð svignuðu undan
gómsætum réttum og bakkelsi.
Það kom aldrei annað til álita en
að gista hjá Gauju og Ella.
Ég flyt ættingjum frænku
minnar, börnum hennar Sigrúnu
og Inga, fjölskyldu og vinum
innilegar samúðarkveðjur. Guð
blessi minningu Guðfinnu Ólafs-
dóttur.
Ólafur Ormsson.
Það er með þakklæti sem ég
minnist Gauju, eins og við köll-
uðum hana. Árið 1974 fluttum
við hjónin ung til Eyja þar sem
okkur leið svo vel og var það
ekki síst að þakka Gauju og
manninum hennar, honum Ella
Stebba, sem sýndu okkur svo
mikla alúð, gestrisni og greið-
vikni, eins og reyndar allt safn-
aðarfólkið á þessum sérstaka og
fallega stað. Alltaf var gott að
koma á Vallargötuna, spjalla við
heimafólk og njóta góðgerða. Ég
tilkynnti Gauju einn daginn, og
hún hafði gaman af, þegar frum-
burðurinn okkar og Vestmanna-
eyingurinn framkallaði hljóðið
„gauja, gauja“. Kynnin við þessi
heiðurshjón og drengina þeirra
þrjá, sem ég kenndi, voru ein-
staklega ljúf og minningarnar
eru dýrmætar. Því miður get ég
ekki verið viðstaddur kveðjuat-
höfnina en ég sendi ástvinum
Gauju samúðarkveðjur og bið
góðan Guð að blessa þá og
hugga.
Með þakklæti og virðingu.
Einar Valgeir.
Mig langar að skrifa nokkur
kveðjuorð um hana Gauju hans
Ella frænda. Frá því ég man
eftir mér hefur Gauja verið
partur af fjölskyldu okkar. Hún
var áður gift Inga föðurbróður
mínum, en var orðin ekkja þeg-
ar ég man fyrst eftir henni,
koma til Eyja með börnin sín,
Sigrúnu og Inga. Seinna flutti
hún svo hingað til Eyja, giftist
honum Ella frænda, sem var svo
stór partur af lífi okkar systra,
þau eignuðust svo tvíburana
Stefán og Ólaf, og Kjartan rúmu
ári seinna.
Gauja var mjög dugleg kona,
bakaði flatkökur sem hún seldi
og gaf, en alltaf var til bakkelsi
þegar maður kom í heimsókn.
Hún var líka með græna fing-
ur, ræktaði alls konar blóm og
jurtir og var hafsjór af fróðleik
um ræktun.
Eftir eldgosið byrjaði hún að
rækta uppi á nýja hrauni og
varð það mikil og falleg laut,
sem þau hjónin undu sér við að
skapa.
Eftir að Elli lést fór Gauja
aftur í Víkina sína sem henni
var svo kær. Gauja var yndisleg
og góð kona, og á ég margar
góðar minningar um hana. Það
var mjög kært á milli Gauju og
Ella, og mömmu og pabba. Nú
eru þau öll farin, bara minning-
arnar eftir sem við getum yljað
okkur við.
Guð veri með fjölskyldu
Gauju og sendum við fjölskyldan
samúðarkveðjur.
Hanna Þórðardóttir
Það er kyrrlátur
og fallegur morg-
unn við voginn. Vet-
ur konungur hefur
loks látið í minni
pokann fyrir sólríku vorinu. Yfir
kaffibolla morgunsins fylgist ég
með starranum gera sig heima-
kominn í þakskegginu og hlusta á
lóuna syngja sitt glaðværa dirr-
indí um leið og hún spókar sig um
í grasinu.
Elsku mamma, þú hefur kvatt
lífið þitt hér. Auðvitað valdir þú
vorið til að kveðja. Ég veit að þú
ert glöð líkt og lóan vinkona þín
og syngur þitt eigið dirrindí í friði
og ró í blómabrekkunni.
Hugurinn reikar til baka og
minningarnar hrannast upp.
Blendnar tilfinningar hafa
hreiðrað um sig í hjarta mínu.
Gamla koffortið hefur komið sér
fyrir í stofunni yfirfullt af ynd-
islegum ljósmyndum og minning-
um úr þínu litríka lífi. Þú glæsi-
lega kona ert stolt okkar og
prýði. Síðustu kvöld erum við
systur erum búnar að eiga dýr-
mætar stundir saman en systra-
kærleikurinn var þér mikils virði.
Allur tilfinningaskalinn hefur
gert vart við sig, gleði, hlátur,
sorg og tregi.
Þú ólst upp á afskekktu og
harðbýlu landi í hraunjaðrinum
með ömmu, afa og Ástu.Litla
Hraun átti sérstakan stað í þínu
hjarta. Það voru forréttindi í
æsku minni að fá að eyða drjúg-
um hluta sumarsins með þér og
pabba á þessum stað. Ekkert raf-
magn, rennandi vatn né hiti.
En það var óþarfa munaður,
við höfðum hitann frá pottjárns-
vélinni, ljósið frá olíulömpunum,
bjarta sumarnóttina og ferska
vatnið í hraungjótunni. Ég naut
þeirra forréttinda að vera yngsta
barn ykkar pabba en sumarið var
okkar besti tími saman.
Ung að árum fórstu til náms á
Ástríður Oddný
Sigurðardóttir
✝ ÁstríðurOddný Sigurð-
ardóttir fæddist 1.
mars 1932. Hún lést
30. apríl 2015. Út-
för Oddnýjar fór
fram 11. maí 2015.
Skodsborg í Dan-
mörku. Þar kynntist
þú ástinni, trúlofað-
ist og naust lífsins á
þessum fallega stað.
Þú ferðaðist víða og
áttir þínar róman-
tísku stundir. Það er
ekki allra að fá að
upplifa ástina og
fegurð lífsins eins
og þú á þessum ár-
um. Þú fékkst tæki-
færi til mennta, hófst þitt hjúkr-
unarnám og veröldin brosti við
þér.
En óveðurskýin tóku að
hrannast upp og leiðir skildu.
Einstæð en kjarkmikil komstu
heim með hjúkrunarpróf í far-
teskinu og fallegu Eddu þína. Við
heimkomuna fékkst þú vinnu á
Landakoti og þaðan var starfs-
frami þinn bæði farsæll og lang-
ur.
Í einu bréfanna frá þér stend-
ur. Þegar ég nú 58 ára horfi til
baka yfir farinn veg gleðst ég yfir
æskustundum mínum, þær voru
fullar af gleði, þrótti og eftir-
væntingu til lífsins.
En það koma stormar og
stórsjóir sem allir þurfa að berj-
ast í gegnum á lífsleiðinni. Það er
líka gaman að baráttunni þegar
sigur næst.
Mamma, þú háðir þínar bar-
áttur en alltaf stóðstu aftur upp
og vannst þína sigra.Það hef ég
lært af þér að yfirstíga hindranir
sem á vegi mínum hafa orðið, að
hrasa en ná jafnvæginu aftur er
dýrmætt veganesti út í lífið.
Ég er þakklát fyrir að hafa átt
svona fallega, einstaka og sterka
mömmu.Þú varst sannur lífs-
kúnstner og bóhem, lifðir óhrædd
við álit annarra og fórst þínar
leiðir. Þú verður ávallt fyrirmynd
mín.
Elsku mamma, þrátt fyrir fjar-
lægðina í gegnum árin var kær-
leikurinn og umhyggjan ávallt
nærri.Takk fyrir dýrmætu
stundirnar okkar saman, fyrir
allt það stóra sem smáa, fyrir
ferðalag okkar saman í gegnum
lífið.
Þín elskandi dóttir
Sif.
Kæru ættingjar og vinir, innilegustu þakkir
fyrir góðar kveðjur, hlýhug og stuðning
vegna fráfalls ástkærs eiginmanns, föður,
bróður og afa,
HALLGRÍMS ÞORSTEINS
MAGNÚSSONAR,
læknis.
.
Sigurlaug Jónsdóttir,
Vigdís Hallgrímsdóttir, Brynjúlfur Halldórsson,
Sigrún Hallgrímsdóttir, Kristján Guðmundsson,
Katrín Helga Hallgrímsdóttir,
Birna Hallgrímsdóttir, Benedikt Helgason,
Sigríður Ella Magnúsdóttir, Simon Vaughan,
Bjarni Pétur Magnússon, Steingerður Hilmarsdóttir,
Sigrún Kristín Magnúsdóttir, Tryggvi Felixson
og barnabörn.
Innilegar þakkir fyrir auðsýnda samúð og
hlýhug vegna andláts og útfarar ástkærs
eiginmanns míns, föður, tengdaföður, afa
og langafa,
LÁRUSAR JÓHANNSSONAR,
Kirkjuvegi 31,
Selfossi.
.
Sigríður Sveinsdóttir,
Elín Arndís Lárusdóttir, Guðmundur Jósefsson,
Jónína Lárusdóttir, Sigurður Traustason,
Sveinn E. Lárusson, Guðbjörg Eiríksdóttir,
Jóhanna Lárusdóttir,
Ásmundur Lárusson, Matthildur E. Vilhjálmsdóttir,
barnabörn og barnabarnabörn.
Innilegar þakkir fyrir auðsýnda samúð og
hlýhug við andlát og útför einstakrar
eiginkonu minnar, móður okkar,
tengdamóður og ömmu,
HJÖRDÍSAR VILHJÁLMSDÓTTUR
sérkennara,
Sæbóli 39,
Grundarfirði.
.
Pétur Guðráð Pétursson,
Eva Jódís Pétursdóttir, Pétur Vilbergur Georgsson,
Ásdís Lilja Pétursdóttir, Vilberg Ingi Kristjánsson,
Jón Pétur Pétursson, Kristín Alma Sigmarsdóttir,
Vilhjálmur Pétursson, Erla María Einarsdóttir
og ömmubörn.
Elsku móðir okkar,
ERLA BALDVINSDÓTTIR,
Hraunbúðum,
Vestmannaeyjum,
lést mánudaginn 18. maí.
Útför hennar verður frá Landakirkju í
Vestmannaeyjum föstudaginn 22. maí kl. 16.
.
Gísli Kristjánsson,
Baldvin Kristjánsson,
Páll Kristjánsson,
Snjólaug Kristjánsdóttir,
Finnur Kristjánsson
og fjölskyldur.
Ástkær eiginkona, móðir, tengdamóðir
og amma,
GUÐRÚN TRAUSTADÓTTIR
til heimilis að Brekkuási 3,
Hafnarfirði,
lést á heimili sínu laugardaginn
9. maí.
Útförin hefur farið fram í kyrrþey að ósk hinnar látnu.
Sérstakar þakkir til heimahjúkrunar líknardeildar Landspítalans
fyrir einstaka alúð og umhyggju.
.
Aðalsteinn Ingólfur Guðmundsson,
Guðmundur Á. Aðalsteinsson, Carolin K. Guðbjartsd.,
Kristbjörg Eva Aðalsteinsdóttir,
Alexander Örn, Aðalsteinn Ingólfur,
Arngrímur Bjartur og Elísabet Eva.
Minn elskulegi eiginmaður, faðir,
tengdafaðir, afi og langafi,
SIGVALDI GUÐMUNDSSON
frá Hafrafelli,
Reykhólasveit,
sem lést þriðjudaginn 12. maí,
hefur verið jarðsunginn í kyrrþey að ósk hins látna.
Við viljum þakka sérstaklega öllu starfsfólki Barmahlíðar,
Reykhólum, sem hefur annast hann og sýnt þeim hjónum hlýju
og ástúð síðustu árin.
.
Alma Dóróthea Friðriksdóttir,
Olga Sigvaldadóttir, Matthías Ólason,
Dóróthea Guðrún Sigvaldadóttir,
Haflína Breiðfjörð Sigvaldadóttir,
Marta Sigvaldadóttir, Magnús Steingrímss.,
Guðmundur H. Sigvaldason, Friðrún Gestsdóttir,
Trausti Valgeir Sigvaldason, Una B. Björnsdóttir,
afa- og langafabörn.
Hjartkær móðir okkar, tengdamóðir og
amma,
VILBORG GUÐJÓNSDÓTTIR
frá Oddsstöðum,
Vestmannaeyjum,
sem lést á dvalar- og hjúkrunarheimilinu
Grund föstudaginn 8. maí, verður
jarðsungin frá Dómkirkjunni í Reykavík föstudaginn
22. maí kl. 13.00. Þeim sem vilja minnast hennar er bent á
Umhyggju, félag til stuðnings langveikum börnum,
www.umhyggja.is.
.
Jón Viðar Jónsson,
Guðjón Jónsson, Elísabet Jóna Sólbergsdóttir,
Sigríður Sía Jónsdóttir, Birgir Karl Knútsson,
Vilborg, Sólrún, Hjörleifur og Aðalheiður Guðjónsbörn,
Gunnar Ingi og Stefán Oddur Hrafnssynir,
Ævarr Freyr Birgisson.