Morgunblaðið - 20.05.2015, Side 38

38 FRÉTTIRInnlent
MORGUNBLAÐIÐ MIÐVIKUDAGUR 20. MAÍ 2015
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.
STANGVEIÐI
Einar Falur Ingólfsson
efi@mbl.is
Um leið og lofthitinn steig um
nokkrar gráður fór bleikjan í Hlíðar-
vatni í Selvogi á ferðina og ófáar
hafa tekið flugur veiðimanna síðustu
daga og mörgum verið landað.
„Þetta er bara eins og í gamla
daga,“ sagði einn þeirra kampakátur
þegar blaðamaður kom við í Selvog-
inum um helgina.
Veiðin hefur verið frekar treg í
Hlíðarvatni síðustu tvö sumur, svo
sumum þeim gamalreyndu hefur þótt
nóg um. Í fyrra fór nokkuð fyrir
vænni bleikju en þær smærri létu
hafa fyrir sér; áhyggjufullir veiði-
menn spurði fiskifræðing hvort smá-
fiskurinn væri að hverfa. Hann hvatti
þá til að vera rólega, hún kæmi aftur í
leitirnar og sú er svo sannarlega
raunin núna. Veiðimenn við Hlíð-
arvatn veiða á vegum fimm veiði-
félaga, sem eru með tvær til fimm
dagsstangir hvert, og sá sem fór með
aðra stöng Árbliks, stangveiðifélags í
Þorlákshöfn, á fimmtudaginn lenti
heldur betur í veislu og rótaði upp um
tuttugu bleikjum á stuttum tíma. All-
ar tóku litla Pheasant tail-púpu við
Mosatanga.
Fjörið hélt áfram á föstudag þeg-
ar tveir félagar lönduðu 34, einnig
við Mosatanga, þar sem er gott að
athafna sig þegar vindáttir eru sunn-
an- eða vestanstæðar; flestar tóku
afbrigði af Peacock og Toppflugu.
Þegar þeir sem tóku við á laug-
ardag upplifðu að nokkuð stífur
norðanstrengur gerði veiði við
Mosatanga erfiða, þá var reynt við
Réttarnef og víðar, án þess að landa
nokkru, þótt þeir yrðu vissulega var-
ir, en svo lá leiðin í skjólið í Gömlu
vör og þar tók ágæt bleikja lítinn
Krók í fyrsta kasti. Og silungar voru
einnig á í fjórum næstu köstum. Þar
á meðal landaði annar veiðimaðurinn
sínum fyrsta sjóbirtingi í vatninu, 40
cm löngum og silfurbjörtum. Veiði-
maðurinn er alvanur í Hlíðarvatni og
setti í birting þar fyrir um tíu árum,
sá var stærri og endaði á að fara með
fluguna, en um daginn greindi einn
veiðiféttamiðillinn frá birtingi af
sömu stærð sem þarna náðist í vatn-
inu. Þetta kann að vera vísbending
um að hann sé í sókn í Selvoginum
sem annars staðar.
Nema hvað, félagarnir héldu sig
fram á daginn við Gömlu vör og gekk
vel; lönduðu um 25 bleikjum og var
þar á meðal mikið af þessum smærri
sem lítið hefur orðið vart við und-
anfarin vor, á bilinu 35 til 38 cm.
„Þessi fíni pönnufiskur,“ sagði einn
sem leit á aflann hrifinn.
Ef sumarið er ekki alveg komið í
Selvoginum þá er það á næsta leiti –
og rétt eins og farfuglarnir er bleikj-
an mætt. Alls staðar voru menn í
fiski og er athyglisvert að hugsa til
þess að í fyrra voru innan við 800
bleikjur færðar í bækur veiðifélag-
anna fimm við vatnið; þessa þrjá
daga fyrir og um helgi voru skráðar
hátt í jafn margar bleikjur í bókina
hjá Árbliki og allt sumarið í fyrra.
Styttist í laxinn
Hið kalda vor hefur haldið mörg-
um veiðimanninum innan dyra, og í
raun kælt niður veiðilöngunina, enda
vita menn sem er að fiskur tekur ekk-
ert sérlega vel þegar vatn er við það
að frjósa í lykkjum. Leiðsögumaður
erlendra silungsveiðimanna, sem hef-
ur farið dag eftir dag með áhugasama
veiðimenn á þau svæði sem opin hafa
verið síðustu vikur, lét þó vel af sér
og sagðist ekki hafa snúið fisklaus úr
leiðöngum í ár og stöðuvötn á Suður-
landi þetta vorið. Og sjóbirtingur hef-
ur glatt veiðimenn allt til þessa dags í
Landbrotinu og við Skaftá, til að
mynda í Tungulæk þar sem veiði-
menn fengu hátt í þrjá tugi fiska á
stangirnar þrjár á uppstigningardag.
Svo styttist í laxinn; nú eru ekki
nema tvær vikur í að veiði hefjist í
Norðurá, Straumum og Blöndu og
menn spyrja sig: mætir hann í ár?
Morgunblaðið/Einar Falur
Bleikjuveisla Þegar hlýnaði við Hlíðarvatn tók bleikjan hressilega við sér og tók gráðug flugur veiðimanna.
Þessar fínu bleikjur á
í kasti á eftir kasti
Viðar Guðjónsson
vidar@mbl.is
Herdís Hallmarsdóttir, varafor-
maður Hundaræktendafélags Ís-
lands, kallar eftir réttarbótum
fyrir hundaeigendur. Telur hún
að allt of strang-
ar reglur séu í
gildi um hunda-
hald á Íslandi og
að almenna
reglan ætti að
vera sú að
hundar væru
leyfðir hvar-
vetna nema sér-
stök ástæða
réttlæti tak-
markanir. „Mér
finnst að samfélagið eigi að við-
urkenna að hundurinn er hluti af
fjölskyldunni. Þeir eigi því að
vera leyfðir nema sérstök rök
standi til annars. Það á að þurfa
ríka ástæðu til þess að hundum sé
meinaður aðgangur,“ segir Her-
dís. Hún nefnir að ástæða geti
verið til þess að banna hunda í
skólum og leikskólum en öðru
gegni um nær allar aðrar op-
inberar byggingar og vinnustaði.
Hún segir reglur um hundahald
á Íslandi mun strangari en á öðr-
um löndum á Norðurlöndum. Hér
þarf t.a.m. samþykki 2/3 hluta
íbúa í fjölbýlishúsum fyrir hunda-
haldi auk þess sem hundar eru
ekki leyfðir í almenningsfar-
artækjum. „Það er ekkert sem
bannar aðgang hunda í fylgd eig-
enda sinna í almenningsfar-
artækjum annars staðar á Norð-
urlöndunum. Hvorki í lestum né í
strætó,“ segir Herdís.
Þá nefnir hún einnig að hund-
um sé ekki heimilt að fara í fylgd
eigenda inn í íþróttamannvirki, á
veitingastaði og hótel. „Gisting á
hótelum á Íslandi er bundin afar
miklum takmörkunum. Það er í
engu samhengi við það sem þekk-
ist erlendis. Þar þykir ekkert til-
tökumál að ferðast með hund
hvort sem það er á hótelum, tjald-
svæðum eða í bændagistingu.
Hvarvetna er úrval gististaða sem
hægt er að velja um. Í þessum til-
fellum borgar fólk yfirleitt sér-
stakt hreinsigjald en sá möguleiki
er ekki fyrir hendi hér á landi,“
segir Herdís. Hún telur að breyt-
ingar verði eingöngu ef sam-
félagið viðurkennir að hundar séu
hluti af fjölskyldunni. Slíku sjón-
armiði þurfi að sýna umburð-
arlyndi. „Ég hef sótt hundasýn-
ingar í íþróttamannvirki sem og
önnur rými erlendis án þess að
það þyki tiltökumál,“ segir hún.
Í takt við nútímann
Aðspurð segir hún erfitt að
ímynda sér hvers vegna meiri
andstaða er við hundahald á Ís-
landi en annars staðar á Norð-
urlöndunum.
„Ég tel að þetta eigi sér sögu-
legar skýringar sem eru tengdar
því hundabanni sem hér hefur
víða ríkt. Ekki má gleyma því að
hundurinn hefur þjónað mann-
inum í margar aldir og verið
ræktaður í þeim tilgangi í hundr-
uð ára. Kominn er tími til þess að
endurskoða reglur um takmörkun
og færa okkur í takt við nú-
tímann,“ segir Herdís.
Samfélagið viðurkenni hunda
 Varaformaður Hundaræktendafélags Íslands telur tímabært að endurskoða takmarkanir á hunda-
haldi á Íslandi  Eru hluti af fjölskyldunni  Mun strangari reglur hér en á Norðurlöndunum
Morgunblaðið/Golli
Á skokki Varaformaður Hundaræktendafélags Íslands telur að of strangar reglur séu um hundahald á Íslandi.
Herdís
Hallmarsdóttir