Dagblaðið Vísir - DV - 11.09.2009, Blaðsíða 8

8 föstudagur 11. september 2009 fréttir
Karlsson og
kannabis
Í janúar 2002 gerði breskt slúður-
blað sér mat úr því að Harry hefði
viðurkennt fyrir Karli, föður sín-
um, að hann hefði bæði drukk-
ið ótæpilega og neytt kannabiss á
krá í grennd við sveitasetur Karls í
Highgrove. Talsmenn konungsfjöl-
skyldunnar neituðu ekki uppljóstr-
un blaðsins, en sögðu að Harry prins
hefði aldrei neytt sterkari efna og
ekki snert nein efni síðan atvikið átti
sér stað.
Óhætt er að segja að Harry hafi
sloppið vel því í Bretlandi varðar
eign kannabisefna allt að fimm ára
fangelsisvist. Harry eyddi einum
degi á endurhæfingarstöð þar sem
hann fræddist um skaðsemi notkun-
ar fíkniefna.
Harry og haka-
krossinn
Árið 2005 olli Harry prins nokkrum
úlfaþyt í afmælisveislu vinar síns.
Þema veislunnar var nýlendutengt
og skartaði Harry hakakrossinum á
vinstri handlegg sínum.
Uppátæki Harrys vakti ekki mikla
lukku og haft var á orði að hann
hefði vanvirt hermenn sem hefðu
staðið augliti til auglitis við þýska
hermenn í bardaga. Talsmaður
konungsfjölskyldunnar brást skjótt
við sem og Harry, sem sagðist þykja
þetta leitt, en áður en þetta gerð-
ist hafði Harry reynt að losna við
glaumgosaímyndina sem hafði fest
við hann.
Prinsinn og
Pakistaninn
Í ár komust í hámæli ummæli sem
Harry prins lét sér um munn fara
fyrir þremur árum. Þá voru Harry
og félagar hans á leið til Kýpur til
æfinga. Á flugvellinum og á upptöku
heyrist Harry segja: „Litli Paki, vinur
okkar“, og vísaði til félaga síns Ahm-
ed Raza Khan sem er Pakistani.
Þrátt fyrir að flestir væru þeirrar
skoðunar að Harry hefði ekki ætlað
að vanvirða Khan varð hann engu að
síður að biðjast afsökunar. Óhætt er
að segja að Harry hafi komist að því
að það er ekki einfalt að vera undir
smásjá fjölmiðla nútímans sem eru
að störfum sleitulaust allan sólar-
hringinn.
Ef Harry prins af Wales hefur liðið skort vegna fjárþurrðar hingað til verður breyting
þar á í næstu viku. Harry verður tuttugu og fimm ára á þriðjudaginn og verður þá
heimilt að njóta ávaxta þeirrar arfleifðar sem kom í hans hlut við dauða móður hans.
Á þriðjudaginn verður Henry Charles
Albert David, betur þekktur sem
Harry prins, og reyndar sem Hinrik
prins á árum áður á Íslandi, tuttugu
og fimm ára. Við þau tímamót öðlast
hann rétt til margra milljóna sterl-
ingspunda sem hann fékk í arf frá
móður sinni, Díönu prinsessu, sem
lét lífið í bílslysi í París í Frakklandi
fyrir tíu árum.
Harry prins, sem er þriðji í röð-
inni að krúnunni, á eftir Vilhjálmi
prins eldri bróður sínum, og Karli
prins föður sínum, sem að sjálf-
sögðu er fyrstur í röðinni,mun þó
ekki fá óheftan aðgang að auðæf-
unum.
Fatnaður, skartgripir
Eins og við er að búast hafa starfs-
menn bresku konungsfjölskyldunn-
ar ekki verið áfram um að tjá sig um
fjármál prinsins, en talið er að hann
hafi aðgang að á milli 250.000 og
350.000 sterlingspunda á ári, sem
samsvarar um 51 til 71 milljónar ís-
lenskra króna.
Eignir Díönu við dauða hennar
voru metnar á tuttugu og eina millj-
ón sterlingspunda, um 4,3 millj-
arða króna á gengi dagsins. Stærst-
ur hluti eignanna var í verðbréfum,
hlutabréfum, skartgripum, fatn-
aði og persónulegum munum, auk
hagnaðs sem var tilkominn vegna
17 milljóna punda sem hún fékk
samkvæmt samkomulagi þegar hún
skildi við Karl prins árið 1998.
Ríkið krefst síns
En greiða þarf keisaranum það sem
keisaranum ber og eftir að skatt-
stofa landsins hafði fengið í sinn
hlut átta milljónir sterlingspunda,
um 1,6 milljarða króna, í erfðaskatt
voru litlar þrettán milljónir punda,
um 2,7 milljarðar króna, eftir og var
þeim skipt bróðurlega á milli Harrys
og Vilhjálms.
Arfur Harrys prins hefur hlaðið
verulega utan á sig síðastliðin tíu
ár og sennilega verið fjárfest vitur-
lega. Upphæðin er nú talin vera um
níu milljónir sterlingspunda, um 1,9
milljarðar króna.
En ekki er sopið kálið þó í aus-
una sé komið því ákvæði í erfða-
skrá Díönu kvað á um að hvorug-
ur bræðranna mætti snerta á arði
arfs síns fyrr en þeir næðu 25 ára
aldri, með þeirri undantekningu þó
að með samþykki fjárhaldsmanna
bræðranna væri hægt að gera und-
antekningu.
Ekki heima á afmælisdaginn
Í breska blaðinu The Sun er vitn-
að í ónafngreindan heimildarmann
sem sagði að litlar líkur væru á að
Harry héldi sérstaklega upp á af-
mæli sitt, því hann væri önnum kaf-
inn ásamt herdeild sinni í Alberta
í Kanada. Harry sem er lautinant
er þar á þyrlunámskeiði og sagði
heimildarmaður The Sun að senni-
lega fengi Harry ekki leyfi til að skála
í tilefni afmælisins.
Ef svo undarlega vildi til að
blankheit hafi herjað á Harry prins
getur hann nú horft fram á betri tíð
með blóm í haga, en engu að síður
þurfa þeir bræðurnir báðir að halda
sjó fjárhagslega þar til verða þrí-
tugir. Þá, og ekki fyrr, geta þeir farið
fram á heildararf sinn að fullu.
Hagur Harrys
vænKast Harry sem er lautinant er á þyrlu-námskeiði og sagði heimildar-maður The Sun að sennilega fengi Harry ekki leyfi til að skála í tilefni afmælisins.
KolbEinn þoRstEinsson
blaðamaður skrifar: kolbeinn@dv.is
Harry prins Pund hans
hefur verið vel ávaxtað.
Mynd AFP
díana prinsessa og
drengirnir Vilhjálmur til
vinstri og Harry til hægri.
DV0901121254.jpg
Harry vildi ekki fá sérmeðferð í hernum vegna tignar sinnar:
Prinsinn og hermaðurinn
Ólíkt eldri bróður sínum sneiddi
Harry hjá háskólamenntun og fetaði
í fótspor fjölda konungborinna karl-
manna með því að ganga í herinn.
Hann var skipaður annar lautinant
í Blues and Royals-riddaraliðsher-
sveitinni.
Harry var á sínum tíma bann-
að að sinna herskyldu í Írak, en var
sendur til Afganistan undir lok ársins
2007 og var þar í 77 daga í Helmand-
héraði, sem löngum hefur verið talið
það hættulegasta í landinu.
Það gekk þó ekki átakalaust hjá
Harry að komast til Afganistan og var
hann skilinn einn eftir heima þegar
herflokkur hans var sendur til lands-
ins.
Sagan segir að Harry prins hafi
brugðist ókvæða við og hótað að yf-
irgefa herinn ef honum yrði mein-
að að fara til félaga sinna í Afganist-
an. Að lokum fékk hann vilja sínum
framgengt, en mikil leynd hvíldi yfir
veru hans þar, enda talinn eftirsókn-
arvert skotmark í augum hryðju-
verkamanna.
Sir Richard Dannatt, starfs-
mannastjóri í hernum, sem var einn
þeirra sem setti sig gegn því að Harry
yrði sendur til Íraks hrósaði Harry
fyrir frammistöðu hans og sagði að
Harry hefði verið til fyrirmyndar.
„Hann hefur að fullu tekið þátt í að-
gerðum og hefur tekið sömu áhættu
og hver annar í bardagasveit hans,“
sagði Dannatt um veru Harrys í Afg-
anistan.
Að lokum fór þó svo að Harry var
kallaður heim. Hulunni var svipt af
veru Harrys í Afganistan af banda-
ríska fréttamiðlinum The Drudge
Report og bresk stjórnvöld sáu sitt
óvænna og endir var bundinn á her-
þjónustu prinsins í Afganistan.
Harry í Helmand-héraði Prinsinn í
félagsskap gúrkha-hermanns í janúar
2008.