Dagblaðið Vísir - DV - 11.09.2009, Blaðsíða 46

Morð hársnyrtisins Hársnyrtirinn Oliver Paris reyndi að telja
dómara og kviðdómi trú um að starf gagnkynhneigðs hársnyrtis væri engan veg-
inn laust við áhættu og þá sérstaklega vegna fallegra kvenna sem vildu jafnvel
eitthvað meira en hársnyrtingu. Ástæða þess að Oliver lagði sig fram um að sann-
færa réttinn um þetta var dauði Vanessu Vaudey.
Oliver vann ekki á hársnyrtistofu heldur vann hann á eigin vegum og fór í vitjanir
heim til kvenna sem óskuðu þess að njóta hæfileika hans í starfi. Vanessa Vaudey var
ein þeirra og var um hennar síðustu hársnyrtingu að ræða.
Lesið um hársnyrtinn sem myrti í næsta helgarblaði DV.
Myrti börn sín fiMM
Genevieve Lhermitte breyttist úr fyrirmyndarmóður í þunglynda manneskju. Á tveimur klukkustundum
myrti hún skipulega öll börn sín fimm og reyndi síðan árangurslaust að fremja sjálfsvíg. Sjálf sagðist hún
vilja skilja ástæðurnar fyrir verknaði sínum við réttarhöldin.
Það var fátt eftirtektarvert við Gen-
evieve Lhermitte og þaðan af síð-
ur nokkuð sem gaf til kynna að hún
væri fær um þann glæp sem hún
hafði framið. Hún var ákærð fyrir að
hafa banað fimm börnum, sem öll
voru hennar eigin.
Þegar dómarinn við réttarhöld-
in yfir henni spurði hvers hún vænti
af réttarhöldunum svaraði Genevi-
eve: „Ég myndi vilja skilja nákvæm-
lega hvað gerðist... Ég vil skilja hvers
vegna ég gerði það.“
Óhugnaður og hryllingur
Það sem Genevieve hafði gert hafði
fyrir sent bylgju óhugnaðar og hryll-
ings í gegnum þá sem viðstaddir
voru í dómhúsinu í Nivelles í Belgíu
þegar spiluð var lögregluupptaka af
aðkomunni á heimili Genevieve.
Í kjölfar viðvörunar frá dómaran-
um um að þeir sem væru viðkvæm-
ir gætu yfirgefið salinn og fyrirmæla
um að hver sá sem fyndi til velgju
meðan á sýningu stæði skyldi láta
vita samstundis var upptakan spil-
uð.
Á upptökunni sáust útidyr heim-
ilis Genevieve og forstofan þegar inn
var komið, síðan var gengið upp á
aðra hæð inn í svefnherbergi hennar.
Þar á rúminu lágu lík tveggja barna
hennar, Mehdis, þriggja
ára, og Minu, sjö ára.
Tökuvélinni var síð-
an beint inn í tvö önnur
herbergi og þar á rúmun-
um lágu lík hinna þriggja
fórnarlambanna, Myri-
am, níu ára, Noru, tólf, og
Yasmine, fjórtán ára.
Yfirveguð lýsing Genevieve
Lýsing Genevieve á því hvernig hún
myrti Minu, fyrst barna hennar, var
köld og yfirveguð. „Ég sagði henni að
horfa á Spy Kids III í stofunni ásamt
systkinum sínum. Síðan fór ég upp,
tók tvo hnífa úr pakkningunum og
lagði þá á snyrtiborðið.
Ég fór síðan niður, tók í hönd
Minu og leiddi hana upp og inn í
svefnherbergið. Ég sagði henni að ég
elskaði hana mjög mikið og mér liði
illa yfir því sem ég væri í þann mund
að gera. Síðan byrjaði ég að kyrkja
hana.
Andlit hennar varð fjólublátt og
smá tunga hennar þrýstist út um
munninn á henni. Ég hélt að þessu
væri lokið, en þegar ég slakaði á tak-
inu heyrði ég að hún andaði enn. Svo
ég teygði höndina að snyrtiborðinu,
tók annan hnífinn og stakk honum í
hálsinn á henni.
Eitt af öðru leitt upp
Eftir að hafa myrt Minu þreif Gen-
evieve sig svo börnin sem niðri voru
sæu ekkert grunsamlegt. Mehdi var
næstur í röðinni og skar Genevieve
hann á háls. Eitt af öðru voru börn-
in leidd upp og eftir því sem líkunum
fjölgaði á einni efri hæðanna fækk-
aði þeim í stofunni niðri.
„Komdu Mimi, mamma er með
svolítið óvænt fyrir þig,“ kallaði
Genevieve niður eftir að hafa myrt
Mehdi. Trefill var bundinn fyrir augu
Mimiar og síðan lamdi móðir henn-
ar hana þungu höggi með marmara-
bakka og skar síðan á háls. Nora var
einnig skorin á háls. Yasmine, elsta
barnið, var sú eina sem hafði varn-
arsár sem gáfu til kynna að hún hefði
barist fyrir lífi sínu, en árangurs og
var einnig skorin á háls.
Vel undirbúin morð
Ljóst var að Genevieve hafði skipu-
lagt morðin vel. Morðin tóku tvo
klukkutíma og á milli morða þvoði
hún hendur sínar. Hún hafði keypt
tvo hnífa, að eigin sögn, ef annar
skyldi ekki vera nógu beittur.
Genevieve sagði að hún hefði
ekki fundið fyrir neinu meðan á
morðunum stóð; verið án tilfinninga
og móðureðlis. Hún sagðist ekki hafa
fundið fyrir nokkrum hlut fyrr en
börnin lágu í líkskoðunarherbergi
og þá fyrst fór hún að gera sér grein
fyrir alvarleika verknaða sinna.
Það hafði verið ætlun hennar að
fremja sjálfsvíg að morðunum lokn-
um, en henni tókst ekki nema rétt að
skaða sig og hringdi síðan á lögregl-
una og var flutt meðvitundarlaus á
sjúkrahús.
Óæskilegur velgjörðamaður
En við réttarhöldin kom ýmislegt
upp úr kafinu. Genevieve hafði verið
gift í sautján ár Bouchaib Moqadem,
innflytjanda frá Marokkó. Genevieve
hafði verið hin fullkomna móðir en
varð skyndilega þunglynd. Ástæðan
var, að hennar sögn, ofbeldi af hálfu
eiginmannsins og sífelld nærvera
læknisins Schaars.
Scaar læknir hafði stutt við bak
Bouchaibs þegar hann kom til
Belgíu, greitt fyrir nám hans og síðar
útvegað honum vinnu á læknastofu
sinni.
Eftir að Genevieve og Bou-
chaib gengu í hjónaband höfðu ítök
Schaars aukist. Hann greiddi fyr-
ir brúðkaupsferð hjónanna, greiddi
leiguna vegna fyrstu íbúðar þeirra og
keypti handa þeim bíl. Síðar keypti
Schaar húsið í Nivelles og hafði til
afnota eina hæð þess.
Afi eða andstyggð
Þó að börn Genevieve litu á Schaar
lækni sem eins konar afa vakti hann
andstyggð hjá henni; nagaði negl-
urnar á almannafæri, þvoði sér ekki
um hendur eftir salernisferðir og
skipti aldrei um föt. Fyrr en varði
fannst henni að hún væri föst í eins
konar þríhyrningi sem neytt hafði
verið upp á hana.
Til að bæta gráu ofan á svart
vöknuðu hjá henni grunsemdir um
að Schaar ætti í líkamlegu sambandi
við Bouchaib og væri farinn að gjóa
augunum á Noru. Henni leið eins
og hún væri neydd til að búa með
„gömlum sorakalli“, sem hefði haft
af henni eiginmanninn með stuðn-
ingi sínum.
Genevieve sýnir viðbrögð
Genevieve sagði að skilnaður hefði
ekki verið möguleiki því Bouchaib
hefði gengið af henni dauðri ef slíkt
hefði borist í tal. Þá vöknuðu hjá
henni hugmyndir um sjálfsvíg. Þann
28. febrúar 2007, þegar hún myrti
börnin sín fimm, var eiginmaður
hennar í Marokkó og Schaar ekki
heima.
Bæði Schaar og Bouchaib höfn-
uðu alfarið framburði Genevieve.
Bouchaib sagðist aldrei hafa lagt
hendur á eiginkonu sína og Schaar
sagðist hafa spurt Genevieve marg-
oft hvort nærvera hans væri í óþökk
hennar og hún hefði ávallt svarað
spurningunni neitandi.
Það var ekki fyrr en meinafræð-
ingurinn bar vitni sem Genevieve
sýndi einhver viðbrögð. Hún stökk
úr stól sínum og öskraði: „Stopp,
stopp! Ég myrti ekki börnin mín!
Schaar gerði það, með eiginmanni
mínum. Þeir eru óþokkar, lygarar!
Þeir hafa lagt líf mitt í rúst!“
Framburður sem skipti sköpum
Læknismenntaðir sérfræðingar voru
meira og minna sammála um að
Genevieve væri ábyrg gerða sinna,
en framburður læknis, Veldekens
að nafni, skipti sköpum. Í framburði
hans kom fram að Genevieve hefði
skrifað honum bréf skömmu áður
en hún framdi morðin þar sem hún
lýsti hrifningu sinni á hnífum og
löngun sinni til að deyja með börn-
um sínum.
Veldeken brást ekki við þessum
skrifum og var síðar áminntur fyr-
ir að „... láta undir höfuð leggjast að
aðstoða manneskju í hættu.“
Umrætt bréf breytti skynjun
flestra á Genevieve og að tjaldabaki
réðu dómarar og sálfræðingar ráð-
um sínum. Þeir komust einróma
að þeirri niðurstöðu að Genevieve
hefði ekki ráðið gerðum sínum og
því var hún úrskurðuð óábyrg vegna
morðanna.
Umsjón: kOLbeinn þOrsteinssOn, kolbeinn@dv.is
46 föstudagur 11. september 2009 sakaMál
„Ég sagði henni að ég elskaði hana mjög mikið
og mér liði illa yfir því sem ég væri í þann mund
að gera. Síðan byrjaði ég að kyrkja hana.“
EKKI FYRIR
VIÐKVÆMA
Genevieve Lhermitte í
réttarsal Vildi skilja hvers
vegna hún myrti börn sín.
Morðvopnið Genevieve keypti
tvo hnífa til öryggis.
Hamingjusöm
fjölskylda
móðirin myrti
börnin eitt af öðru.
Hraun er nýtt íslenskt rúmfatamynstur frá Lín
Design. Rúmfatnaðurinn er ofinn úr 340
þráða bómull sem verður mjúk og þægileg.
Lin Design • Laugavegi 176, gamla sjónvarpshúsið • sími 533 2220 • www.lindesign.is
Hraun
Nýtt íslenskt rúmfatamynstur
30% kynningarafsláttur
Verð áður 9.890, verð nú 6.930 kr.