Dagblaðið Vísir - DV - 21.05.2010, Blaðsíða 6

6 FÖSTUDAGUR 21. maí 2010 FRÉTTIR
VIÐKVÆMUR FYRIR
GAGNRÝNI
n Fundahöld hafa verið í viðskipta-
fræðideild HÍ að undanförnu og
ýmsir lagst þar undir feld í sjálfsgagn-
rýni. Fyrir um
einni viku komu
hagfræðingarnir
og háskólakenn-
ararnir saman á
þægilegum stað
utan skólans og
ræddu málin.
Þar mun hafa
komið fram í máli
hagfræðingsins og baráttumannsins
Vilhjálms Bjarnasonar að Sigurður
Einarsson, fyrrverandi stjórnarfor-
maður Kaupþings, hefði sagt eitthvað
á þá leið löngu áður en bankinn féll,
að hagfræðin og viðskiptafræðin inn-
an HÍ gæti ekki vænst þess að fá styrki
frá bankanum meðan menn eins og
Vilhjálmur Bjarnason og Guðmundur
Ólafsson störfuðu við deildina.
GETTÓ Í SKEIFUNA
n Málflutningur Jóns Gnarr, leiðtoga
Besta flokksins, fyrir borgarstjórnar-
kosningarnar í Reykjavík um næstu
helgi, tekur á sig
ýmsar myndir.
Hann lýsti til að
mynda mik-
illi vanþóknun í
blaðagrein fyrir
helgina á formi
kosningafunda og
frábað sig Power-
Point glærusýn-
ingum. Þær væru hundleiðinlegar.
Eftirfarandi setning, sem ku vera höfð
eftir honum í tímariti stjórnmála-
fræðinema, kann þó að vekja blendn-
ar tilfinningar: „Að lokum viljum við
flytja inn gyðinga til að rétta við efna-
hagskerfið, því þeir kunna jú að fara
með peninga. Ég var að hugsa um að
búa til gettó í Skeifunni því þar er svo
mikið af búðum.“
SAMEININGARTÁKNIÐ
n Karl Th. Birgisson, Herðubreiðar-
skríbent með meiru, sagði í ádrepu
í vikunni að óþarfi væri af leiðtogum
stjórnmálaflokk-
anna í höfuðborg-
inni að vera með
ólund í garð Besta
flokksins. Á ólgu-
tímum væri jarð-
vegur fyrir öfga-
framboð, jafnvel
af fasískum toga.
Því bæri að fagna
framboði sem hefði skemmtilegheit-
in sem sérstakt stefnumál. Aðrir eru
ekki jafnvissir og telja Jón Gnarr vera
einhvers konar baktryggingu sjálf-
stæðismanna í borgarstjórn. Gárung-
arnir tala jafnvel um Jón Gnarr sem
sameiningartákn styrkjakónganna
Guðlaugs Þórs Þórðarsonar og Gísla
Marteins Baldurssonar, en hann hef-
ur víst sést á stuðningsmannalistum
þeirra beggja síðustu árin.
SANDKORN
Ólafur og Kolbrún
leiða H-lista
framboð
um heiðarleika
Ólafur og Kolbrún
leiða H-lista framboð
um heiðarleika
laugardagskubbur
Skoðun kubbur
Verðbréfasalar skulda Kaupþingi tæpa 4 milljarða króna:
Kúlukóngar selja Tal
Símafyrirtækið Tal hefur verið sett
í söluferli hjá verðbréfafyrirtæk-
inu Tindum verðbréfum en Lands-
bankinn er helsti kröfuhafi Tals.
Tindar er nýtt fyrirtæki sem ný-
lega fékk starfsleyfi. Stofnendur og
stjórnendur Tinda eru kúlulána-
kóngarnir Hannes Frímann Hrólfs-
son og Frosti Reyr Rúnarsson. Þeir
störfuðu áður sem yfirmenn hjá
Kaupþingi og fengu þau tíðindi í
upphafi vikunnar að þeim bæri
að borga til baka tæplega fjögurra
milljarða króna kúlulán sem þeir
fengu til hlutabréfakaupa í bank-
anum eftir að niðurfellingum per-
sónulegra ábyrgða var rift. Þeir
Hannes og Frosti færðu auk þess
báðir glæsihýsi sín yfir á maka sína
í októ ber 2008 stuttu eftir fall Kaup-
þings. Líklega er það gert til þess
að koma húseignunum í var fyrir
kröfuhöfum.
Slitastjórn Kaupþings rifti sem
kunnugt er niðurfellingu persónu-
legra ábyrgða fyrrverandi starfs-
manna Kaupþings á mánudag.
Gæti þetta orðið til þess að þeir
Hannes og Frosti fái ekki að stjórna
Tindum áfram þar sem ólíklegt er
að þeir geti staðið skil á tæplega
fjögurra milljarða króna kúlulán-
um. Verði þeir gjaldþrota fá þeir
ekki að starfa hjá fjármálafyrirtækj-
um næstu fimm árin.
as@dv.is
FJÖLSKYLDUR HAFA
SKILAÐ LEIKTÆKJUM
Hákon Hákonarson, afi þriggja ára drengs sem slasaðist alvarlega á leiksvæði í Graf-
arvogi á laugardag og lést á gjörgæsludeild á mánudag, segir nauðsynlegt að taka öll
slík leiktæki úr umferð. Húsasmiðjan og BYKO hafa stöðvað sölu á rólunum. Farið
verður yfir allar vörur sem eru handa börnum.
„Ég er hræddur um að ef ég hefði
verið að selja svona vöru væri ég
fljótur að taka hana úr umferð og
innkalla þau tæki sem seld hafa
verið,“ segir Hákon Hákonarson, afi
Kristófers Darra Ólafssonar, þriggja
ára drengs sem slasaðist alvarlega á
leiksvæði í Grafarvogi á laugardag
og lést á gjörgæsludeild á mánu-
dag.
Sesselja Th. Ólafsdóttir, sérfræð-
ingur á öryggissviði Neytendastofu,
segir í samtali við DV að málið sé
til meðferðar hjá Neytendastofu en
ekki hafi veri tekin ákvörðun um
það hvort að innkalla skuli öll leik-
föng sömu gerðar. BYKO og Húsa-
smiðjan hafa stöðvað sölu á leik-
tækjunum á meðan á rannsókn
stendur. Hákon segir að ennþá
sé slíkar rólur að finna út um alla
borg, en best væri að afturkalla þær
allar. Rannsóknarlögreglan vinnur
að rannsókn málsins.
Stenst staðla og kröfur
Sigurður E. Ragnarsson, forstjóri
BYKO ehf., sendi frá sér yfirlýsingu
á miðvikudag vegna slyssins. Í yfir-
lýsingunni kemur fram að leiktækið
uppfylli staðla og kröfur sem gerðar
eru um leiktæki til einkanota á ein-
býlislóðum eða lokuðum raðhúsa-
lóðum, en löggildingarstofa fór yfir
tækið þegar BYKO fékk það fyrst í
sölu fyrir nokkrum árum.
Húsasmiðjan hefur verið með
sambærilegt leiktæki til sölu í sín-
um verslunum og í bæklingi þeirra
- Sælureitur 2009 - eru myndir af
tækinu. Hákon bendir á að einu
varúðarráðstafanirnar sem for-
eldrum hefur verið bent á að hafa
í huga í sambandi við tækin hefðu
verið að vara sig á viðarvörninni.
„Varast skal að börn komist í snert-
ingu við viðarvarnarefni meðan
það er blautt. Þurrktími er gefinn
upp á umbúðum.“
Engum um að kenna
Hákon segir að reglugerðir skipti
engu máli í þessu tilfelli. „Mér
finnst reglugerðir ekki skipta máli
í þessu samhengi, mér finnst þá
allavega að foreldrar eigi að hafa
val og viti af þessu,“ segir Hákon.
Umfjöllun fjölmiðla virðist vera að
skila sér því þegar DV hafði sam-
band við Hákon höfðu tvær fjöl-
skyldur haft samband við hann, en
þær höfðu átt sams konar leiktæki
og hafa nú skilað þeim.
Hann telur það skipta öllu
máli að foreldrar séu upplýst-
ir um hættuna sem fylgir slíkum
kaðlarólum. Hann segir að skaða-
bótamál myndi ekki færa þeim
drenginn aftur og því sé það ekki
á dagskrá. Hann sé ekki að kenna
neinum um, enginn hefði getað
séð slíkt fyrir.
Vörur handa
börnum skoðaðar
Sesselja Th. Ólafsdóttir, sérfræð-
ingur á öryggissviði, segir Neyt-
endastofu vera með málið til
meðferðar. Ekki hefur verið tekin
ákvörðun um það hvort innkalla
skuli leiktækið og sams konar tæki
úr verslunum. „Við erum að kanna
það en ég veit ekki hvenær má bú-
ast við niðurstöðu. Málið er bara
einfaldlega til meðferðar hjá okkur
og það er það sem ég get upplýst
þig um,“ segir Sesselja.
Sigurður Arnar Sigurðsson, for-
stjóri Húsasmiðjunnar, segir Húsa-
smiðjuna hafa tekið sams konar
leiktæki úr sölu um leið og þetta
mál kom upp. „Herdís Storgaard,
forstöðumaður Forvarnarhússins,
mun fara yfir allar vörur sem ver-
ið er að selja handa börnum,“ segir
Sigurður og bendir á að nú þufi að
fara vel yfir allt saman.
Kristófer Darri Ólafsson verður
jarðsunginn frá Grafarvogskirkju,
klukkan 13.00 í dag, föstudaginn
21. maí.
JÓN BJARKI MAGNÚSSON
blaðamaður skrifar: jonbjarki@dv.is
Mér finnst reglu-gerðir ekki
skipta máli í þessu sam-
hengi, mér finnst þá
allavega að foreldrar
eigi að hafa val og viti af
þessu.
Kristófer Darri Ólafsson Kristófer
verður jarðsunginn frá Grafarvogskirkju,
klukkan 13.00 í dag, föstudaginn 21. maí.
Mörg leiktæki Sams konar leiktæki og það sem
olli hinu skelfilega slysi eru til úti um allt land.
Hannes Frímann Hrólfsson
Fyrrverandi starfsmaður Kaupþings er
skuldum vafinn.