Dagblaðið Vísir - DV - 21.05.2010, Page 60

60 FÖSTUDAGUR 21. maí 2010
ÍÞRÓTTAFÓLK Í
FRAMBOÐI
Kosningar til bæjar- og sveitarstjórna um allt land fara fram um næstu helgi. Á listum flokkanna þvers og
kruss um landið má finna íþróttahetjur, þjálfara og íþróttafréttamenn. Flestir eru töluvert langt því frá að
detta í bæjar- eða borgarstjórn en einn Íslandsmeistari gæti þó komist til valda í Stykkishólmi.
WILLUM ÞÓR
ÞÓRSSON
ÞJÁLFARI MEISTARAFLOKKS
KEFLAVÍKUR Í KNATTSPYRNU
16. sæti á lista Framsóknarflokksins í Kópavogi.
n Willum Þór Þórsson lætur sig aldrei vanta á list-
um Framsóknar í Kópavogi en þessi íþróttakennari
hefur sterkar skoðanir á bæjarmálum. Hann hefur
þó sterkari skoðanir á fótbolta en í dag þjálfar hann
lið Keflavíkur í Pepsi-deildinni sem fer vel af stað.
Framsóknarmenn búast við góðu kjöri í ár en mikið
þarf að gerast svo Willum taki við.
VALTÝR BJÖRN
VALTÝSSON
ÞÁTTARSTJÓRNANDI MÍN SKOÐUN
16. sæti á lista Sjálfstæðisflokksins í Kópavogi.
n Valtýr Björn Valtýsson hefur í mörg ár haft
skoðun, enda stýrir hann útvarpsþættinum Mín
Skoðun. Valtýr er aldrei hræddur við að láta
gamminn geysa en það er þó ansi tæpt að hann sitji
fundi borgarstjórnar Kópavogs á næsta kjörtímabili.
Hann heldur sig bara við útvarpið þar sem hann
kann best við sig.
ZAKARIA
ELÍAS ANBARI
ÞJÁLFARI AFRÍKU UNITED
4. sæti á lista Framsóknarflokksins í Reykjavík.
n Zakaria Elías hefur verið fyrirferðamikill hér
á landi síðan hann kom frá Marokkó. Hann stýrir
hinu víðfræga liði Afríka United sem um var gerð
vinsæl heimildarmynd. Hann hefur miklar skoðanir
á málefnum nýbúa og er hátt á lista Framsóknar í
Reykjavík. Því miður fyrir hann er Framsókn þó ekki
með mann inni samkvæmt nýjustu tölum.
SIGURÐUR
EGGERTSSON
HANDKNATTLEIKSMAÐUR MEÐ VAL
22. sæti á lista Besta flokksins í Reykjavík.
n Sjálfskipaði gleðigjafinn og kennarinn, Sigurður
Eggertsson, fer á kostum hvar sem hann er. Hann
er eini íþróttamaðurinn á lista Besta flokksins
í Reykjavíkurborg og er mjög neðarlega. Besti
flokkurinn er orðið leiðandi stjórnmálaafl í Reykjavík
og er með mesta fylgið en sama hvernig fer hjá
þeim þarf Sigurður ekki að hafa áhyggjur af því að
fara að sitja borgarstjórnarfundi.
ODDUR
GRÉTARSSON
HANDKNATTLEIKSMAÐUR MEÐ AKUREYRI
16. sæti á Lista fólksins á Akureyri.
n Oddur Grétarsson er einn alefnilegasti hand-
knattleiksmaður þjóðarinnar og fór hann á kostum
fyrir lið Akureyrar á tímabilinu. Hann er kornungur
en hefur pólitískar skoðanir og sigur í 16. sæti á
Lista fólksins í sínum heimabæ. Oddur er mögulega
á leið í atvinnumennsku en einnig gæti farið svo að
hann spili í Reykjavík á næsta tímabili.
GEIR
SVEINSSON
FYRRVERANDI FYRIRLIÐI ÍSLENSKA
LANDSLIÐSINS Í HANDBOLTA
6. sæti á lista Sjálfstæðisflokksins í Reykjavík
n Geir Sveinssyni er fúlasta alvara með sínu
framboði enda ætlaði hann sér annað sætið. Hann
var þó langt frá því að fá þann stuðnings sem hann
sóttist eftir og endaði hann í sjötta sæti. Sjálfstæð-
isflokkurinn er með fimm menn inni samkvæmt
nýjustu tölum en sá sjötti gæti alltaf dottið inn á
kosningarnótt. Geir gæti vel verið á leið í borgar-
pólitíkina.
ÞÓRARINN INGI
VALDIMARSSON
KNATTSPYRNUMAÐUR MEÐ ÍBV
7. sæti á lista Vestmannaeyjalistans í
Vestmannaeyjum
n Aðeins tvítugur að aldri tekur Þórarinn Ingi
Valdimarsson 7. sæti Vestmannaeyjalistans á
eyjunni fögru. Þórarinn er grjótharður á velli og
spurning hvort framtíð hans liggi í pólitíkinni. Hann
er einn af lykilmönnum ÍBV-liðsins sem ætlar sér
stóra hluti í Pepsi-deildinni í sumar.
ÞÓRÐUR
ÞÓRÐARSON
ÞJÁLFARI MEISTARAFLOKKS ÍA
Í KNATTSPYRNU
18. sæti á lista Sjálfstæðisflokksins á Akranesi.
n Þórður Þórðarson er einn besti markvörður sem
spilað hefur í efstu deild karla hér heima. Hann er
meira uppfyllingarefni á lista Sjálfstæðisflokksins á
Akranesi enda í átjánda sæti. Það skiptir því engu
þótt flokkurinn sé með hreinan meirihluta í bænum.
Þórður mun halda áfram að einbeita sér að því að
koma ÍA upp í efstu deild.
SIGURBERGUR
SVEINSSON
HANDKNATTLEIKSMAÐUR MEÐ
TSV DORMAGEN Í ÞÝSKALANDI
16. sæti á lista Sjálfstæðisflokksins í Hafnarfirði.
n Stórskyttan Sigurbergur Sveinsson tekur 16.
sæti hjá Sjálfstæðisflokknum í Hafnafirði þar sem
hann er fæddur og uppalinn. Sigurbergur þarf þó
ekki að hafa miklar áhyggjur af sæti í bæjarstjórn
þar sem hann er mjög neðarlega á lista. Það er
líka eins gott fyrir Sigurberg því hann flytur til
Þýskalands í sumar.
HLYNUR
BÆRINGSSON
FYRIRLIÐI ÍSLANDSMEISTARALIÐS
SNÆFELLS Í KÖRFUBOLTA
4. sæti á lista Sjálfstæðisflokksins í Stykkishólmi.
n Verðlaunaðasti körfuknattleiksmaður tímabilsins
situr í fjórða sæti á lista Sjálfstæðismanna í Stykkis-
hólmi. Hlynur Bæringsson fór gjörsamlega á kostum í
vetur og varð Snæfell Íslands- og bikarmeistari ásamt
því að hann var valinn besti leikmaðurinn, besti
leikmaður úrslitakeppninar, besti varnarmaðurinn
og var í úrvalsliði tímabilsins. Alls ekki er ólíklegt að
sjálfstæðismenn nái fjórum inn í Hólminum en það
gæti orðið erfitt fyrir Hlyn að sinna því þar sem hann
er farinn út til Svíþjóðar í atvinnumennskuna.
RÚNAR
SIGTRYGGSSON
FYRRVERANDI ÞJÁLFARI AKUREYRAR
OG LANDSLIÐSMAÐUR Í HANDBOLTA
11. sæti á lista Samfylkingarinnar á Akureyri.
n Rúnar Sigtryggsson hætti að þjálfa lið Akureyrar
eftir tímabilið en hann hefur stýrt uppbygginu
liðsins frá því KA og Þór sameinuðust. Hann kom
liðinu í undanúrslit en nú tekur gamla stórskyttan
Atli Hilmarsson við. Rúnar er félagshyggjumaður og
situr í ellefta sæti hjá Samfylkingunni fyrir norðan.
HEIMIR
EINARSSON
KNATTSPYRNUMAÐUR MEÐ ÍA
14. sæti á lista Sjálfstæðisflokksins á Akranesi.
n Heimir Einarsson hefur haft nægan tíma til þess
að spá í pólitíkina að undanförnu þar sem hann
hefur verið mikið meiddur. Heimir er aðeins 23 ára
gamall og á að baki unglingalandsleiki fyrir Íslands.
Heimir mun þó væntanlega klára tímabilið með ÍA
enda ekki ofarlega á lista í heimabænum.