Dagblaðið Vísir - DV - 21.05.2010, Blaðsíða 34

heim. Ég man líka ekki eftir að hann
hafi nokkurn tímann komið fisklaus
heim. Ef svo hefur verið hefur hann
allavega ekki sagt frá því.“
Til marks um keppnisskapið
kemur Magnús með aðra sögu. „Það
var einnig í tilhugalífinu að Ólaf-
ur bauð Guðnýju með sér í veiði en
ekki gekk betur en svo að hún veiddi
meira en hann. Síðan hafa þau ekki
farið saman að veiða og ég býst við
að hún hafi áttað sig á því að það
væri slæmt fyrir sambandið ef út-
koman yrði alltaf á þann veg að hún
veiddi meira.“
Margrét, systir Ólafs, tekur undir
orð Magnúsar varðandi kappsem-
ina. „Hann hefur nokkrum sinnum
farið með mínum manni á veiðar
og ef það kemur fyrir að eiginmaður
minn fær fisk á undan honum miss-
ir Ólafur málið þar til hann er sjálf-
ur kominn með fisk. Það er í eina
skiptið sem hann verður orðlaus,“
segir Margrét hlæjandi og bætir við
að hann geti einnig verið þrjóskur.
„Ef hann kemst í þann gírinn getur
hann orðið formlegur og fjarlægur
– það er einhvers konar stífni sem
hleypur í hann.“
Jafnlyndur og síbrosandi
Svala Ólafsdóttir lögfræðingur var
skólafélagi Ólafs í lögfræðinni en
hún segir bjart yfir öllum minning-
um tengdum Ólafi. „Í háskólan-
um var hann glaðvær, elskulegur og
skemmtilegur skólafélagi. Hann var
jafnlyndur og alltaf kátur. Ég man
bara eftir honum brosandi.“ Aðspurð
segir Svala Ólaf hafa staðið sig vel í
starfi sem sérstakur saksóknari eftir
bankahrun.
„Ég hef trú á honum í þessu starfi
og hann er með gott stuðningslið á
bak við sig. Svona starfi sinnir eng-
inn einn og sem betur fer hefur hann
góða starfsmenn. Mér hefur fundist
honum takast vel að standa í fram-
línunni og ráða vel við þær spurning-
ar og ágengni sem hann hefur staðið
frammi fyrir. Ég vona bara að álagið
beygi hann ekki frekar en aðra starfs-
menn embættisins. Ég ber virðingu
fyrir honum, það þarf mikið hugrekki
og stórhug til að axla þá ábyrgð sem
þessu mikilvæga starfi fylgir.“
Klár á bókina
Kristín Völundardóttir, sýslumað-
ur á Ísafirði, var fulltrúi sýslumanns
í Kópavogi þegar Ólafur var fulltrúi í
Hafnarfirði. „Ég leitaði mikið til Ól-
afs enda fær á sínu sviði. Þú kemur
aldrei að tómum kofanum hjá hon-
um.“ Hún vill þó ekki taka svo djúpt
í árinni að kalla hann „besserwisser“.
„Ólafur er mjög fróður og hann er klár
á bókina. Hann er hreinn og beinn og
er ekkert að fela það sem hann veit.
Ég man aldrei eftir að hafa leitað til
hans með eitthvað sem hann gat ekki
hjálpað mér með. Hann kemur með
svör og vísar svo í lagagreinar,“ segir
Kristín og bætir við að Ólafur sé líka
skemmtilegur maður.
„Hann er hress og alltaf léttur í lund
og alveg strangheiðarlegur.“ Þegar hún
er innt eftir göllum hugsar hún sig um.
„Ég hef líklega ekki unnið nógu náið
með honum til að þekkja gallana auk
þess sem við höfum alltaf unnið sam-
an að hlutunum en aldrei gegn hvort
öðru. Hann er almennt séð mjög vel
liðinn meðal félaganna. Ef ég ætti að
nefna einn galla þá finnst mér að hann
ætti að hugsa betur um heilsuna.“
Að sögn Áslaugar Rafnsdóttur hjá
sýslumanninum á Akranesi er Ól-
afur góður yfirmaður. „Hann er afar
vandaður embættismaður, frábær yf-
irmaður og við óskum honum alls
hins besta,“ segir segir Áslaug og Anna
Birna Þráinsdóttir, sýslumaður í Vík
og kollegi Ólafs, tekur í sama streng.
„Ólafur er afskaplega heill og vand-
aður maður, heiðarlegur og greind-
ur. Í gegnum tíðina hef ég leitað ráða
hjá honum og Ólafur er ávallt boðinn
og búinn að hjálpa.“ Anna Birna bætir
við að auðvelt sé að eiga samskipti við
Ólaf. „Ég hef ekkert nema jákvætt um
hann að segja og þekki hann ekki nógu
vel til að geta nefnt einhverja galla.“
Krefjandi starf í kastljósinu
Aðspurð viðurkennir Margrét að hún
hafi vonast til þess að Ólafur tæki
starf sérstaks saksóknara ekki að sér.
„Þegar ég sá þessa stöðu auglýsta
datt mér hann strax í hug en í sann-
leika sagt þá vonaði ég að hann tæki
þetta ekki að sér. Ég hélt þeim skoð-
unum fyrir mig og það kom mér ekk-
ert á óvart þegar hann sagði mér að
hann hefði tekið starfið.
Þetta verkefni er í samræmi við
önnur verkefni sem hann hefur
sinnt, hann hefur verið settur sak-
sóknari í einstökum málum, verið
falin rannsókn í öðrum og unnið í
opinberri stjórnsýslu. Að sama skapi
hefur hann eða hans fjölskylda ekk-
ert komið nálægt fjármálageiranum.
Að mínu mati er hann fyllilega hæfur
til að sinna þessu starfi, svo framar-
lega sem hann fær þann mannskap
sem þetta risastóra verkefni kallar á.
Það er gott til þess að finna að það
ríkir skilningur fyrir því í samfélag-
inu,“ segir Margrét og bætir við að
hún vonist til þess að Ólafur fái smá
frí í sumar.
„Hann tók ekkert frí í fyrra og
það lítur ekki út fyrir að hann fái
frí núna en hann verður að fá að
hlaða batteríin. Vonandi er hægt
að haga vinnunni þannig að hann
geti leyft sér að hvíla sig. Hlutirn-
ir hafa gerst mjög hratt, það er eitt
að vinna krefjandi verkefni og ann-
að að þurfa að vinna það í kastljósi
fjölmiðlanna. Hann hefur þó aldrei
kvartað en ég ímynda mér að álagið
sé töluvert.“
Verður ekki keyptur
Samferðafólk Ólafs í gegnum líf-
ið er á einu máli um að þar fari
vandaður maður og að honum
hafi tekist vel að aðskilja vinnu frá
einkalífi. Vissulega taki annríki og
ferðalög sinn toll en að Ólafur líti
á hið mikla starf sem hann standi
nú frammi fyrir sem tímabundið
verkefni sem verði að klára.
„Ólafur vandar sig alltaf. Hann tek-
ur sinn tíma til að gera hlutina því
hann vill gera þá vel svo þeir séu
skotheldir. Hann er mjög klár og
með mikla reynslu af að fást við
ólík mál. Hann er líka með mann-
lega þáttinn á hreinu og útkoman
er afar skemmtileg og vönduð og
á vel við í þeirri stöðu sem hann
gegnir,“ segir fyrrverandi kollegi
hans.
Viðmælendum DV kemur ekki
á óvart að Ólafur hafi verið valinn
í starf sérstaks saksóknara og einn
tekur svo djúpt í árinni að kalla
hann heiðarlegasta mann á land-
inu. Anna Birna tekur undir: „Að
mínu mati er hann í hópi þeirra
bestu sem hægt var að velja í þetta
starf og ég tek fyllilega undir að
hann sé einn heiðarlegasti maður
á Íslandi.“ Vinkona hans úr MS á
lokaorðin: „Þetta er frábær og heið-
arlegur maður sem við þurfum ekki
að óttast að verði keyptur. Ólafur er
heill í gegn.“
indiana@dv.is
34 FÖSTUDAGUR 21. maí 2010 NÆRMYND
Það er regla á öllu í kringum
hann enda hefði hann
líklega ekki komist í
gegnum nám og vinnu
nema af því að hann er
með hlutina í föstum
skorðum.
Ólafur Hauksson er kominn vel á veg í mörgum málum:
Margir með stöðu sakbornings
Ólafur Þór Hauksson er kominn vel
á veg í rannsóknum sínum á nokkr-
um þeirra mála sem hann hefur
haft til skoðunar. Nærtækast er að
nefna rannsóknina á markaðsmis-
notkun Kaupþings sem mikið hefur
verið í umræðunni upp á síðkastið
og þær handtökur sem Ólafur hefur
ráðist í vegna þeirra.
Önnur mál sem komin eru vel
á veg eru rannsókn embættisins á
Exeter-holding málinu sem teng-
ist meintum ólögmætum lánveit-
ingum út úr sparisjóðnum Byr,
máli sem tengist meintri ólögmætri
meðferð eignarhaldsfélagsins Mile-
stone á bótasjóði Sjóvár og Imon-
málinu í Landsbankanum þar sem
talið er að um markaðsmisnotkun
hafi verið að ræða.
Fjöldi einstaklinga eins og
Hreiðar Már Sigurðsson, Magnús
Guðmundsson, Sigurjón Árnason,
Magnús Ármann, Jón Þorsteinn
Jónsson, Karl Wernersson, Stein-
grímur og Guðmundur Ólason
hafa verið yfirheyrðir í tengslum
við rannsókn sérstaks saksóknara
á þessum málum. Einhverjir þeirra
eru komnir með réttarstöðu sak-
bornings í málunum.
Auk þess hafa fjölmargir lítt
þekktir aðilar verið yfirheyrðir í
tengslum við rannsókn embætt-
isins. Við marga er rætt sem vitni í
málunum.
Nokkrir tugir mála, líklega
meira en fimmtíu, eru hins veg-
ar á borði sérstaks saksóknara
og eru aðeins nokkur þeirra
þekkt. Meirihluti
málanna er aftur
á móti óþekktur.
Á að giska þrír
fjórðu af málun-
um hafa ekki ver-
ið nefndir á nafn
hingað til og er
alveg
ljóst að saksóknari mun ekki
gefa það upp um hvaða mál
ræðir í þessum tilfellum. Því
má segja að mikill meirihluti
þess starfs sem sérstakur sak-
sóknari hefur verið að vinna
að hingað til sé óþekktur. Þrátt
fyrir þetta hefur gríðarlega
mikið verið rætt
um rannsókn
saksóknara
í fjölmiðl-
um á þeim
málum sem
þekkt eru
með nafni.
Sér-
stakur
saksókn-
ari hef-
ur gefið það út að fyrstu ákærurn-
ar í málunum sem til rannsóknar
eru muni líta dagsins ljós í maí. Þar
verður að telja afar líklegt að um sé
að ræða mál sem tengjast Kaup-
þingi.
n Imon-málið í Landsbankanum
n Sjóvár-málið og Milestone
n Markaðsmisnotkun Kaupþings
(Al-Thani málið)
n Exeter-holding
n Sala Baldurs Guðlaugssonar á
hlutabréfum í Landsbankanum
n Meint brot Glitnis á tilkynninga-
skyldu um sölu Guðbjargar
Matthíasdóttur á bréfum sínum í
Glitni
Til rannsóknar
Fjölskyldan Fjögur systkini af fimm. Á myndinni eru Brandur, Ólafur Þór, Kristín og Margrét.
Vinirnir Ólafur Þór og Magnús
Guðmundsson, forstjóri Landmælinga
Íslands, fara reglulega saman í veiði og
elda gjarnan saman og halda þá stórar
veislur.
Veiðimaður Ólafur veiðir silung á flugur
sem hann hnýtir sjálfur og skýtur rjúpur
fyrir jólin. Þeir sem þekkja hann best
segja hann kappsaman þegar kemur að
veiði og að honum líki illa ef einhver fær
fisk á undan honum.