Dagblaðið Vísir - DV - 21.05.2010, Blaðsíða 8

8 FÖSTUDAGUR 21. maí 2010 FRÉTTIR
Fasteignafélagið Stoðir, áður Landic
Property, veðsetti tæplega 42 millj-
óna króna fasteign við Grjótagötu 4 í
Reykjavík fyrir 2,6 milljarða króna hjá
Kaupþingi um miðjan apríl árið 2008.
Þetta var einungis nokkrum mán-
uðum fyrir íslenska efnahagshrunið.
Reikna má með að veðið fyrir láninu
sé einungis að hluta í þessu tiltekna
húsi og að Stoðir hafi notað fjölmarg-
ar fasteignir sem tryggingu fyrir lán-
inu frá Kaupþingi. Húsið er tæplega
210 fermetrar að stærð og er byggt úr
timbri.
Félagið var í eigu FL Group, Baugs,
Ingibjargar Pálmadóttur, Fons og
tengdra aðila. Í dag heitir fasteigna-
félagið Reitir og er stærsta þjónustu-
fyrirtæki á sviði útleigu atvinnuhús-
næðis á Íslandi og á meðal annars
Kringluna. Húsið á Grjótagötu 4 er
enn þá í eigu félagsins. Arion banki
hefur haldið utan um veðkröfuna frá
bankahruninu árið 2008.
Nágrannarnir undrandi
Íbúar í nágrenni við húsið á Grjóta-
götu 4 eru margir hverjir undrandi á
því hvernig húsið, sem byggt var árið
1895 og er nokkuð sögufrægt, fór frá
því að tilheyra Reykjavíkurborg á sín-
um tíma og yfir til Reita. Á tuttugustu
öldinni bjuggu í húsinu þekktir lista-
menn eins og Gunnlaugur Blöndal,
Guðmundur Einarsson frá Miðdal og
Gunnlaugur Scheving.
Húsið komst síðar í eigu Unn-
ar Stefánsdóttur sem gaf Reykjavík-
urborg húsið þegar hún flutti á elli-
heimilið Grund. Unnur hafði aldrei
gifst og átti engin börn og ákvað því að
arfleiða Reykjavíkurborg að húsinu.
Frá Reykjavíkurborg fór húsið síðan á
flakk til margra nýrra eigenda.
Engir opinberir aðilar vildu
kaupa
Þorsteinn Bergsson, forstöðumaður
Minjaverndar, segir að Reykjavíkur-
borg hafi átt húsið á sínum tíma en
að árið 2000 hafi húsið runnið inn í
Minjavernd. „Þetta var þegar borgin
gerðist hluthafi í Minjavernd árið 2000
og runnu flestar eignir hennar inn í
Minjavernd,“ segir Þorsteinn. Ætlun
borgarinnar var að Minjavernd myndi
gera húsið upp. „Ætlun okkar með því
að selja húsið var að finna eigendur
sem gætu gert það upp.“
Hann segir að síðar hafi húsið
runnið inn í félag sem hét Innrétting-
arnar ehf. sem var í eigu Minjaverndar
og fasteignafélagsins Þyrpingar, sem
var á þeim tíma í eigu barna Pálma í
Hagkaupum. Innréttingarnar ehf. var
stofnað til að byggja hótelið sem í dag
stendur á horni Túngötu og Aðal-
strætis. Þetta gerðist árið 2001.
Samkvæmt veðbandayfirliti
hússins voru það Þorsteinn
og Skarphéðinn Berg
Steinarsson, þáverandi
starfsmaður fjármála-
ráðuneytisins og einka-
væðingarnefndar, sem
fengu umboð frá Minja-
vernd til að selja húsið.
Skarphéðinn varð síð-
ar, árið 2007, forstjóri
Landic Property, eig-
anda hússins þegar það
var veðsett. Skarphéð-
inn segist ekki muna af
hverju húsið var veðsett
en undirstrikar að 2,6 milljarða lán-
ið hafi ekki bara verið tryggt í þessari
einu fasteign.
Þorsteinn segir að Minjavernd hafi
síðar, árið 2004, selt sig út úr Innrétt-
ingunum ehf. og að eignir félagsins
hafi runnið inn í fasteignafélagið Stoð-
ir.
Aðspurður af hverju ákveðið hafi
verið að selja húsið til einkaaðila segir
Þorsteinn: „Bíddu, af hverju ekki? Það
voru engir opinberir aðilar sem vildu
kaupa þetta. Á sínum tíma var litið svo
á að þetta hús gæti tengst rekstri hót-
elsins og þess vegna fór
þetta hús inn í Inn-
réttingarnar,“ en húsið var þá í nokk-
urri niðurníðslu.
Hann segist ekki muna hversu
mikið Reykjavíkurborg hafi fengið
fyrir húsið þegar það var selt á sínum
tíma. Ekki liggur því ljóst fyrir hversu
mikið Reykjavíkurborg fékk greitt fyr-
ir húsið.
Húsið gert upp
Þorsteinn segir að þó að húsið hafi
verið selt hafi það enn þá ekki ver-
ið gert upp. Hann segir að Minja-
vernd hafi reynt að stuðla að því hús-
ið verði gert upp. „Fólk hlýtur að líta
á það jákvæðum augum að þetta hús
verði gert upp og það fái endurgerð og
grotni ekki niður og að það fái líf. Hús-
ið hefur ekki fengið neina viðgerð og
er orðið mjög slitið. Ef eitthvað er þá
höfum við hvatt núverandi eigendur
til að gera húsið upp,“ segir Þorsteinn
en til stendur að gera húsið upp á
næstunni.
Hann segir að í dag sé veitinga-
húsið í Ísafoldarhúsinu, í Að-
alstræti 12, með birgða-
geymslu í húsinu.
„Húsið hefur verið í lít-
illi notkun en það hef-
ur ekki verið forsvar-
anlegt að leigja húsið
út til annars rekstr-
ar vegna ástands-
ins á því,“ seg-
ir Þorsteinn en
saga hússins við
Grjótagötu 4 hef-
ur vægast sagt
verið áhugaverð
á síðustu árum.
Hús sem Reykjavíkurborg var gefið var selt frá borginni og lenti inni í fasteignafélagi
Landic Property sem var í eigu Baugs og tengdra aðila. Húsið var síðar veðsett hjá
Kaupþingi í 2,6 milljarða króna pakka í apríl 2008. Nágrannar furða sig á því að hús
sem var gefið Reykjavíkurborg hafi lent hjá einkaaðilum.
LEÐJUSLAGUR Á NESINU
n Deilur Ólafs Melsteð, fram-
kvæmdastjóra hjá Seltjarnarnesbæ,
og Ásgerðar Halldórsdóttur, bæjar-
stjóra á Seltjarn-
arnesi, byrjuðu
að kvisast út í
byrjun síðustu
viku. Ólafur sak-
ar bæjarstjór-
ann um einelti
og hefur leitað
til lögfræðings
vegna hugsan-
legra málaferla gegn bænum. Lík-
legt verður að teljast að rót deiln-
anna snúist um innanflokksátök og
valdabaráttu í Sjálfstæðisflokknum
á Nesinu á milli fráfarandi bæjar-
stjóra, Jónmundar Guðmarssonar,
og Ásgerðar en bæjarstjórinn fyrr-
verandi var stuðningsmaður mót-
frambjóðanda hennar.
UPPGANGUR ÁSGEIRS
n Uppgangur Ásgeirs Margeirs-
sonar, fyrrverandi forstjóra Geys-
is Green Energy, þykir undarleg-
ur í meira lagi. Ásgeir stýrði Geysi
í áttina að gjaldþroti á tiltölulega
skömmum tíma og makkaði með
útrásarherrum eins og Hannesi
Smárasyni, Bjarna Ármannssyni og
Þorsteini Vil-
helmssyni. Eftir
fall Geysis Green
söðlaði Ásgeir
hins vegar um
og er nú orðinn
forstjóri Magma
Energy á Íslandi
og undirmaður
Ross Beaty. Ás-
geir sást blaðskellandi og hlæjandi
Kanadamanninum á hægri hönd
þar sem tilkynnt var um kaup Mag-
ma á HS Orku í vikunni. Ljóst er að
Ásgeir getur glaðst yfir því að hafa
komist í skjól hjá Magma eftir óráð-
síuna í rekstri Geysis Green. Fáir
sem hafa náð jafnlélegum árangri
á forstjórastóli eins fyrirtækis geta
vænst þess að fá svo skjótan frama
annars staðar.
BYRJAÐI ALLT MEÐ
BJARNA
n Hafa verður í huga að hluti af
þeim bréfum í Hitaveitu Suður-
nesja sem nú eru komin í hend-
ur Magma og Ásgeirs var seld-
ur til Geysis Green eftir að Bjarni
Ármannsson, þáverandi forstjóri
Glitnis, ýtti undir það að íslenska
ríkið seldi rúmlega 15 prósenta hlut
sinn í árslok 2006. Bankastjórinn
sendi Jóni Sveinssyni, formanni
framkvæmdanefndar um einka-
væðingu, bréf þann 29. nóvember
árið 2006 þar sem hann óskaði eftir
viðræðum við nefndina um kaup á
þessum hlut ríkisins sem metinn
var á ríflega 1,3 milljarða króna að
nafnvirði. Hluturinn var svo seldur
til Geysis Green, sem var að hluta
til í eigu Íslandsbanka, nokkrum
mánuðum síðar. Ábyrgð Bjarna Ár-
mannssonar á einkavæðingu Hita-
veitu Suðurnesja er því nokkur.
ÁHUGI Á BJARNA BEN
n Eva Joly tekur þátt í rannsók sér-
staks saksóknara á hruninu eins og
alþjóð veit. Með henni starfa ýmsir
erlendir sérfræðingar, svo sem eins
og Frakkinn Jean-Michel Matt. Matt
hefur meðal annars haft það á sinni
könnu að skoða málefni sem tengj-
ast Glitni og kafa
ofan í þau mál
sem sérstakur
rannsakar og
tengjast bank-
anum. Frakk-
inn hefur víst
nokkurn áhuga
á Vafningsmál-
inu svokallaða
sem snérist um endurfjármögnun
á hlutabréfum í Glitni í mars árið
2008. Bjarni Benediktsson, formaður
Sjálfstæðisflokksins, tók þátt í þeim
viðskiptum og er Matt víst meðvit-
aður um þessa aðkomu hans. Rann-
sókn Matts og félaga á Vafningsmál-
inu stendur enn og er ekki ólíklegt
að búast megi við tíðindum af henni
í náinni framtíð.
SANDKORN
n Smiðurinn Einar J. Pálsson reisti húsið árið 1896. Stefán Eiríksson myndskeri
var með verkstæði í steinkjallara hússins og kenndi þar dráttlist og útskurð
frá aldamótum til dauðadags 1924. Margir þekktir myndlistarmenn, svo sem
Ríkharður Jónsson, Gunnlaugur Blöndal og Guðmundur Einarsson frá Miðdal,
hófu nám sitt og feril hjá honum, í kjallaranum. Síðan tók Eiríkur, sonur Stefáns,
við verkstæðinu og rak það lengi. Á síðari hluta kreppuáranna átti Gunnlaugur
Scheving listmálari heima í húsinu í nokkur ár ásamt eiginkonu sinni. Árið 1976
var húsið að Grjótagötu 4 gert upp á vegum Reykjavíkurborgar, undir stjórn Leifs
Blumenstein.
( Heimild: Indæla Reykjavík/Guðjón Friðriksson, Iðunn 1996 )
Brot úr sögu hússins:
INGI F. VILHJÁLMSSON
blaðamaður skrifar: ingi@dv.is
MILLJARÐA VEÐ
Í AFGÖMLU HÚSI
Veðsettu sögufrægt hús Húsið á
Grjótagötu 4 fór úr eigu Reykjavíkurborg-
ar og þaðan á flakk til nýrra eigenda sem
flestir voru í eigu Baugs og tengdra. 2,6
milljarða króna veð hvílir á húsinu í dag.
Tengdur húsinu Skarphéðinn
Berg kemur að sögu hússins við
Grjótagötu úr tveimur áttum.
Eignuðust húsið Félag sem var í eigu
afkomenda Pálma í Hagkaupum, meðal
annars Sigurðar Gísla Pálmasonar, eignað-
ist húsið í Grjótagötunni árið 2001 áður en
það fór á frekara flakk á milli eigenda.
Aðaleigandinn Jón Ásgeir Jó-
hannesson var aðaleigandi hússins
í Grjótagötu 4 í gegnum félög sín á
árunum fyrir bankahrunið.
Það voru engir opinberir aðilar
sem vildu kaupa þetta.