Dagblaðið Vísir - DV - 21.05.2010, Qupperneq 58

UMSJÓN: TÓMAS ÞÓR ÞÓRÐARSON, tomas@dv.is
58 FÖSTUDAGUR 21. maí 2010
UM HELGINA
EDGAR DAVIDS Hollendingurinn Edgar Davids sem
í dag er 37 ára hefur á sínum átján ára ferli sem atvinnumaður unnið allt sem hægt er að vinna. Hann var
hluti af ótrúlegu liði Ajax sem vann meðal annars Meistaradeildina árið 1995 en alls lék Davids fjórum
sinnum til úrslita með Ajax og Juventus. Ferill hans er magnaður. Frá Ajax fór hann til AC Milan, þaðan til
Juventus, eftir það til Barcelona, svo til Inter áður en hann fór að slaka á í Tottenham. Hann endaði svo
ferilinn með glæsibrag með tveimur tímabilum hjá uppeldisfélaginu, Ajax. Endaði ferilinn? Jú, árið 2008
lagði hann skóna á hilluna en hann hefur tekið þá niður á ný. Hann samdi í ár við liðið Valletta á Möltu
en á reyndar enn eftir að spila með því leik. Það er vægt til orða tekið þegar sagt er að Valletta-menn
hafi þar landað feitum bita, manni sem hefur unnið deildarkeppnir í stórum löndum alls sex sinnum.
HVAR ER HANN Í DAG?
ÞRENNAN
HANDAN
HORNSINS
Úrslitaleikur Meistaradeildarinnar fer í fyrsta skiptið fram á laugardegi nú um helgina þegar FC
Bayern og Inter mætast. Bæði lið eru deildar- og bikarmeistarar í sínum löndum. Þeirra bíður því
hin goðsagnakennda þrenna sem alla þjálfara dreymir um að landa.
Stærsti leikur ársins í Evrópu-
boltanum, úrslitaleikur Meistara-
deildarinnar, fer fram á laugardag-
inn en þetta er í fyrsta skiptið sem
ekki er leikið á miðvikudagskvöldi.
Í ár mætir FC Bayern München frá
Þýskalandi Inter frá Ítalíu. Leikur-
inn verður svo sannarlega slagur
þjálfaranna en hjá báðum liðum
eru miklir sigurvegarar í Brúnni.
Þá þarf auðvitað ekkert að kynna
til leiks en gerum það samt. Hol-
lenski snillingurinn Louis van Gaal
stýrir liði FC Bayern og hjá Inter sér
sá einstaki um að halda í taumana,
sjálfur Jose Mourinho. Báðir geta
þeir skrifað nöfn sín í sögubækurn-
ar með sigri en það lið sem vinnur
leikinn verður búið að vinna hina
eftirsóttu þrennu á tímabilinu,
deildarmeistaratitilinn, bikarinn
og Meistaradeildina.
Kenndi Mourinho
Sálfræðistríðið fyrir leikinn er fyrir
löngu hafið enda ekki við öðru að
búast þegar Jose Mourinho á í hlut.
Van Gaal hefur þó ekkert bogn-
að undan skotum Mourinhos og
sprengdi duglega á blaðamanna-
fundi fyrir leikinn. „Ég kenndi Jose
hjá Barcelona,“ sagði van Gaal
en Mourinho var aðstoðarmaður
hans þegar Hollendingurinn stýrði
Barcelona á sínum tíma.
„Jose var rólegur á þeim tíma.
Það er gaman að sjá hversu mikið
hann hefur vaxið úr grasi og er orð-
inn svona sterkur karakter. Ég vissi
að hann myndi hjálpa mér hjá Bar-
celona því hann hefur svo mikla
ástríðu fyrir leiknum. Hann tók vel
eftir og ég vildi að hann hefði verið
aðstoðarmaður minn lengur,“ sagði
van Gaal.
Unnu báðir óvænt
Bæði van Gaal og Mourinho hafa
unnið Meistaradeildina einu sinni
hvor. Má segja að sigrar þeirra séu
þeir óvæntustu síðan Meistara-
deildin var stofnuð í þeirri mynd
sem við þekkjum hana í dag. Van
Gaal vann keppnina með Ajax árið
1995 sem eftir á að hyggja var ekk-
ert svo óvænt. Ajax-liðið var stjörn-
um prýtt og fór aftur í úrslitaleik-
inn árið eftir. Sigur Mourinhos
með Porto árið 2004 var þó mun
óvæntari en Porúgalirnir lögðu þá
Mónakó, 3-0 í úrslitaleik. Það verð-
ur þó að færast til bókar að ásamt
þessum tveimur úrslitum var sigur
Marseille árið 1993 nokkuð óvænt-
ur þó það lið hafi verið feykivel
mannað.
Sá þjálfari sem hefur betur mun
því verða aðeins þriðji þjálfarinn í
sögunni til þess að vinna Evrópu-
keppni meistaraliða með tveimur
félögum. Erns Happel vann keppn-
ina með Feyenoord árið 1970 og
svo aftur með Hamburg árið 1983.
Ottmar Hitzfeld er eini þjálfarinn
sem hefur unnið Meistaradeild-
ina eins og við þekkjum hana í
dag með tveimur liðum. Það gerði
hann með Borussia Dortmund
árið 1997 og svo aftur með FC Bay-
ern árið 2001. Vinni Bayern verður
það fimmti sigur félagsins í keppni
þeirra bestu og fá þeir þá bikarinn
til eignar.
Vantar tvo lykilmenn
Allar helstu stjörnur liðanna
verða með á laugardaginn nema
franski vængmaðurinn Franck Ri-
bery. Hann tók upp á því að brjóta
groddaralega á argentínska fram-
herjanum Lisandro Lopez í und-
anúrslitaviðureign Lyon og Bay-
ern. Þrátt fyrir ítrekaðar áfrýjanir er
ljóst að Frakkinn verður ekki með
í leiknum. Hann fór þó með látum
inn í sumarfríið en hann var besti
maður vallarins í úrslitum þýska
bikarsins um daginn þar sem hann
skoraði eitt mark.
Ítalski miðjumaðurinn Thiago
Motta er einnig í banni í liði Int-
er en hann hefur verið lykilmaður
hjá Mourinho á tímabilinu. Þar er
nokkuð stórt skarð höggvið í lið Int-
er en Sulley Muntari sem mun lík-
lega leysa stöðu hans hefur ekkert
sýnt með liðinu. En Mourinho er
ekki sá einstaki fyrir ekki neitt. Það
er bara vonandi að leikmennirn-
ir finni ekki fyrir þeirri pressu sem
þjálfararnir eru undir. Hætt er við
að leikurinn verði afar taktískur og
leiðinlegur en Bayern spilar sókn-
arbolta og á það verður Evrópa að
treysta.
TÓMAS ÞÓR ÞÓRÐARSON
blaðamaður skrifar: tomas@dv.is
ÞRENNAN?
Mourinho hefur
aldrei unnið
þrennuna.
SÉNÍ Van Gaal getur skráð sig
í sögubækurnar með sigri, rétt
eins og Mourinho.
ÞRJÚ Í ÞREMUR? Eto'o hefur skorað í báðum úrslitaleikjum Meistaradeildarinnar sem hann hefur tekið þátt í.