Dagblaðið Vísir - DV - 11.03.2011, Blaðsíða 50

50 | Skrýtið Umsjón: Helgi Hrafn Guðmundsson helgihrafn@dv.is 11.–13. mars 2011 Helgarblað
n Í nýrri hollenskri ljósmyndabók birtast gamlar myndir af svörtum hundi
úr fjölskyldualbúmi n Áður en stafrænar myndavélar komu til sögunnar var
erfitt að mynda svört dýr n Hundurinn líkist svartri klessu eða draugi
SVARTA KLESSAN
Í STOFUSÓFANUM
F
yrir daga stafrænna myndavéla og mynd-
vinnsluforrita í tölvum þurftu eigendur svartra
gæludýra að sætta sig við að dýrið þeirra væri
eins og svört klessa á ljósmyndum. Í nýrri
hollenskri ljósmyndabók birtast myndir úr albúmi
hollenskrar fjölskyldu sem átti svartan hund á síðari
hluta hinnar frumstæðu tuttugustu aldar. Útgefendur
eru þeir sömu og gáfu út bókina um hina hollensku
Riu van Dijk sem hefur verið mynduð við að skjóta
á skotskífur á hverju ári í 74 ár, og fjallað var um á
þessari síðu í október síðastliðnum. Ritstjóri bókanna
er Eric Kessels en hann hefur einbeitt sér að ýmsum
furðulegum hliðum áhugaljósmyndunar.
Hin gleymda tuttugasta öld
„Bókin fjallar um tilraunir einnar fjölskyldu til að leysa
eina af mestu ráðgátum ljósmyndalistarinnar: hvernig
eigi að ljósmynda svartan hund,“ ritar Christian Bun-
yan, sem skrifar textann í bókinni, sem er sú níunda
í ritröðinni Á hverri einustu mynd, en í henni eru
hversdagslegar myndir áhugaljósmyndara skoðaðar á
nýstárlegan hátt. „Áður en stafræna öldin hófst, áður
en myndavélar komu til sögunnar sem geta leyst öll
vandamál, frá rauðum augum til hungurs í heiminum,
var tuttugasta öldin. Í þá daga þurftu ljósmyndarar að
taka myndirnar sjálfir.“
Strjúka svartri klessu
„Tilraunir þessara hjóna, til að mynda gæludýrið sem
þau elska, misheppnast aftur og aftur (tæknilega séð).
Árum saman reyna þau að festa krílið sitt á filmu en
sjá svo aðeins skuggamynd í stað hunds. Það er til
mynd af eiginmanninum strjúkandi risastóra svarta
klessu. Og það er er til mynd af konu hans þar sem
hún ræðir við svartan þríhyrning. Og svo framveg-
is,“ skrifar Christian Bunyan. „Áræðni eigendanna er
aðdáunarverð, „óhundurinn“ birtist hvarvetna í hús-
inu, hann stillir sér upp í garðinum og lætur konuna
þurrka sig í eldhúsinu.“
Sendið okkur myndir
Í bók Kessels og Bunyan er lögð áhersla á hina óvæntu
fegurð sem myndavél af gamla skólanum gat veitt
eigendum sínum, jafnvel við hversdagslegar athafnir.
Eiga lesendur furðulegar myndir af þessu tagi af gælu-
dýrum sínum? Sendið á helgihrafn@dv.is.
Óvænt fegurð „Mistök hjónanna eru frábær. Þ
essi röð frábærra ljósmynda sem allar mist
ókust
snerta okkur dýpra en myndir af gæludýrum
í milljónum fjölskyldualbúma,“ skrifar Chri
stian Bunyan,
meðhöfundur nýrrar bókar um þennan ólá
nsama svarta hund sem myndaðist einfald
lega ekki.
MYNDIR KESSELS KRAMER PUBLISHIN
G
Svört klessa Hundur eða svartur ruslapoki?
Kona og þríhyrningur Hundurinn og eigandinn. Svart og rautt Á góðri stundu í sófanum.
Draugur? Hvítar tær eru það eina hundslega sem hér sést.
Í boltaleik Er skugginn að leika sér með boltann?
„Áður en stafræna öldin hófst, áður en myndavélar
komu til sögunnar sem geta leyst öll vandamál, frá
rauðum augum til hungurs í heiminum, var tuttugasta öldin.