Dagblaðið Vísir - DV - 22.06.2012, Síða 46

Best og verst á em
46 Sport 22.–24. júní 2012 Helgarblað
n 22 tölfræðilegar staðreyndir um riðlakeppnina á EM í knattspyrnu n Ronaldo var besti leikmaðurinn
Enginn samba-bolti
Englendingar spiluðu engan samba-bolta
í riðlakeppninni. Þeir voru það lið sem
fæstar sendingar átti sín á milli af
liðunum 16. Þeir sendu boltann 557
sinnum á milli sín. Það kemur kannski
ekki á óvart en Spánverjar tróna á toppi
þessa lista. Þeir sendu boltann 1.978
sinnum á milli sín í leikjunum þremur.
Þeir voru jafnframt með hæst hlutfall
heppnaðra sendinga, eða 82 prósent. Hjá
Írum var hlutfallið 56 prósent enda eru
þeir farnir heim.
Fyrirgefum
Spánverjum
Ekki ein einasta fyrirgjöf Spán-
verja í riðlakeppninni heppn-
aðist, enda byggir sóknarleikur
þeirra á stuttum sendingum á
miðsvæði vallarins. Þeir reyndu
þó 9 sinnum að senda boltann
fyrir markið.
Einhvers konar met?
Svíar eru úr leik þrátt fyrir að hafa unnið Frakka í lokaleiknum. Athygli vekur að af öllum liðum á
mótinu voru Svíar minnst með boltann, eða aðeins 17 prósent leiktímans. Það hlýtur að vera ein-
hvers konar met í lokakeppni EM. Næstminnst með boltann voru Englendingar. Þeir voru að jafn-
aði með hann 23 prósent leiktímans. Þessi tvö lið voru í algjörum sérflokki hvað þetta varðar.
Grófustu liðin
Króatar og Tékkar brutu oftast af sér í riðla-
keppninni. Hvort lið fékk á sig dæmda 61
aukaspyrnu, eða um 20 að jafnaði í leik.
Það þýðir að á fjögurra og hálfrar mínútu
fresti dæmdi dómarinn leikbrot á þess-
ar þjóðir. Þjóðverjar voru prúðastir, sé við
þessa tölfræði miðað, og brutu af sér 27
sinnum. Englendingar voru næstprúð-
astir.
Mörk í öllum
leikjunum
2,5 mörk voru skoruð að með-
altali í leik í riðlakeppninni.
Við það má vel una, sérstak-
lega í ljósi þess að nú liggur fyr-
ir að mark verður skorað í öllu
leikjum keppninnar. Engum
leik í riðlakeppninni lauk með
markalausu jafntefli og þar sem
leikið verður til þrautar í þeim
leikjum sem eftir eru, mun
enginn leikur enda 0–0.
Harðasti
leikurinn
Grófasti leikurinn í keppn-
inni, ef tekið er mið af fjölda
leikbrota, var leikur Tékk-
lands og Póllands. Þar voru
42 aukaspyrnur dæmdar en
Tékkar unnu leikinn 1–0.
Í þeim leik fóru einnig flest
gul spjöld á loft, eða 8 talsins.
Bestur í marki
Besti markvörðurinn í riðla-
keppninni var Daninn Steph-
an Andersen sem hlaut með-
aleinkunnina 8,49 samkvæmt
Catrol EDGE-stuðlinum.
Fórnarlamb
leikbrota
Gríski baráttujaxlinn Gior-
gos Karagounis og sóknar-
maðurinn skæði Robert
Lewandowski, leikmað-
ur Póllands, eru þeir leik-
menn sem oftast var brotið
á í riðlakeppninni, eða 16
sinnum. Báðir hafa að lík-
indum lokið keppni. Pól-
verjar eru úr leik og Kara-
gounis er í leikbanni í 8 liða
úrslitum. Hann fékk rang-
lega spjald fyrir leikaraskap
þegar hann féll í vítateig
í síðasta leiknum í riðlin-
um. Hann bítur í það súra
epli að horfa á leikinn gegn
Þjóðverjum úr stúkunni en
líklega þarf kraftaverk til að
Grikkir vinni þann leik.
Brotið á
Grikkjum
Grikkir komu öllum á óvart
og komust áfram í 8 liða úr-
slit á kostnað stórskemmti-
legra Rússa. Þrátt fyrir að
leggja allt kapp á varnarleik
var Grikkland það lið sem
oftast var brotið á. And-
stæðingar þeirra, Tékkar,
Rússar og Pólverjar brutu
alls 57 sinnum á þeim.
Sjaldnast var brotið á Dön-
um, eða 27 sinnum.
35 skot framhjá markinu
Hollendingar fóru heim með skottið á milli lappanna.
Þeir verða þó seint sakaðir um að reyna ekki að skora.
Það segir þó kannski sína sögu að þeir voru það lið
sem oftast hitti ekki markið. Alls fóru 35 skot framhjá
markinu í mótinu. Þeir eru á meðal þeirra þjóða sem
fæst skot áttu á markið. Aðeins 19 rötuðu á rammann.
Hræðileg tölfræði
Írar riðu ekki feitum hesti frá keppninni
að þessu sinni. Þeir fengu langflest mörk
á sig í riðlakeppninni, eða níu talsins. Það
er fjórum mörkum fleiri en næstu lið. Þeir
skoruðu einnig fæst mörk, aðeins eitt.
Spánverjar fengu aðeins eitt mark á sig í
riðlakeppninni en Ítalir og Þjóðverjar tvö.
Rangstæður Robbie
Það gekk ekkert upp hjá Íranum Robbie
Keane í riðlakeppninni. Hann var oftast
allra leikmanna dæmdur rangstæður, eða
6 sinnum í leikjunum þremur. Grikkinn
Dimitris Salpingidis var 5 sinnum dæmdur
rangstæður.
E
vrópumótið í
knattspyrnu er nú í full-
um gangi. Óhætt er að
fullyrða að mótið hafi
staðist allar væntingar
hingað til. Rauð spjöld hafa far-
ið á loft, dramatísk atvik hafa
ótt sér stað, óvænt úrslit hafa
litið dagsins ljós og að minnsta
kosti eitt mark hefur verið
skorað í hverjum einasta leik.
Þetta er sannkölluð hátíð fyrir
knattspyrnuunnendur.
Tölfræði er að sumu leyti
ágæt leið til að átta sig á gangi
mála í íþróttum. En þær segja
ekki alla söguna. Þannig eru
Grikkir neðarlega á flestum list-
um; sama hvort litið er til mark-
skota, marka eða tölfræði yfir
þau lið sem mest halda bolt-
anum. Engu að síður komust
Grikkir áfram í undanúrslit,
þar sem þeir mæta fyrnasterku
liði Þjóðverja. Önnur tölfræði-
leg staðreynd er að Spánverjar
hafa ekki átt eina einustu fyr-
irgjöf sem heppnast í mótinu.
Þrátt fyrir það eru þeir næst sig-
urstranglegasta liðið í keppninni
og hafa leikið afar vel. DV leitaði
í smiðju UEFA og tók saman töl-
fræðilegar staðreyndir um riðla-
keppnina á EM.
Súper Mario
Þrír leikmenn skoruðu þrjú mörk
í riðlakeppninni og voru marka-
hæstir. Tveir þeirra heita Mario.
Þjóðverjinn Mario Gómez, Rúss-
inn Alan Dzagoev og Króatinn
Mario Mandzukic eru marka-
hæstir eftir riðlakeppnina.
Gómez er eini leikmaðurinn sem
getur bætt þann árangur því hin-
ir eru farnir heim.
Leiðinlegustu liðin?
Frakkar og Grikkir komust í 8 liða úrslit
mótsins. Ekki er hægt að segja að glæsi-
bragur hafi verið á árangrinum í riðla-
keppninni. Bæði lið skoruðu aðeins eitt
mark að meðaltali í leikjunum þremur og
fengu á sig eitt að meðaltali í leik.
Baldur Guðmundsson
blaðamaður skrifar baldur@dv.is
Sókndjarfir Spánverjar
Spánverjar áttu flestar marktilraunir í riðlakeppninni, eða
39. Næstir komu Frakkar með 36 og svo Ítalir með 30. Það
kemur kannski fáum á óvart en Spánverjar voru einnig það
lið sem mest var með boltann í leikjunum þremur. Þeir voru
með boltann 62 prósent leiktímans.