Dagblaðið Vísir - DV - 16.09.2011, Side 16

16 | Fréttir 16.–18. september 2011 Helgarblað
Í
skýrslum heilbrigðiseftirlits
Reykjavíkur, frá árinu 2010,
vegna reglubundins eftirlits á
leikskólum Reykjavíkurborgar er
að finna yfir 10 athugasemdir við
aðbúnað sem óhætt er að kalla alvar-
legar slysagildur fyrir börn, eða jafn-
vel dauðagildur. Heilbrigðiseftirlitið
hefur ekki lokið eftirliti á leikskólum
borgarinnar á þessu ári og því liggja
ekki fyrir opinber gögn yfir hvað hef-
ur verið lagfært frá því í fyrra. Í fjölda
tilfella höfðu athugasemdirnar þó
verið margítrekaðar ár eftir ár án
þess að borgin aðhefðist nokkuð. DV
fór á stúfana og kíkti á þá leikskóla
sem fengu alvarlegustu athuga-
semdirnar í fyrra.
Athugasemdir margítrekaðar
Í ljós kom að ýmislegt hefur verið
lagfært á síðastliðnu ári en DV fann
þrjá leikskóla þar sem leiktækjum
eða umhverfi hefur ekki verið breytt
til að koma í veg fyrir slys, þrátt fyr-
ir ítrekaðar athugasemdir. Í þeim til-
fellum er um að ræða hengingar-
hættu af leiktækjum og girðingu sem
ekki er barnheld. Eflaust er um fleiri
leikskóla að ræða en blaðamaður
treysti sér til dæmis ekki til að leggja
mat á hvort leiksvæðum hefði verið
breytt til að koma í veg fyrir drukkn-
unarhættu líkt og nokkrar athuga-
semdir fólu í sér.
Gerir lítið úr orðalagi
Árný Sigurðardóttir, framkvæmda-
stjóri heilbrigðiseftirlits Reykjavíkur,
gerði í viðtali við Ríkisútvarpið fyrr í
þessum mánuði, lítið úr því orðalagi
sem notað er í eftirlitsskýrslum leik-
skólanna. Hún sagði að hengingar-
og drukknunarhætta væri orðalag
samkvæmt evrópskum stöðlum og
þrátt fyrir að slíkt orðalag væri not-
að væri ekki endilega um stórkost-
lega hættu að ræða. Hún sagði at-
hugasemdir gerðar þar sem vitað er
um dæmi þess að ákveðin tilvik hafi
átt sér stað við ákveðnar aðstæður.
Miðlægur grunnur ekki til
Samkvæmt upplýsingum frá
Reykjavíkurborg er ekki til miðlæg
skrá yfir tíðni slysa á leikskólum
frá ári til árs en verið er að skerpa á
verkferlum þannig að öll slys verði
skráð í sameiginlegan gagnagrunn.
Á það bæði við um stærri slys og
minni óhöpp. Verið er að kalla eftir
upplýsingum um slys frá leikskól-
um borgarinnar síðastliðin tvö ár til
að fá yfirsýn og heildarmynd á mál-
ið. Öll slys sem verða í leikskólum
á að skrá á þar til gerð slysaskrán-
ingareyðublöð sem geymd eru á
leikskólunum sjálfum.
n DV kannaði leiksvæði nokkurra leikskóla n Dæmi um að slysagildrur séu hunsaðar ár eftir ár
n Framkvæmdastjóri heilbrigðiseftirlitsins gerði lítið úr orðlaginu drukknunar- og hengingarhætta
DauðagilDrur á
leikskólum hunsaðar
DV fann slysagildrur á þremur
leikskólum, öllum staðsettum í
Grafarvogi, sem ekki hafa verið
lagfærðar þrátt fyrir ítrekaðar
athugasemdir.
Sólrún Lilja Ragnarsdóttir
blaðamaður skrifar solrun@dv.is
Slysagildra Þessi kastali
lítur sakleysislega út en af
honum getur þó stafað heng-
ingarhætta. Dæmi eru um að
slysagildrur af þessu tagi séu
hunsaðar árum saman.
Leikskóli: Foldakot
Staðsetning: Logafold 18
Alvarleg slysagildra: Girðing í kringum leikskólalóð sem
snýr að bílaplani er ekki barnheld. 20 sentimetra bil er á milli
girðingar og undirlags og börn komast auðveldlega undir.
Búið er að lagfæra hengingarhættu í kastala með því að
setja spýtur fyrir bil á milli kastalabrúnar og rennibrautar.
Síðasta athugasemd: 30. júlí 2010.
Leikskóli: Foldaborg
Staðsetning: Frostafold 33
Alvarleg slysagildra: Heng-
ingarhætta í kastala. Bil á milli
kastalabrúnar og rennibrautar ekki
samkvæmt stöðlum.
Fyrsta athugasemd: 2009
Síðasta athugasemd: 30. júlí 2010.
Leikskóli: Funaborg
Staðsetning: Funafold 42
Alvarleg slysagildra: Hengingarhætta í kastala.
Fyrsta athugasemd: 2008
Síðasta athugasemd: 30. júlí 2010.
„Í fjölda tilfella höfðu
athugasemdirnar
þó verið margítrekaðar ár
eftir ár án þess að borgin
aðhefðist nokkuð.