Dagblaðið Vísir - DV - 27.03.2013, Side 56

H
jónin Ragnhildur Jóns­
dóttir og Sverrir Berg
Steinarsson eru afar sam­
rýnd og samstíga. Vinna
bæði heiman frá þessa
dagana en segjast þó aldrei fá leið
hvort á öðru. „Við höfum eigin­
lega aldrei rifist,“ segir Ragnhildur
hlæjandi og segir son þeirra Andra,
sem nú er 17 ára, enn muna eftir
því þegar þau rifust í eitt skipti árið
2004 og reglulega vitna í það. „Við
erum mjög samstíga,“ segir hún
og Sverrir tekur undir og býður
blaðamanni kaffi á fallegu og nota­
legu heimili þeirra við Austurbrún
í Reykjavík. Þetta er þó ekki bara
heimili þeirra hjóna heldur líka
vinnustaður.„Þetta eru höfuðstöðv­
arnar,“ segir Ragnhildur brosandi.
Skelfingu lostinn
Hér má með sanni segja að séu
höfuðstöðvar þeirra beggja; hér
sinna þau sínum verkefnum. Ragn­
hildur ungbarnalínunni Jónsdótt­
ir og Co. sem hún setti á laggirnar
fyrir um tveimur árum að áeggjan
eiginmannsins og hann sjálfur
bæði prentar á boli og aðra hluti
auk þess sem hann sinnir skrifum.
Fyrsta glæpasaga hans er í þann
mund að líta dagsins ljós og því
fylgir bæði mikil spenna og örlítill
kvíði viðurkennir Sverrir fúslega.
„Ég er skelfingu lostinn yfir þessu.
Maður hefur verið hálfa ævina að
selja eitthvað en ég hef aldrei áður
staðið svona berrassaður og lagt
eitthvað svona persónulegt fram.
Það er einhvern veginn allt öðru­
vísi,“ segir hann einlægur.
Gerðist allt svo hratt
Líf þeirra hjóna hefur breyst tölu­
vert undanfarin ár. Á árunum fyrir
hrun ráku þau hálfgert verslunar­
veldi; fatabúðirnar Noa Noa og
Next auk tæknibúða á borð við
BT, Skífuna og Sony Center, auk
þess sem þau ráku verslanir í Dan­
mörku. Þá var nóg að gera og upp­
vöxturinn var hraður. Eftir á að
hyggja kannski heldur hraður að
þeirra mati. „Manni finnst eigin­
lega ótrúlegt að þetta hafi bara
verið 3–4 ár, manni finnst eins og
þetta hafi verið 10–15 ár. Það gerð­
ist allt svo hratt,“ segir Sverrir. Hann
segir það hafa verið lærdómsríkt að
hafa verið í viðskiptum á þessum
tíma. Viðskiptaferill þeirra hjóna
hófst með opnun verslunarinnar
Noa Noa árið 1999. Ragnhild­
ur hafði þó víðtæka reynslu af
kaupmannsstörfum enda höfðu
foreldrar hennar rekið fataverslan­
ir Ég hef lesið mjög mikið í gegn­
um tíðina og þetta er kannski svona
gamall draumur svolítið. til margra
ára. „Ég byrjaði tólf ára að vinna hjá
þeim og var alltaf að, mér fannst
þetta svo skemmtilegt,“ segir hún
en foreldrar hennar ráku búðirnar
Popphúsið og Fataklaufina. Þegar
þau ákváðu að opna fyrstu verslun­
ina eftir að Ragnhildur hafði heill­
ast af danska merkinu Noa Noa,
rétt fyrir aldamótin, þá hafði Sverrir
enga reynslu af verslunarrekstri.
Búðin tæmdist
„Ragnhildur er náttúrulega alvön úr
búðarbransanum og ég ætlaði bara
að vera með henni til að byrja með
í smá tíma, hjálpa aðeins til í bók­
haldinu og svona,“ segir Sverrir. Það
fór þó á annan veg. Íslendingar tóku
búðinni opnum örmum frá fyrsta
degi, brjálað var að gera og fljótlega
var hann kominn með skrifborð
baka til í búðinni. „Ég kunni ekkert
á búðarrekstur og hafði aldrei farið
á útsölu,“ segir Sverrir hlæjandi og
minnist fyrstu útsölunnar þar sem
búðin gjörsamlega tæmdist. „Ég fór
svo og keypti mér Ikea­skrifborð og
kom mér fyrir bak við og sá þá um
bókhaldið. Ég var reyndar fyrstu
vikurnar að gufa flíkur svo mikið
var að gera,“ segir hann. Fljótlega
opnuðu þau aðra Noa Noa­verslun
á Laugavegi. Þar var einnig kaffihús
sem gekk þó ekki alveg nógu vel.
„Kaffihúsið var reyklaust, örugg­
lega fyrsta reyklausa kaffihúsið á Ís­
landi og það féll ekki alveg í kramið
hjá Íslendingum á þeim tíma,“ segir
Ragnhildur hlæjandi yfir því hversu
margt hefur breyst á stuttum tíma.
„Við vorum kannski ekki alveg með
kaffihúsarekstur á hreinu, kannski
af því ég drekk ekki einu sinni kaffi,“
segir hún brosandi.
Krúttfyrirtæki fyrir kríli
Árið 2003 opnuðu þau svo verslun­
ina Next í Kringlunni. „Next var svo­
lítið barnið hans Sverris, hann fann
hana úti í Bretlandi og fékk um­
boðið fyrir hana,“ segir Ragnhildur.
Þegar umsvif þeirra í viðskipta­
heiminum jukust þá tók hins vegar
Ragnhildur við fataverslununum
og Sverrir sá um rekstur hinna fyrir­
tækjanna. „Við höfum alltaf unnið
mjög vel saman, við höfum skipt
með okkur verkum og það gengið
mjög vel,“ segir Ragnhildur.
Þessa dagana eru verkefnin þó
af öðrum toga en þau voru fyrir
nokkrum árum. Eins og áður sagði
vinna þau nú heiman frá sér. Ung­
barnalína Ragnhildar; Jónsdóttir og
Co. hefur vakið mikla athygli. Hug­
myndin kviknaði fyrir um tveimur
árum. „Þá var Sverrir búinn að fjár­
festa í prentara og var alltaf að hvetja
mig til að prófa eitthvað nýtt.“ Prent­
arinn hafði verið keyptur til þess að
prenta á boli fyrir Geimstöðina sem
hjónin ráku í Kringlunni og reyndar
gegnir hann því hlutverki enn þrátt
fyrir að þau séu hætt með búðina
en auk þess prenta þau fyrir fyrir­
tæki og einstaklinga. Prentarinn er
þó mest notaður til þess að prenta
á ungbarnavörurnar hennar Ragn­
hildar. Vörunum hefur verið tekið
fagnandi en meðal þess sem hún
framleiðir eru ungbarnasamfellur
með fæðingardegi barnsins, mynd­
um af söguhetjunni Stubbi, sem
svo margir kannast við, ásamt ýms­
um fleiri karakterum. Ragnhildur
segist hafa gaman af því að dúlla
sér við reksturinn og hefur lagt
undir sig borðstofuborðið á heimil­
inu til þess auk þess sem bílskúrinn
er hálfgert verkstæði og lager fyrir
framleiðsluna.
Þetta er svona lítið krúttfyrir­
tæki fyrir kríli,“ segir Ragnhildur
um Jónsdóttir og Co. „ Við byrjuð­
um með litla línu og svo hefur þetta
smátt og smátt vaxið. Við fengum
rosalega góðar verslanir til þess að
selja vörurnar en það er mikilvægt
að vera á réttum stað.“ Ragnhildur
hefur einnig verið dugleg að taka
þátt í handverkssýningum af ýmsu
tagi auk þess sem hún hefur ásamt
vinkonu sinni nokkrum sinn­
um opnað Pop Up­búð þar sem
einungis er opið í skamman tíma
í senn. „Þá krúttvæðum við heila
búð. Það finnst mér alveg ótrúlega
gaman og mikilvægt því þá kemst
maður í beint samband við við­
skiptavinina. Fer aftur í búðarkonu­
gírinn sem er svo stór hluti af mér
og verður líklega alltaf,“ segir Ragn­
hildur. Hún er lærður bókmennta­
fræðingur en segir þó eiginmann­
inn alltaf hafa lesið meira en hún.
Lét gamlan draum rætast
Það var svo fyrir um ári sem Sverr­
ir ákvað að láta gamlan draum ræt­
ast og skrifa bók. „Ég hef lesið mjög
mikið í gegnum tíðina og þetta er
kannski svona gamall draumur
svolítið. 2002 fór ég á námskeið
sem hét Skapandi skrif hjá Rúnari
Helga Vignissyni. Þá fór ég að byrja
að fikta við þetta. Það var samt ekki
fyrr en í fyrra þegar ég fór að taka
til í tölvunni hjá mér að ég sá mikið
af gömlum hugmyndum, smásög­
um og ýmsu í þeim dúr að ég fór
að skrifa aftur. Ég hafði kannski
ekki haft mikinn tíma en svo þegar
ég fór að hafa meiri tíma þá fékk
ég hugmynd sem mig langaði að
prófa.“ Hann settist því niður og fór
að skrifa. „Ég sagði ekki nokkrum
manni frá því. Síðan hvíslaði ég
að Ragnhildi að ég ætlaði að prófa
þetta,“ segir hann. „Þegar ég var svo
komin aðeins áleiðis þá var algjör­
lega glatað annað en að klára þetta
þó ég væri ekki farinn að huga að
útgáfu eða neinu slíku. Bara sjá
hvort ég gæti klárað þetta.“ Þegar
bókin var nokkurn veginn tilbúin
ákvað hann að hafa samband við
gamla kennarann sinn í MH og
biðja hann að lesa yfir. „Ég þekkti
voða lítið til í þessum útgáfubransa
en ákvað að kanna hvort það væri
einhver áhugi. Ég kíkti til hans í kaffi
og hann las yfir og á meðan sat ég
bara og beið. Það voru mjög skrýtn­
ar fimmtán mínútur,“ segir hann
hlæjandi. Kennaranum gamla leist
vel á söguna og ráðlagði honum
að vinna aðeins í henni. „Þetta var
náttúrulega bara útdráttur sem ég
fór með og hann sagði að það væri
full ástæða til þess að vinna í þessu
og svo gaf hann mér góð ráð um
framhaldið. Ég fór að ráðum hans
og hafði síðan samband við Upp­
heima og sendi þeim handritið.
Það kom svar frá þeim viku seinna
og þeir vildu gefa bókina út. Þannig
að þetta gekk allt lygilega vel,“ seg­
ir hann en bókin kemur út í apríl.
56 27. mars-2. apríl 2013 Páskablað
m e n n i n g @ d v . i s | d v . i s / m e n n i n g
Hjónin Ragnhildur og Sverrir eru einstaklega
samstíga bæði í leik og starfi. Á árunum fyrir hrun
ráku þau hálfgert verslunarveldi en eftir hrun hafa
þau vent kvæði sínu í kross og vinna nú bæði að
hugðarefnum sínum. Ragnhildur að ungbarnalínunni
Jónsdóttir og Co. og Sverrir að fyrstu bókinni sinni;
glæpasögu sem byggir að vissu leyti á reynslu hans úr
viðskiptaheiminum. DV kíkti í heimsókn til hjónanna.
Viktoría Hermannsdóttir
viktoria@dv.is
Viðtal
Samstíga hjón Þau Ragnhildur
og Sverrir eru afar samstíga. Sverrir
er að senda frá sér spennusögu en
Ragnhildur hannar ungbaranföt.
Gamlir draumar fengu líf
„Ég er skelf-
ingu lostinn
yfir þessu.
„Kemur virkilega á óvart“ „Og þá var kátt í höllinni“
Olnbogavík
Hermann Jóhannesson
Borgen
Adam Price