Dagblaðið Vísir - DV - 16.08.2013, Blaðsíða 13

Fréttir 13Helgarblað 16.–18. ágúst 2013
„Fráleitt að ég
segi af mér“
n Vigdís segir þrýsting ekki hafa áhrif á sig
Þ
að er fráleitt að ég segi af
mér, segir Vigdís Hauksdóttir,
þingmaður, formaður fjár­
laganefndar og nefndarmaður
í hagræðingarhópi ríkisstjórnarinn­
ar. Hún segist fyrst og fremst ætla að
halda áfram að sinna vinnunni sinni.
Rúmlega 2.700 manns hafa sett nafn
sitt við undirskriftalista og vilja að
Vigdís segi af sér vegna ummæla
hennar um RÚV í gær.
Hún hefur lítið að segja um undir­
skriftalistann nema að fólki sé frjálst
að stofna til þeirra.
Í texta sem fylgir söfnuninni
segir: „Við undirrituð skorum á
Vigdísi Hauksdóttur að segja af sér
formennsku í Fjárlaganefnd Al­
þingis sem og Hagræðingarhópi
Ríkisstjórnarinnar vegna þeirra um­
mæla sem hún hefur látið falla um
Ríkis útvarpið ohf. og sérstaklega
fréttastofu RÚV. Þar tengir Vigdís
Hauksdóttir saman pólitík og fjár­
veitingar Alþingis og lætur í veðri
vaka að beygi RÚV sig ekki undir
stefnu ríkjandi stjórnvalda verði fjár­
veiting stofnunarinnar skert.“ Að auki
er það sagt ótækt að viðhorf minni­
hluta þjóðarinnar sem telja fréttastof­
una draga hlut ákveðinna málefna
verði til þvingunaraðgerða af þessu
tagi, og krefjast undirritaðir að sjálf­
stæði stofnunarinnar verði virt.
Vigdís ræddi í gær um niðurskurð
hjá RÚV, en hún var að auki ósátt við
fréttaflutning fréttastofu stofnunar­
innar. Í því samhengi sagði hún: „Ég
er náttúrlega í þessum hagræðingar­
hópi og þar liggur allt undir.“
Vigdís gefur lítið fyrir það að
þrýst sé á hana að segja af sér og seg­
ir þrýstinginn koma frá bloggsam­
félaginu. „Ég er fyrst og fremst að
sinna minni vinnu sem ég var kosin
til, og þess vegna tel ég það vera frá­
leitt að ég segi af mér, þrátt fyrir að
það sé krafa um það frá bloggsamfé­
laginu,“ segir hún. n
442 1000
Þjónustuver 9:30-15:30rsk@rsk.is
Einstaklingar sem festu kaup á íbúðarhúsnæði eða hófu
byggingu á árunum 2004 – 2008 og tóku jafnframt lán með
veði í fasteign annars einstaklings eiga rétt á sérstökum
vaxtabótum – lánsveðsvaxtabótum.
Skilyrði fyrir ákvörðun lánsveðsvaxtabóta eru þessi:
Umsóknir berist ríkisskattstjóra í síðasta lagi 15. september 2013.
Ákvörðun lánsveðsvaxtabóta fer fram svo fljótt sem unnt er,
þó eigi síðar en 17. mars 2014.
Nánari upplýsingar um fjárhæðir, ákvörðun bóta og
umsóknareyðublað má finna á vef ríkisskattstjóra;
www.rsk.is
Lánsveðsvaxtabætur
Íbúðarhúsnæði hafi verið keypt eða byggt til eigin nota og
lán tekin því til öflunar á tímabilinu frá 1. janúar 2004 til
31. desember 2008
Lán hafi verið tekið með veði í fasteign í eigu annars einstaklings
Íbúðin hafi verið í eigu umsækjanda í ársbyrjun 2009
Eftirstöðvar fasteignaveðlána vegna þess íbúðarhúsnæðis,
sem fengin voru með lánsveði, hafi samtals verið hærri en 110%
af fasteignamati eignarinnar á söludegi eða í árslok 2010
Höfuðstóll veðlána hafi ekki verið lækkaður fyrir 9. apríl 2013
Hvergi bangin
Vigdís Hauksdóttir
lætur ekki að sér
hæða.
Mynd: dV eHf / Sigtryggur Ari
niðurskurður Vigdís vill skera niður
framlög til RÚV.
„Sýnir sitt rétta andlit“
n Svandís gagnrýnir áform iðnaðarráðherra
R
agnheiður Elín sýnir sitt
rétta andlit sem blygðunar­
laus nýtingarsinni,“ segir
Svandís Svavarsdóttir, fyrr­
verandi umhverfisráðherra,
í samtali við DV. Tilefnið er málflutn­
ingur iðnaðarráðherra um að æski­
legt sé að nýta Norðlingaölduveitu til
raforkuframleiðslu. Nýlega fór hún
í skoðunarferð um Þjórsá á vegum
Landsvirkjunar sem kynnti henni
breytta útfærslu Norðlingaölduveitu.
Í fréttatíma Stöðvar 2 fullyrti Ragn­
heiður að Norðlingaölduveita væri
bæði hagkvæm og umhverfisvæn.
Nýta mætti virkjunarkostinn án þess
að Þjórsárver biði skaða af.
Svandís bendir á að Norðlinga­
alda sé í verndarflokki rammaáætl­
unar. „Ráðherrann lætur hins vegar
eins og landið allt sé í nýtingarflokki.
Norðlingaalda er í friðlýsingarferli en
ráðherrann vekur máls á því í fúlustu
alvöru að taka hana úr vernd og setja
í nýtingu,“ segir Svandís og fullyrð­
ir að með þessu sýni Ragnheiður
40 ára baráttu náttúruverndarsinna
fyrir stækkun friðlandsins fullkomna
lítilsvirðingu. „Hún kallar virkjun,
sem myndi eyðileggja þrjá stórkost­
lega fossa um aldur og ævi, um­
hverfisvæna.“ Fossarnir sem um er
að ræða eru Dynkur, Gljúfurleitar­
foss og Kjálkaversfoss en ljóst er að
ásýnd þeirra mun breytast verulega
ef hugmyndir Landsvirkjunar og
Ragnheiðar verða að veruleika.
Árni Finnsson, formaður Nátt­
úruverndarsamtaka Íslands, mót­
mælir áformunum harðlega og tek­
ur undir með Svandísi. „Þau komast
ekki í sultukrukkuna nema með því
að breyta fyrst rammaáætlun og
náttúruverndaráætluninni með póli­
tísku handafli. Lögin kveða á um
stækkun friðlandsins í Þjórsárverum
og sú stækkun hefði útilokað Norð­
lingaölduveitu,“ segir hann. Árni
bendir á að fossarnir hafi þegar tek­
ið breytingum vegna Kvíslarveitu. „Ef
Landsvirkjun fengi Norðlingaöldu­
veitu myndi vatnið í þessum fossum
minnka enn meira. Þeir segjast ætla
að hafa sumarrennsli, en ég sé ekki
að það sé neitt að marka það sem
Landsvirkjun segir. Það er ekkert
að marka fyrri yfirlýsingar forstjóra
Landsvirkjunar um að hann vildi
vinna þessi mál í sátt við almenning.“
Lög um rammaáætlun voru sam­
þykkt með miklum meirihluta á
síðasta þingi. Hafa þingmenn og
ráðherrar Sjálfstæðisflokksins og
Framsóknarflokksins ítrekað haldið
því fram að undirbúningur ramma­
áætlunar hafi verið færður í póli­
tískan farveg á lokametrunum og
þannig verið vikið frá sjónarmiðum
sérfræðinga og vísindamanna. Þessu
hefur Stefán Gíslason, formaður
verk efnisstjórnar rammaáætlun­
ar og umhverfisstjórnunarfræðing­
ur, vísað alfarið á bug. „Ragnheiður
Elín og Sigurður Ingi eru þeir tveir
ráðherrar sem hafa hvað mest sakað
fyrri ríkisstjórn um að beita pólitísku
handafli við gerð rammaáætlunar.
En það sem þau ætla að gera núna
er akkúrat það,“ segir Árni sem vonar
að stjórnvöld hverfi frá virkjanastefn­
unni. n
Jóhann Páll Jóhannsson
blaðamaður skrifar johannpall@dv.is
gagnrýnir
iðnaðarráðherra
Svandís Svavars-
dóttir, þingkona
Vinstri grænna
og fyrrverandi
umhverfisráðherra,
gagnrýnir Ragn-
heiði Elínu harðlega
og kallar hana
„blygðunarlausan
nýtingarsinna“.
„Hún kallar virkjun,
sem myndi eyði-
leggja þrjá stórkostlega
fossa um aldur og ævi,
umhverfisvæna.