Dagblaðið Vísir - DV - 16.08.2013, Blaðsíða 20

20 Sport 16.–18. ágúst 2013 Helgarblað
Mourinho landar titlinuM
n Spá DV fyrir ensku úrvalsdeildina sem hefst um helgina n Chelsea landar titlinum n Brotthvarf Ferguson fellir United
1 Chelsea
Jose Mourinho er kominn aftur á
Stamford Bridge og með honum mun
ákveðinn stöðugleiki fást sem liðið
hefur skort undanfarin ár. Chelsea er
einfaldlega sigurstranglegasta liðið í
ár eftir brotthvarf Sir Alex Ferguson hjá
Manchester United. Félagið hefur haft
hægt um sig á leikmannamarkaðnum
enn sem komið er en öflugir leikmenn
hafa snúið aftur úr láni. Nægir þar
að nefna Romelu Lukaku og Kevin
de Bruyne. Jose Mourinho er fæddur
sigurvegari og auk þess með mikil-
væga reynslu úr ensku úrvalsdeildinni.
Leikmannahópurinn er auk þess vel
samsettur af reynsluboltum á borð við
Frank Lampard og John Terry og yngri
en frábærum leikmönnum eins og Eden
Hazard, Oscar og Romelu Lukaku.
Lykilmaður: Juan Mata
Fylgstu með: Andre Schurrle
2 Manchester City
Manchester City hefur farið hamförum á leikmannamarkaðnum í sumar og keypt
leikmenn fyrir 97 milljónir evra, 15 milljarða króna. Nýr stjóri, Manuel Pellegrini, er tekinn
við liðinu en hann gerði frábæra hluti með Malaga í Meistaradeildinni í vetur. Pellegrini er
reynslumikill stjóri sem ætti að geta haft góða stjórn á stjörnum prýddu liði Manchester
City. Á pappírunum er City líklega með sterkasta sóknarliðið en það mun ekki duga
lengra en í annað sætið í vor enda mun það væntanlega taka Pellegrini tíma að slípa
demantana í City-liðinu til. Þá hafa spurningarmerki verið sett við varnarleik liðsins en
stuðningsmenn ættu ekki að hafa of miklar áhyggjur af honum enda kann Pellegrini að
láta lið sín leika öflugan varnarleik.
Lykilmaður: Vincent Kompany
Fylgstu með: Alvaro Negredo
4 Arsenal
Arsene Wenger skilar Arsenal alltaf í
Meistaradeildina og tímabilið sem hefst um
helgina verður engin undantekning. Sem
fyrr hefur Arsenal átt erfitt með að lokka
til sín öfluga leikmenn en þrátt fyrir það er
hópurinn nokkuð sterkur. Liðið hefur leikið
mjög vel á undirbúningstímabilinu og fór
illa með Manchester City í æfingaleik um
liðna helgi. Nái liðið að klófesta 1–2 öfluga
leikmenn gæti Arsenal vel blandað sér í
baráttuna um Englandsmeistaratitilinn en
miðað við gang mála á leikmannamarkaðn-
um í sumar verður það að teljast ólíklegt.
Lykilmaður: Laurent Koscielny
Fylgstu með: Alex Oxlade-Chamberlain
5 Tottenham
Gott gengi Tottenham í vetur veltur á því hvort Gareth
Bale verði áfram í herbúðum félagsins. Tottenham-liðið
með Gareth Bale í því formi sem hann var í á síðustu
leiktíð er til alls líklegt enda eru öflugir leikmenn á borð
við Paulinho og Roberto Soldado komnir til félagsins.
Verði Bale seldur mun það hafa mikil áhrif á baráttu
liðsins fyrir sæti í Meistaradeildinni. Að þessu leyti er
erfitt að spá fyrir um gengi liðsins. Hvað sem framtíð
Bale líður er Tottenham-liðið með mjög öflugan hóp en
líklega ekki nógu öflugan til að blanda sér í baráttuna
um titilinn. Fimmta sætið er því raunhæfasta niður-
staðan en verði Bale áfram – og í því formi sem hann
var í á síðustu leiktíð – mun liðið án nokkurs vafa gera
tilkall til að hirða fjórða sætið af Arsenal.
Lykilmaður: Gareth Bale
Fylgstu með: Roberto Soldado
6 Liverpool
Stuðningsmenn Liverpool eru án
efa bjartsýnni fyrir þetta tímabil
en mörg undanfarin tímabil.
Liðið hefur heilt yfir leikið vel á
undirbúningstímabilinu og fengið
til sín nokkra spennandi leikmenn.
Liverpool gæti hæglega blandað sér í
baráttuna um fjórða sætið ef liðið spilar
jafn vel og það gerði undir lok síðustu
leiktíðar. Ef það á að takast verður að
nást meiri stöðugleiki og þá sérstaklega
á heimavelli. Á síðustu leiktíð vann
Liverpool aðeins 9 af 19 heimaleikjum
sínum sem er óásættanlegt. Þegar litið
er á leikmannahópinn er Liverpool þó
enn býsna langt frá toppliðunum og því
er 6. sætið niðurstaðan.
Lykilmaður: Steven Gerrard
Fylgstu með: Philippe Coutinhov
7 Swansea
Swansea er orðið stöðugt úrvalsdeildar-
félag sem mun halda áfram að gera góða
hluti í vetur. Liðið hefur fengið til sín öfluga
leikmenn í sumar og nægir að nefna Wilfred
Bony í því samhengi. Meiri breidd er komin
í hópinn sem orðinn þéttari fyrir vikið. Það
sem gæti valdið Swansea erfiðleikum í vetur
er þó þátttaka liðsins í Evrópudeildinni. Það
muna allir eftir Newcastle í fyrra; liðið náði
5. sætinu tímabilið 2011/12 en spilamennsk-
an hrundi á síðustu leiktíð enda leikmanna-
hópurinn ekki mjög stór. Michael Laudrup
hefur verið sniðugur á leikmannamarkaðn-
um í sumar og fengið til sín fjölda leikmanna
og ætti að geta dreift álaginu vel.
Lykilmaður: Michu
Fylgstu með: Wilfred Bony
8 Everton
Roberto Martinez tók við Everton
í vetur af David Moyes sem fór
til Manchester United. Útlit er
fyrir að lykilmennirnir Marouane
Fellaini og Leighton Baines verði
áfram í herbúðum Everton sem
eru góðar fréttir. Rétt eins og
með Manchester United er erfitt
að spá fyrir um áhrif brotthvarfs
David Moyes enda hafði hann
stýrt liðinu lengi áður en hann fór.
Leikmannahópur Everton er samt
nokkuð sterkur og mun heima-
völlurinn áfram verða mikilvægur.
Everton nær 8. sætinu eftir erfiða
byrjun.
Lykilmaður: Leighton Baines
Fylgstu með: Gerard Deulofeu
3 Manchester
United
Englandsmeistararnir misstu mikið þegar
Sir Alex Ferguson ákvað að hætta í vor. Liðið
hefur ekki verið sérstaklega sannfærandi
á undirbúningstímabilinu og átt erfitt
með að klófesta leikmenn. United er samt
alltaf United og það skyldi enginn afskrifa
meistarana strax enda þekkja allir leikmenn
liðsins hvað þarf til að vinna ensku deildina.
Brotthvarf Ferguson mun þó hafa þau áhrif
að United verður ekki í beinni titilbaráttu í
vor heldur mun baráttan snúast um að ná
þessu þriðja sæti sem United mun
takast eftir erfiða byrjun. Nái liðið
að fá til sín öflugan miðjumann
gæti þó allt gerst en líklega
mun ákveðinn óstöðugleiki
einkenna spilamennsku United
í vetur.
Lykilmaður: Robin van Persie
Fylgstu með: Wilfried Zaha