Dagblaðið Vísir - DV - 16.08.2013, Blaðsíða 35

N
ýjasta afurð tékkneska
bílaframleiðandans Skoda er
þriðja kynslóð af Octavia og
var hún kynnt hér á landi í
vor. Væntingarnar eru miklar
til þessa bíls því undanfarar hans hafa
reynst mjög vel við íslenskar aðstæður
og bíllinn verið vinsæll valkostur bæði
sem fjölskyldu- og fyrirtækjabíll.
Octavia eins og við þekkjum hann
í dag kom fyrst hingað til lands árið
1996 en nafnið fékk bíllinn hins vegar
frá mun eldri bíl er framleiddur var af
verksmiðjunum frá 1959 til 1971. Hann
fékk einnig þá arfleið frá gamla Skod-
anum að vera meiri bíll fyrir minni
pening en flestir samkeppnisaðilar ná
að bjóða upp á og varð því fljótt vinsæll
valkostur um allan heim.
Rúmbetri
Þriðja kynslóðin er byggð á MQB-
undirvagni, rétt eins og flestir VW bíl-
ar, og er þessi nýja gerð 9 cm lengri
og 4,5 cm breiðari en gerðin á undan.
Hjólhafið hefur einnig verið aukið um
8,9 cm. Þá er bíllinn einnig 102 kílóum
léttari en önnur kynslóð sem ætti að
koma sér vel í rekstri hans.
Mun meira er lagt upp úr innan-
rými en áður og meðal valkosta sem
eru í boði eru 20 cm snertiskjár, sem
einnig er í boði í Golf og stórt raf drifið
sólþak. Það er nóg pláss fyrir farang-
ur í þessari þriðju kynslóð Octavia, því
farangursrýmið rúmar 590 lítra. Það er
með því besta sem gerist á markaðn-
um í þessum stærðarflokki, og er raun-
ar meira en 565 lítra farangursrýmið í
Volkswagen Passat, sem er stærri bíll.
Opnun á afturhlera er líka mjög góð og
auðveldar aðgengi í skottið.
Nýjar vélar
Þessi þriðja kynslóð Octavia er með
tveimur gerðum bensínvéla, 1,2 lítra
105 hö og 1,4 lítra 138 hö og jafnframt
með tveimur gerðum dísilvéla, 1,6 lítra
105 hö og 2,0 lítra 150 hö. Grunngerðin
er 1,2 lítra bensínvél með forþjöppu og
grænni tækni („Green Tec“), 77 kW
við 4.500 til 5.500 snúninga á mín-
útu. Snúningsvægið er dágott, eða 175
Nm/1.400 til 4.000 sn/mín. Hin bens-
ínvélin er 1,4 lítra, einnig með grænni
tækni og forþjöppu, 103 kW/4.500 til
6.000 sn/mín og snúningsvægið er
mikið eða 250 Nm/1.500 til 3.500 sn/
mín. Minni dísilvélin er 1,6 lítra með
grænni tækni, forþjöppu og sam-
rásarinnsprautun, 77 kW/3.000–4.000
sn/mín og snúningsvægið er 250
Nm/1.500-2.750 sn/mín. Gírkassar
í boði eru 6 gíra handskipting sem er
staðalbúnaður með báðum bensín-
vélunum en að auki er stærri bensín-
vélin í boði með 7-gíra DSG sjálfskipt-
ingu. Minni dísilvélin er í boði með 5
gíra handskiptum gírkassa eða 7-gíra
DSG sjálfskiptingu, en stærri dísilvél-
in aðeins í boði með 6-gíra DSG sjálf-
skiptingu.
4x4 útgáfa væntanleg
Einn kost hefur Octavia líkt og aðrir
bílar frá Skoda sem eru á markaði hér-
lendis, en það er meiri veghæð en al-
mennt er. Staðalgerðin er með 160 mm
í stað 140 mm. Þetta kemur sér vel hér
á landi þar sem vegir eru misjafnir, gott
í snjó og vetrarfæri. Fjöðrunin í bílnum
vekur líka athygli en bíllinn er nú með
McPherson-sjálfstæðri gormafjöðrun
sem er með þríhyrndum lið og jafn-
vægisstöng að framan og sjálfstæð
fjölliðafjöðrun að aftan með einum
langstæðum lið og þremur þverstæð-
um ásamt jafnvægisstöng. Þessi bún-
aður tryggir bílnum enn meira grip en
fyrri gerðum og gerir hann öruggari og
skemmtilegri í akstri. Með haustinu er
svo von á 4x4 útgáfunni en það er sá
bíll sem væntanlega mun verða hvað
vinsælastur hér á landi. n
n Þriðja útgáfan af Skoda Octavia n Mjög rúmgóður og betri vélbúnaður
Nýr 4Runner
Á næsta ári kemur í sölu nýr
Toyota 4Runner en þeir bílar
voru um tíma nokkuð vinsælir
hér á landi. Þetta er millistór
jeppi og mun verða með V-6
fjögurra lítra bensínmótor sem
er 270 hestöfl. Aftan við hann er
svo ECT-i fimm gíra sjálfskipting
en ekki verður hægt að fá hann
beinskiptan til að byrja með.
Bíllinn verður í þremur grunn-
útgáfum, SR5, Trail (bara 4x4)
og svo í Limited-útgáfu. Bíllinn
verður áfram með læstum milli-
kassa, „downhill“ hjálparbúnaði
og mun einnig verða fáanlegur
með driflæsingum.
Honda Civic
Station
Honda Civic Tourer verður
nafnið sem skutbílsútgáfa
Civic fær og mun bíllinn verða
kynntur í Frankfurt í næsta
mánuði. Bíllinn er væntanlegur
á almennan markað árið 2014.
Bíllinn verður smíðaður í
Swindon og mun koma með 1,6
lítra dísilmótor og 1,8 lítra bens-
ínmótor. Samkvæmt tilkynningu
frá Honda þá á þessi bíll að vera
með hvorki meira né minna en
624 lítra farangursrými sem er
mun meira en þekkist í bílum
af þessari stærð. Útlitinu gæti
þurft að venjast því það er engu
líkara en það hafi verið soðinn
aukatoppur á skottútgáfuna
– og það er í raun málið.
Eyðslugrannur
og góður Skoda
Afturhleri Nýr Octavia er með afturhlera
sem opnast hátt og auðveldar aðgengi í
skottið.
Glæný vél Allar vélar Octavia eru nýjar
frá grunni, þessi er með 1,6 lítra dísilmótor
og skilar 105 hestöflum.
Bílar
Björgvin Ólafsson
bilar@dv.is
Skoda Octavia
✘ Kostir: Gott innanrými, aðgengi í skott, lítil eyðsla
✔ Gallar: Hik í „start and go“ búnaði, litl-ar merkingar á miðstöðvarstillingum
Eyðsla: 3,9 l/100 (blandaður akstur)
Hestöfl: 105
Gírar/þrep: 7 þrepa sjálfskipting
Árekstrarpróf: 77%
Verð: Frá 3.670 þús.
Sambærilegir bílar: Mercedes C Class,
VW Passat, Mazda 6, MMC Lancer
Bílar 35Helgarblað 16.–18. ágúst 2013
Falleg innrétting Innréttingin í bílnum er öll
mjög falleg en erfitt er að sjá merkingar á miðstöð.
Endurbætt útlit MKIII Skoda
Octavia ber svip forvera sinna
vel en er í raun mikið breyttur.