Dagblaðið Vísir - DV - 16.08.2013, Blaðsíða 53

Fólk 53Helgarblað 16.–18. ágúst 2013
Þau hlaupa til góðs
n 26 milljónir hafa safnast n Börnin njóta góðs af framtakinu
É
g er voðalega lítið að hlaupa af
mér aukakílóin – meira svona
að hlaupa af mér táneglur. Nú
er ein farin og önnur er á góðri
leið með að detta af, sem er al-
veg hryllilega óþægilegt og ólekkert,
en góðu fréttirnar eru þær að áheitin
mokast inn! Ég kann svo sannar-
lega að meta það – takk!“ segir Marta
María Jónasdóttir, Smartlandsstýra
á Mbl.is. Marta María hleypur fyrir
Duchenne-samtökin sem sonur
hennar tilheyrir.
„Með því að safna peningum
fyrir þetta málefni aukast líkur á því
að hægt sé að þróa lyf sem stöðva
framgöngu sjúkdómsins. Ef rétt lyf
koma á markað eru meiri líkur á að
sonur minn geti lifað eðlilegu lífi,“
segir Marta María sem hafði safnað
hátt í tvö hundruð þúsund krónum á
fimmtudag.
Tekur þátt í hjólastól
Mikill fjöldi fólks mun hlaupa til góðs
á laugardag í næstu viku í Reykja-
víkurmaraþoni Íslandsbanka. Nú
þegar hafa safnast rúmlega 26 millj-
ónir til margs konar góðgerðamála.
Mestu hefur Dagur Steinn Elfu
Ómarsson safnað. 660 þúsund
krónum til styrktar sumarbúðum í
Reykjadal. Hann er í hjólastól og fær
stuðning félaga síns til að komast 10
kílómetra og yfir marklínuna.
„Peningurinn fer á mjög góðan
stað – það er mjög dýrt að reka
Reykjadal en við sem förum þangað
þurfum öll mjög mikla aðstoð í okkar
lífi – við verðum að halda Reykjadal
opnum! Hjálpið mér.“
Hleypur fyrir unga vinkonu sína
Leikarinn Ólafur Darri Ólafsson læt-
ur ekki sitt eftir liggja og hleypur 10
kílómetra fyrir AHC-samtökin vegna
vináttu sinnar við Sunnu Valdísi Sig-
urðardóttur sem er eini AHC-sjúk-
lingurinn sem greindur hefur verið á
Íslandi.
„Maður finnur ekki betra fólk en
Sunnu Valdísi og fjölskyldu henn-
ar. Þau hafa sýnt ótrúlegt hugrekki
og æðruleysi í baráttu við AHC-sjúk-
dóminn. Endilega hjálpaðu mér að
styrkja yndislega litla stelpu og fólkið
hennar,“ segir Ólafur Darri sem hefur
safnað rúmlega hálfri milljón.
Fimmtugur í góðu formi
Lögfræðingurinn Sveinn Andri
Sveinsson átti fimmtugsafmæli á ár-
inu og stefnir á að hlaupa heilt mara-
þon, 42 kílómetra, og hefur safnað
307 þúsund krónum. Svein Andra
langaði að sýna í verki þakklæti fyrir
að eiga hraust börn og safna áheitum
fyrir SKB, samtök sem hafa það að
markmiði að gera líf krabbameins-
sjúkra barna bærilegra. „Fyrir hverjar
100 þúsund krónur sem safnast hleyp
ég einn kílómetra. Nái ég að safna
meira en 300 þúsund krónum, hleyp
ég 10 kílómetra, safnist meira en ein
milljón króna, hleyp ég hálft mara-
þon og heilt maraþon fari áheitin yfir
2,1 milljón krónur. Allt er undir ykkur
komið og munið að margt smátt gerir
eitt stórt og að það munar um hvert
framlag, lítið og stórt,“ lýsir Sveinn
Andri yfir.
Markaðsgúrú á hlaupum
Markaðsgúrúinn Jón Gunnar Geirdal
hleypur 10 kílómetra fyrir Rjóðrið,
hvíldar- og endurhæfingarheimili
fyrir langveik börn. Hann hefur safn-
að 269 þúsund krónum.
„Rjóður er yndislegur staður sem
gleður mig mikið að geta hjálpað,“
segir Jón Gunnar. „Þó ekki nema með
litlum hætti eins og að hlaupa eitt
stykki 10 kílómetra hlaup og angra
gott fólk með áheit.“
Hlaupa í minningu Sjonna Brink
Aron Brink hleypur í minningu föður
síns, Sjonna Brink, og hefur safnað 74
þúsundum fyrir Heilavernd. Það gera
líka fleiri fjölskyldumeðlimir, Haukur
Örn Brink og systir hans Sjonna
heitins, Nína Dögg Filippusdóttir.
„Ég hleyp í minningu pabba míns
Sjonna Brink sem lést af völdum
heilablóðfalls langt fyrir aldur fram,“
segir Aron.
Hleypur í minningu frænda síns
Rakel Garðarsdóttir, fram-
kvæmdastjóri Vesturports, hleypur
10 kílómetra til styrktar Hringnum
í minningu frænda síns. Hún hefur
safnað 33 þúsund krónum.
„Svo margar fjölskyldur þurfa
á Barnaspítala Hringsins að halda
þegar veikindi koma upp hjá litlu kríl-
unum þeirra. Ekkert er jafn sorglegt
og þegar börn þurfa að ganga í gegn-
um erfið veikindi,“ segir Rakel. „Þetta
skiptir allt svo miklu máli þegar veita
skal börnum bestu heilbrigðisþjón-
ustu og aðbúnað sem mögulegt er og
hjálpa þeim til heilsu á ný. Ég hleyp
í minningu elskulegs frænda míns,
Gríms Fjalars.“
Safnar í minningarsjóð
Rithöfundurinn Þórarinn Eldjárn
hleypur í minningu sonar síns, Krist-
jáns Eldjárns gítarleikara.
„Ekkert heiðrar minningu
tónlistar manns betur en efling tón-
listar,“ segir Þórarinn. Vel valin orð
Þórarins sem hefur safnað 63 þúsund
krónum í minningarsjóðinn. n
kristjana@dv.is
Marta María „Ef rétt lyf koma á markað eru meiri líkur á að sonur minn geti
lifað eðlilegu lífi,“ segir Marta María.
Dagur Steinn Dagur Steinn er í hjólastól
og fær stuðning félaga síns til að komast 10
kílómetra og yfir marklínuna.
Ólafur Darri „Endilega hjálpaðu mér að styrkja yndislega litla stelpu og fólkið hennar,“ segir Ólafur Darri
sem hefur safnað rúmlega hálfri milljón.
Sveinn Andri Lögfræðingurinn Sveinn Andri Sveinsson átti
fimmtugsafmæli á árinu og stefnir á að hlaupa heilt mara-
þon, 42 kílómetra og hefur safnað 307 þúsund krónum.
Jón Gunnar Geirdal „Rjóður er yndislegur
staður sem gleður mig mikið að geta hjálp-
að,“ segir Jón Gunnar.
Aron Brink „Ég hleyp í minningu pabba míns, Sjonna Brink, sem lést af
völdum heilablóðfalls langt fyrir aldur fram,“ segir Aron.
Rakel Garðarsdóttir „Ekkert er jafn sorglegt og þegar börn þurfa að
ganga í gegnum erfið veikindi,“ segir Rakel.
Þórarinn Eldjárn Safnar í minningarsjóð sonar síns Kristjáns.
„Ef rétt lyf koma á
markað eru meiri
líkur á að sonur minn geti
lifað eðlilegu lífi.
Dularfullt
partí ELLU
„Myndi aldrei missa af einhverju
sem tengist ELLU & Bar
Hemingway! En hvað er plottið?“
segir Elínrós Líndal eigandi ELLU
í boðsbréfi í kokteilpartí í verslun
sinni á Ingólfsstræti.
Elínrós gefur lítið annað uppi
en að til standi að kynna fyrstu
vörur verslunarinnar fyrir haustið.
Dj Margeir heldur uppi stuðinu
og stemningin verður í anda
Heming way.
The Hemingway Bar er fyrsta
flokks píanóbar, þar sem vel
klæddir ferðamenn panta fín vín
og hlusta á klassíska músík og
upplifa þá tíma er skáldið gekk um
París að kvöldlagi og skemmti sér
með bóhemum borgarinnar.
Myndband
Ásgeirs
frumsýnt
Myndband við lagið King and
Cross með Ásgeiri Trausta fór
á vefinn fyrr í vikunni. Um er
að ræða enska útgáfu lagsins
Leyndarmál af plötunni Dýrð í
dauðaþögn. Platan er frumraun
hins unga tónlistarmanns og náði
miklum vinsældum hérlendis.
Hún var til að mynda mest selda
plata ársins 2012 en hún seldist í
22 þúsund eintökum. Ásgeir, sem
heillaði hug og hjörtu Íslendinga
með útgáfu plötunnar, reynir nú
fyrir sér á erlendum markaði og er
tónlistarmyndbandið við King and
Cross það fyrsta sem gert er við
enska útgáfu plötunnar.
Kjarninn
farinn í loftið
Kjarninn, nýr og ókeypis vef miðill,
fór í loftið í gærdag. Miðillinn er
aðgengilegur á netinu sem og í
gegnum spjaldtölvur og snjall-
síma og verður lögð meiri áhersla
á erlendar fréttir en í öðrum miðl-
um. Ritstjóri Kjarnans er Þórður
Snær Júlíusson en aðrir sem koma
að vefmiðlinum eru Magnús
Halldórs son, Ægir Þór Eysteins-
son, Gísli Jóhann Eysteinsson
og Hjalti Harðarson en þeir eru
einnig eigendur miðilsins.