Dagblaðið Vísir - DV - 16.08.2013, Blaðsíða 24

24 Umræða 16.–18. ágúst 2013 Helgarblað
Kristín Sævarsdóttir Sæll
Gylfi. Þú hefur tengt
umræðuna um samkyn-
hneigða við barnaníð. Finnst þér það
sanngjarnt? Heldurðu að allir sem
misnoti börn séu samkynhneigðir? Hvar
er mannkærleikurinn sem þú þóttist
a.m.k. hafa þegar þú samdir lagið Þið
þekktuð þennan mann? Ég vona að þú
sýnir mér þá virðingu að svara
spurningunni ekki með hálfkæringi. Þú
værir maður að meiri (og það er ekki of
seint) ef þú bæðist afsökunar á
særandi ummælum þínum um hinsegin
fólk. Kveðjur frá barnelskri, lesbískri
konu úr Kópavogi.
 Gylfi Ægisson Ég er alltaf að svara
þessu sama en fólk virðist ekki
skilja þetta ennþá. Ég lít á þetta
sem barnaníð að vera með svo
mikinn klámkjaft að fólk þurfi að
flýja með börnin úr göngunni. Ef þú
trúir því ekki, er ég með bréf upp
á það sem ég get sýnt. Mannkær-
leikur minn er sá að ég þoli ekki
barnaníðinga. Ég hef skrifað ljóð
um Breiðavíkurstrákana sem
voru misnotaðir af bæði mönnum
í Breiðavík og öðrum sem voru
þarna. Þessi fullorðni maður sem
misnotaði mig var bæði barnaníð-
ingur og hommi. Fólk lætur oft í
veðri vaka að hommarnir geri þetta
aldrei. Skipstjóravinur minn fór í
partí í Reykjavík, góður karlmaður,
svo þegar hann er orðinn dauða-
drukkinn þá nauðguðu honum
fjórir. Hann lá þarna eftir með sár í
rassinum og gat varla hreyft sig.
Árni Þór Árnason Hefurðu
fengið hótanir í gegnum síma?
 Gylfi Ægisson Einn skrifaði:
„Brennum Gylfa!“ Ég skrifaði
og sagðist geta mætt honum
hvenær sem er og gaf honum upp
símanúmerið mitt. En hann hringdi
aldrei, en þá hafði hann verið að
fíflast og gera at. Svo sendi maður
mér einkaskilaboð um að hann
ætlaði að halda brennu með 200
stykkjum af diskunum mínum.
Sá heitir Garðar Garðarsson. John
Lennon er uppáhaldstónlistarmað-
urinn minn erlendur. Hann sagði að
hann væri frægari en Jesús Kristur.
Jesús Kristur frelsaði mig fyrir
34 árum og ég elska hann. John
Lennon er uppáhaldstónlistarmað-
urinn minn. Það er líkt með okkur
Bítlunum að plöturnar okkar eru
brenndar. Það munar ekki um að
þeir brenni 200 plötur, ég hef selt
marga tugi þúsunda í gegnum árin.
Erna Björt Gerirðu þér grein
fyrir því að sjálfsmorð meðal
ungs fólks er mest hjá
samkynhneigðum og einmitt vegna
fordóma í samfélaginu? Þess vegna er
mikilvægt að koma því áleiðis að
maður fæðist svona þetta er ekki
ákvörðun (eins og trúarbrögð og
fordómar). Vilt þú vera með líf einhvers
barns/unglings á samviskunni? Reyndu
nú að setja þig í spor annarra og
ímynda þér það hvernig þér myndi líða
ef þú lentir í aðkasti fyrir að fæðast
hvítur karlmaður!
 Gylfi Ægisson Ég ber engan kala
til hinsegin fólks sem er eins og
fólk, langt frá því. Og ég er ekki
kynþáttahatari. Árið 1969 var
ég á Hofsjökli ásamt skipshöfn-
inni og Palla skipstjóra. Þá kom
blökkumaður einn inn og fólk fór að
áreita hann. Ég rotaði foringjann
og Palli bauð okkur að borðinu sínu,
bauð okkur veitingar það kvöld.
Honum fannst þetta svo vel gert.
Ég er alltaf vinur litla mannsins.
Þess vegna hef ég enga fordóma
gagnvart þessu fólki. En ég vil
ítreka það sem ég hef sagt áður:
Það er ólíðandi að samkynhneigðir
séu með svo mikinn klámkjaft að
fara þurfi burt með börnin.
Rafn Steingrímsson Gylfi.
„Verndum börnin“ rökin eru
uppáhaldsrök þeirra sem vilja
skerða réttindi og stundum hvetja til
ofbeldis gegn hinsegin fólki. T.d. í
Rússlandi og Úganda, en þar koma
stuðningsmenn laga gegn samkyn-
hneigðum með ótrúlegustu fullyrðingar
um að samkynhneigð skaði á einhvern
hátt börn og hinsegin fólk oft
samsamað við barnaníðinga án
nokkurra haldbærra raka. Myndir þú
styðja sambærilega lagasetningu á
Íslandi eins og rússnesk stjórnvöld hafa
sett um að banna LGBT „áróður“?
 Gylfi Ægisson Ég hef ekkert á móti
fólki og ég mundi ekki vilja það.
En klámvæðinguna verður að tala
um. Þetta er ekkert eðlilegt. Hvað
yrði gert ef við Megas löbbuðum
niður Laugaveginn eftir hádegi
í leðurbuxum með rassana út?
Annaðhvort yrðum við settir aftur
á Kleppsspítalann eins og í gamla
daga, og Rúnar Þór með okkur líka,
eða þá bara beint í steininn! Það
þætti eflaust einhverjum homma
flott að sjá okkur, en okkur yrði
engu að síður stungið inn.
Arnar Jónsson Sæll Gylfi.
Varstu viðstaddur Gleði-
gönguna og skemmtiatriðin á
Arnarhóli um síðustu helgi?
 Gylfi Ægisson Nei, en fólk
hefur skrifað mér um þetta eftir
að umræðan fór að berast. Sumir
eru hræddir, segjast hugsa eins og
ég en ekkert þora að gera. Vinkona
mín þorði ekki með mér í bæinn
í gær, hún var svo hrædd vegna
þessarar heiftar sem beinist að
mér. Það hafa margir kommentað
hjá mér og talað um þetta og nú
eru að verða nærri 2.000 komnir
sem styðja vísuna á Vísi og það
voru nærri 900 hjá DV í gær. Svo
þetta nálgast 3.000.
Jónas Haux Þú veist að
búningarnir eru satíra á
steríótýpum sem hinsegin fólk
lendir í, er það ekki? Og hvernig geturðu
gagnrýnt sorakjaft á einhverju sem þú
varst ekki viðstaddur? Ekki hef ég tekið
eftir því.
 Gylfi Ægisson Heldurðu að krakkar
hafi gaman af því að horfa á bera
rassa út um leðurbuxur? Í gamla
daga þegar maður fór á skylm-
ingarmynd á Siglufirði, þá voru bara
allir að skylmast úti um allan bæ
á eftir. Auðvitað hefur allt svona
áhrif á börnin, ef þau eru alltaf að
sjá það sama og þeim er sagt að
þetta sé eðlilegt þá verður þetta
eðlilegt í þeirra augum. Mig langaði
alltaf að eignast skammbyssu og
sverð og nú á ég hvort tveggja. Ég
get gagnrýnt sorakjaftinn vegna
þess að ég hef fengið einkaskilaboð
frá fólki sem bókstaflega segist
ekki hafa þorað að segja neitt. Það
sé bara hrætt.
Jóhann Sigurbjörnsson
Þarftu ekki að fara að búa til
annan disk með leiknum
barnasögum sem krakkar eru ennþá að
hlusta á og fá aldrei nóg af og þá
kannski gleyma krakkarnir hvað þeir
sáu í Gleðigöngunni?
 Gylfi Ægisson Ég sá margar myndir
í gamla daga og ég man mest allt
úr mörgum þeim skemmtilegustu
sem ég sá. Enginn þarf að segja mér,
þótt verið sé að snúa út úr þessu, að
það sé hollt fyrir börn að heyra um
klám, talað um að betra sé að vera
með tvenn leggöng og eitt typpi
heldur en ein leggöng og eitt typpi.
Fólk þurfti að hlusta á kynna tala og
syngja um leggöng og typpi. Þetta
segir fólkið mér sem var þarna.
Garðar Jónsson Finnst þér
það að tveir karlmenn sem
kyssast á almannafæri vera
klám sem þarf að vernda börn fyrir?
 Gylfi Ægisson Ég er orðinn það
fullorðinn að mér finnst það
ekkert voðalega geðslegt. En ég
skil það. Hins vegar veit ég ekki
hvort börnin myndu skilja það. Nú
á að brenna 200 geisladiska og
plötur. Garðar Garðarsson hótar
því. Þegar ég skemmti í Vogunum
á laugardaginn sendi hann mér
einkaskilaboð og ég hef ekkert
gert þessum manni, svo ég tel
mjög líklegt að hann sé hinsegin –
nema hann hafi snöggklikkast.
Heiða Heiðars Hvað með
öskudagsbúninga? Ég varð
vitni að því þegar lítill drengur
trylltist af hræðslu þegar hann mætti
einum klæddum beinagrindarbúningi
á Laugarveginum. Ég veit ekki hvort
hann jafnaði sig á því.
 Gylfi Ægisson Mig langaði nú
alltaf í svoleiðis búning þegar ég
var lítill en var samt alltaf svo
myrkfælinn á Siglufirði að mig
langaði helst að sjá draug til að
ég væri ekki einn! Vitna beint í orð
Tómasar skálds Tómassonar.
Arnar Jónsson Hefurðu
einhvern tímann farið á
Gleðigönguna? Ég get alla
vega skrifað þér og sagt frá
upplifuninni. Ég var þarna í fyrsta
skipti um síðustu helgi, tók öll börnin
með og ekkert okkar heyrði neinn
klámkjaft, hvorki í göngunni eða af
sviðinu. Ég myndi alveg þora að segja
frá því ef það hefði gerst. Leitt að
vinkona þín sé hrædd við heift og
ofsóknir. Þið getið kannski ráðfært
ykkur við samkynhneigða; margir
þeirra hafa reynslu af baráttu við
heift, ofsóknir og skilningsleysi hér á
landi.
 Gylfi Ægisson Ég ætla að sýna
DV-mönnum það sem mér var
sent á eftir. Þeir geta þá eflaust
staðfest það sem þeir sjá. Ég
hef séð glefsur þegar ég gekk
niður Laugarveginn fyrir nokkrum
árum og hef ekki haft áhuga á að
fylgjast með þessu síðan …
Anna Evudóttir Ármanns-
dóttir Nú vísar þú í
drag-klæðnað borgarstjór-
ans og fordæmir klámvæðingu, er
það rétt skilið hjá mér? Ef svo er hvað
finnst þér þá um húmorinn í lagi eins
og Sjúdderarírei?
 Gylfi Ægisson Það er ekkert
klám í þeim texta. Það fer bara
eftir því hvernig þú hugsar. En
borgarstjórinn er að skíta út
íslenska þjóðbúninginn sem
gamla fólkið elskaði – sem liggur
nú grafið í fjölda kirkjugarða. Það
hefur líklega snúið sér við þegar
það komst að því að hann gerði
þetta. Mér finnst að hann eigi að
hafa skömm fyrir, bara fyrir að
hafa móðgað það fólk sem sá karl
málaðan í honum. Það var aldrei
ætlunin þegar hann var búinn til.
Jónína Bjarnadóttir Nú
snýst Gleðigangan um að efla
mannréttindi og gerir öðrum
kleift að styðja baráttu samkyn-
hneigðra og annarra! Gleðigangan
snýst um gleði og fögnuð að Ísland er
loksins að minnka fordóma í garð
samkynhneigðar. Þú segir meðal
annars að börn þurfi að horfa upp á
karlmenn í sleik eða kvenmenn í sleik
og þú ásamt öðrum segir að börnin
eigi ekki að þurfa horfa upp á þetta.
Hvernig er það öðruvísi þegar börn sjá
karlmann og kvenmann í sleik niðri í
bæ? Er það eitthvað minna skaðlegt
fyrir börnin? Einnig spyr ég líka. Hvort
er meira skaðlegt fyrir börn? Að sjá
ást milli tveggja persóna, finna fyrir
öryggi til þess að vera eins og barnið
vill vera eða þá að heyra hatur, og
niðrandi ummæli um að vera ekki eins
og allir hinir? Hvað finnst þér?
 Gylfi Ægisson Svar við fyrri
spurningunni: Allir eiga rétt á að
eiga mömmu og pabba. Persónu-
lega gæti ég ekki hugsað mér að
vera lítill strákur og fara í skólann
með tveimur pöbbum sem svæfu
saman. Annar væri pabbi minn
og hinn væri mamma mín. Myndi
lenda í einelti í skólanum fyrir
þetta og aðhlátri – slíkt myndi
ég ekki vilja óska mér. Ég tel að
flest börn vilji bæði eiga mömmu
og pabba. Þess vegna er ég ekki
hlynntur því að hommar eða
lesbíur ættleiði börn – barnanna
vegna (þó hommar og lesbíur
yrðu góð við þau).
Sigríður Eyjólfsdóttir Sæll
Gylfi hvenær kemur út nýtt
efni frá þér?
 Gylfi Ægisson Ég er nú að semja
lag fyrir þjóðþekktan mann
sem kemur út bráðlega. Ég má
ekki tala um það. Síðan hitti ég
sennilega Kristján Snorrason í
Upplyftingu á morgun (ef þeir
fara á erlendan markað verða
þeir skírðir Viagra!). Við snæðum
í hádeginu og hann hefur áhuga
á að fá efni frá mér. Síðan gef
ég út nýjan disk sennilega
fljótlega upp úr áramótum en er
núna að rokselja í gegnum síma
safndiskinn minn með original
flytjendum, 25 lög. Og nýjasta
diskinn sem heitir Á frívaktinni,
hann kom út á síðasta ári og er
með nýjum lögum og textum. Og
svo er ég að selja Valla og snæ-
álfana, fimm ævintýradiska sem
rjúka út eins og heitar lummur,
mála málverk og skemmta.
„Ber engan kala
til hinsegin fólks“
Gylfi Ægisson vakti athygli fyrir ummæli um Gleðigönguna. Mætti á Beina línu á miðvikudag.
Nafn: Gylfi Ægisson
Aldur: 66 ára
Starf: Tónlistarmaður